IT Park tomonidan ayol-qizlar uchun Tumaris.Tech loyihasining Markaziy Osiyo inkubatsiya va akseleratsiya dasturlari

IT Park USAID ning tadbirkorlik va biznes muhitini rivojlantirish loyihasi, Beeline Uzbekistan raqamli operatori, TBC Bank va Wonder Women hamjamiyati koʻmagida Tumaris.Tech loyihasining Markaziy Osiyo inkubatsiya va akseleratsiya dasturlari uchun arizalar qabul qilish boshlanganini eʼlon qiladi.

Dasturda oʻz biznesini rivojlantirishni niyat qilgan barcha ayol-qizlar ishtirok etishi mumkin. Ushbu loyiha 12-dekabrdan 25-fevralgacha qadar onlayn tarzda boʻlib oʻtadi.

Loyiha 2 alohida dasturdan iborat:

• Inkubatsiya dasturi. Bunda ishtirokchilar biznes boʻyicha bir gʻoyani rivojlantirib, uning prototipini yaratish uchun kerakli koʻniklamalarga ega boʻladi;
• Akseleratsiya dasturi. Bunda allaqachon gʻoya prototipiga ega boʻlgan biznesni rivojlantirish uchun moʻljallangan. 

Ishtirokchi ayol-qizlar quyidagi 12 sohadan birida oʻz gʻoyasini rivojlantirishlari mumkin boʻladi:

• AgroTech;
• FinTech;
• MedTech;
• E-commerce;
• IoT;
• EdTech;
• Logistics;
• E-Government;
• MedTech;
• FoodTech;
• Lifestyle services;
• Creative.

Avvalgi mavsum ishtirokchilari gʻoyalari bilan batafsil ushbu havola orqali tanishish mumkin.

Dasturda ishtirok etish uchun talablar:

• Inkubatsiya dasturida ishtirok etish uchun ishtirokchilar aniq biznes gʻoya va uni rivojlantirish uchun rejalarga ega boʻlishi kerak;
• Akseleratorlik dasturida ishtirok etish uchun gʻoya prototipi yoki sotishga tayyor mahsulot, shu bilan birga, ishlash uchun doimiy jamoaga ega boʻlish talab etiladi;
• Dastur rus tilida olib borilgani sabab rus tilini mukammal bilish lozim.

Dastur talablari bilan batafsil ushbu havola orqali tanishish mumkin.

Dastur imkoniyatlari:

• 2,5 oylik ushbu dasturda bepul ishtirok etish;
• Xalqaro ekspertlar bilan oʻquv va strategik sessiyalar va trekerlik;
• Moliyaviy savodxonlik kurslari, vorkshoplar;
• Investorlar oldida loyihani namoyish etish;
• Networkingni (oʻzaro aloqalar) rivojlantirish;
• Eng yaxshi loyihalar Toshkent shahrida boʻlib oʻtadigan xalqaro startap loyihalar koʻrgazmasiga tashrif buyurish.

Qolaversa, dastur davomida:

• Biznesni muvaffaqiyatli rivojlantirish uchun zarur bilimlarga ega boʻladilar;
• Vaqtni boshqarish va notiqlik mahoratini takomillashtiradilar;
• Moliyaviy savodxonligini oshiradilar;
• Muvaffaqiyatli tadbirkorlar va loyihaning boshqa ishtirokchilari bilan aloqa oʻrnatishadi;
• Eng muvaffaqiyatli gʻoyalar investitsiya platformasiga kirish imkoniyatiga ega boʻladi;
• Inkubatordagi loyihalar oʻz loyihalarining prototiplarini yaratadi;
• Akseleratordagi loyihalar oʻz loyihalarini bozorga olib chiqadi.

Dastur imkoniyatlari bilan batafsil ushbu havola orqali tanishish mumkin.

• Inkubatsiya dasturi uchun ushbu havola orqali roʻyxatdan oʻtish lozim;
• Akseleratsiya dasturi uchun ushbu havola orqali roʻyxatdan oʻtish lozim.

Dastur haqida batafsil ushbu havola orqali ma'lumot olish mumkin.

Qo'shimcha ma'lumotlar uchun: 
Telegram: +998991109147 (@elvira_sl)

- WhatsApp: +998979977079