IT sohasidagi ayol-qizlar uchun professional amaliyot — ICT4Girls Seniors dasturi

"Raqamli Kelajak" markazi tomonidan start berilayotgan ICT4Girls Seniors dasturi Germaniya Xalqaro Hamkorlik Jamiyati GIZ (Deutsche Gesellschaft für Internationale Zusammenarbeit GmbH)ning O‘zbekistondagi vakolatxonasi bilan hamkorlikda tashkil etilmoqda. 

Dasturda axborot texnologiyalari (IT) yo'nalishida ta'lim olayotgan 15-31 yoshdagi qizlarga mo'ljallangan bo'lib, saralashdan o'tgan 10 nafar qiz 2023-yilning may oyidan boshlab IT, biznes va tegishli sohalarda faoliyat yurituvchi tashkilotlarda amaliyot o'taydi. 

Dastur ishtirokchi qizlarning raqamli ko'nikmalari, shuningdek, ishga joylashishda zarur ko'nikmalarni oshirishga yordam beradi.

Amaliyot davomida o'z bilim va mahoratini ko'rsata olgan ishtirokchi qizlar dastur yakunlangach ish bilan ta'minlanish imkoniyatiga ega bo'ladi. 

• 20 yoshgacha bo‘lgan maktab, kasb-hunar maktabi, akademik litsey va kollej o‘quvchi qizlari;
• Ro‘yxatdan o‘tish havolasidagi birlamchi saralashdan o‘tgan qizlar.

• Bepul amaliyot davomida ishtirokchi qizlarning raqamli ko'nikmalari, shuningdek, ishga joylashishda zarur ko'nikmalarni oshirishga yordam beriladi;
• Dastur yakunlangach ish bilan ta'minlanish imkoniyatiga ega bo'ladi;
• Viloyatdagi qizlar uchun onlayn amaliyot yoki o'z hududida oflayn amaliyot o'tash imkoni beriladi. 

Saralash 2 bosqichda tashkil etiladi: 

1-bosqich - onlayn ariza.

Ariza formasiga:

• ilova xati (10 mbgacha bo‘lgan pdf/doc fayl);
• motivatsion video (ko‘pi bilan 60 soniyali);
• yangilangan rezyume (10 mbgacha bo‘lgan pdf/doc fayl) yuklash lozim. Ularni nomzod o'ziga qulay tilda tayyorlashi mumkin;

Ariza to‘ldirishni boshlashdan avval: 

1. Dastur haqidagi ma’lumotlar bilan to‘liq tanishib chiqish;

2. So‘nggi ma’lumotlar kiritilgan rezyume, 1 daqiqali video hamda ilova xatini tayyorlab olish tavsiya etiladi.

Arizalar 8-aprel 18:00ga qadar qabul qilinadi. 

2-bosqich - suhbat

1-bosqichdan muvaffaqiyatli o‘tgan qizlarga 13-15-aprel kunlari xabar beriladi va ular bilan suhbat 17-21-aprel oralig‘ida tashkil etiladi.

Motivatsion video va ilova xatiga qo'yilgan talablar bilan bu yerda batafsil tanishish mumkin.

Tez-tez berilayotgan savollarga javoblar:

1. Videoda nomzodning shaxsan o'zi ishtirok etishi kerakmi?

Ha, video savollarga nomzodning o'zi javob berayotgan holda olinishi kerak. Video davomida aytilayotgan gap isboti sifatida rasmlardan foydalanish mumkin.

2. Rezyume qaysi tilda bo'lishi kerak?

Ariza va so'ralgan barcha yuklamalar (video, rezyume va ilova xati) o'zbek, rus va ingliz tilidan birida bo'lishi lozim.

3. Rezyumeni qayerga yuklash kerak?

Ariza formasida so'ralgan har bir fayl uchun maxsus joy bor. Ariza formasi bu yerda.

4. Toshkentda bo'lmagan qizlar ishtirok eta oladimi?

Albatta! Saralashdan o'tgan, viloyatdan bo’lgan qizlar uchun onlayn amaliyot yoki viloyatlaridagi tashkilotda oflayn amaliyot variantlaridan biri ko’rib chiqiladi.

5. Maktabda o'qiydiganlar ham ariza bera oladimi?

Seniors dasturi maktabni bitirgan qizlar uchun. O'quvchi qizlar uchun mo'ljallangan dasturlar keyinroq e'lon qilinadi.