IT sohasiga qiziquvchi ayol-qizlar uchun "Raqamli Avlod Qizlari " Respublika tanlovi

Qizlarning axborot-texnologiyalari sohasiga qiziqishini oshirish hamda ishtirokini ragʻbatlantirishga, taʼlimni targʻib qilishga va yetakchilik qobiliyatini rivojlantirishga qaratilgan “Digital Generation Uzbekistan” NNT tomonidan navbatdagi “Raqamli avlod qizlari” loyihasiga start berilmoqda.

24-29-aprel kunlari “Renessans” oromgohida “Raqamli avlod qizlari” Respublika tanlovi boʻlib oʻtadi.

Dasturda quyidagi yo'nalishdagi loyihalar bilan qatnashish mumkin:

• Ta'lim;
• Sun'iy intellekt;
• Iqlim o'zgarishi.

Tajribali mentorlar tomonidan professional darslar va xalqaro kompaniyalar ekspertlarining mahorat darslari tadbir ishtirokchilarini kutmoqda!

• Dasturda axborot-texnologiyalari (IT)sohasiga qiziquvchi barcha ayol-qizlar qatnashishi mumkin.

• AQSH ta'lim sayohatini yutib olish imkoniyati;
• Sertifikat va yangi do'stlar orttirish;
• IT bo'yicha bilimlarni oshirish;
• Seminarlar va qiziqarli dasturlar;
• To'liq moliyalashtirilgan oromgoh.

Roʻyxatdan oʻtish ushbu havola orqali amalga oshiriladi.

“Raqamli avlod qizlari” loyihasida 5 kun davomida ishtirokchilar oʻzlari tanlagan yoʻnalishlari boʻyicha malakali mentorlardan darslar oladilar. Shu bilan birga, mashgʻulotlar davomida oʻzlari mustaqil tarzda, oʻrganganlari asosida loyihalar ishlab chiqadilar.

Ushbu loyiha darslardan tashkil etgan oddiy tadbir emas, balki qizlarning axborot-texnologiyalari sohasidagi bilim va koʻnikmalari, yetakchilik qobiliyatlari, jamoa bilan ishlash malakalarini oshiradigan drayver.