Italiya davlatining School of Transnational Governance institutida amaliyot o‘tash uchun Policy Leader Fellowship dasturi
-
25/12/2021 Qabul boshlanishi
-
Stipendiya Moliyalash turi
-
Italiya Davlat
-
25.01.2022 Oxirgi muddat
Umumiy maʻlumotlar
Policy Leader Fellowship- bu butun dunyo bo‘ylab karyerasini ilk yoki o‘rta bosqichida bo‘lgan siyosat amaliyotchilari uchun seminarlar, treninglar, malaka oshirish sessiyalari, konferensiyalar va boshqa tadbirlarda ishtirok etish bilan birga o‘zlarining ish va kasbiy mahoratlarini oshirish uchun mo'ljallangan global dasturdir. Bundan tashqari, ular EUI (European University Institute) dagi boshqa stipendiyantlar, siyosatchilar va akademik hamjamiyat bilan muloqot qilish imkoniyatiga ega bo‘ladilar.
Dastur besh (birinchi yoki ikkinchi semestrda belgilangan muddat) yoki o‘n oy (sentyabrdan iyun oyining oxirigacha belgilangan muddat) davom etadi.
Joriy STG (School of Transnational Governance) yo‘nalishlari, dasturlari va tashabbuslari bilan ushbu havola orqali ko‘rish mumkin.
Dasturga qabul qilinganlarning yo‘l xarajatlari qoplanadi hamda oylik stipendiya bilan ta’minlanadilar.
Maqbullik shartlari
- Professional tajriba hamda kelajakda siyosat sohasida o‘z salohiyatini namoyish qila oladigan karyerasining ilk yoki o‘rta bosqichida bo‘lgan mutaxassislar;
- Siyosat masalalari, ayniqsa transmilliy boshqaruv bilan bog‘liq masalalar bilan shug‘ullanadigan nomzodlar;
- Tashabbuskor, amaliyot orqali nimaga erisha olishini hamda tugagandan keyin qanday ijobiy ta’sir ko‘rsatishini namoyon qila oluvchi ish rejasini taqdim qila oladigan nomzodlar;
- Qiziquvchan va faol ishtirokchilar;
- Dasturishtirokchilari EUI hamjamiyatining bir qismi bo‘lib, ularning tajribasidan tashqari bo‘lgan mavzular bo‘yicha tengdoshlar bilan muhokamalarda qatnashadilar.
Nomzodlar quyidagi mezonlar asosida baholanadilar:
- Nomzodning rezyumesida ko‘rsatilgan siyosat sohasiga qo‘shgan hissasi va siyosat bilan bog‘liq ish namunasi (ijtimoiy tarmoqlardagi, veb-saytdagi havolalari, maqolalar namunalari ilovasi, siyosiy hujjatlari yoki boshqa tegishli ma’lumotlari asosida baholanadi) va qo‘shimcha tasdiqlovchi hujjatlar asosida ;
- Nomzodlar ish rejasining professional mazmuni va uning maqsadga muvofiqligi, STG dasturlari va faoliyatiga o‘z hissasini qo‘sha olishlari bilan.
Ushbu havola orqali batafsil tanishib chiqish mumkin.
Foydali tomonlari
- Oyiga €2,500 stipendiya;
- Agar loyiq deb topilsa, asosiy stipendiyaga oilaviy nafaqa qo‘shiladi. Turmush o‘rtog‘i/ayoli bilan birga Florensiyada yashasa va uning daromadi oyiga €2000 dan kam bo‘lsa, oyiga €300 gacha bo‘lgan oilaviy nafaqa to‘lanadi. Daromad va imtiyozlar miqdori oyiga €2000 dan oshmasligi kerak (ya’ni daromad qancha bo'lishidan qat'i nazar, umumiy mablag' to €2000 ga yetguncha qo'shimcha yordam puli to'lanadi);
- Borib kelish xarajatlari qoplanadi (faqat ishtirokchilarning o‘zlari uchun, oila a’zolari uchun emas);
- Stipendiya EUI tomonidan soliqqa tortilmaydi. Biroq, stipendiyantlar ularga nisbatan qo‘llanilishi mumkin bo‘lgan boshqa soliq qoidalariga rioya qilishlari shart.
Ushbu havola orqali batafsil tanishib chiqish mumkin.
Qoʻshimcha maʻlumotlar
- Yakuniy natijalar ariza topshirishning oxirgi muddatidan keyin to'rt oy ichida nomzodlarga yetkaziladi.
- Grantlar 2022-yil sentyabrdan 2023-yil iyuniga qadar besh yoki oʻn oylik muddatga moʻljallangan.
Nomzodlar quyidagi variantlardan oʻz tanlovlarini koʻrsatishlari kerak:
- Besh oy: 2022 yil sentyabr - 2023 yil yanvar; 2023 yil fevral - 2023 yil iyun
- O'n oy: 2022 yil sentyabr - 2023 yil iyun.
- Qo'shimcha ma'lumot uchun:
Qo'shimcha ma'lumot uchun:
- Email: evgenia.markvardt@eui.eu; applyfellow@eui.eu; alice.pineschi@eui.eu
- Tel:[+39] 055 4686 616; [+39] 055 4686 902