Italiyada bakalavr va magistratura bosqichida bepul o‘qish uchun Padua International Excellence Scholarship dasturi. Yillik €8,000 stipendiya ham to'lanadi!

Italiyaning Padua Universiteti tomonidan bakalavr va magistratura bosqichida o‘qish uchun Padua International Excellence Scholarship dasturini e’lon qiladi. 

Padua Universiteti 2024-yil dunyо universitetlari QS reytingiga kо'ra, 219-о'rinni egallab turibdi.

Dastur yuqori iqtidorli talabalarga mo‘ljallangan bo‘lib, 2024-2025 o‘quv yili uchun 59-60 ta grant ajratgan.  Dasturga qabul qilinganlar yiliga €8,000 stipendiya bilan ta’minlanadi hamda ishtirokchilarning  universitet elchisi va ba’zi tadbirlarda universitet vakili bo‘lishlari kutilmoqda. 

Dastur davomiyligi bakalavr bosqichi uchun-3 yil; magistratura bosqichi uchun-2 yil.

Dasturda ishtirok etish uchun nomzodlar quyidagi talablarga javob berishi kerak:

• Italiya fuqarosi bo‘lmasligi (ikki fuqaroligi bo‘lgan nomzodlar bundan mustasno);
• Nomzodlar bakalavr darajasi uchun o‘rta maktab attestat/diplomini va magistratura uchun bakalavr diplomini Italiyaga tegishli bo‘lmagan  ta’lim muassasasidan olgan bo‘lishi;
• Italiyada yashamayotgan bo‘lishi;
• Padua universitetida to‘liq ingliz tilida o‘qitiladigan dasturlardan bir yoki bir nechtasiga hujjat topshirgan bo‘lishi (3 tagacha dasturga hujjat topshirish mumkin).

Padua universitetining bakalavr va magistratura bosqichiga kirish uchun ham kirish talabalari mavjud  bo‘lib tanlagan dastur kirish talablari qismida tanishib chiqish so‘raladi.

Ushbu havola orqali batafsil tanishib chiqish mumkin.

Dasturga qabul qilingan nomzodlar quyidagi imtiyozlarga ega bo'lishadi:

• Kontrakt to‘lovidan ozod qilinadi;
• Yiliga €8,000 stipendiya beriladi.

Eslatma: Nomzod Padua International Excellence stipendiyasiga ega bo‘lgandan so‘ng boshqa  stipendiyani qo'lga kirita olmaydi.  Keyingi yillarda ham stipendiyani olish uchun berilgan maqbullik shartlariga rioya qilish talab qilinadi. 

Dasturga har yili 3 marta arizalar qabul qilinadi:

• 2023-yil 2-noyabrdan 2024-yil 2-fevralgacha;
• 2024-yil 2-martdan 2-maygacha;
• 2024- yil 2-iyundan 2-avgustgacha (faqat Yevropa Ittifoqi fuqarolari va Italiyada yashovchi Yevropa Ittifoqi fuqarоsi bo'lmaganlar uchun) . 

Ayni рaytdagi qabulning оxirgi muddati: 2-may, 2024-yil.

Dasturga hujjat topshirish quyidagi tartibda amalga oshiriladi:

1. Berilgan yo‘nalishlardan bir nechtasi tanlanadi va qabul shartlari bilan tanishib chiqiladi.

2. So‘ralgan barcha hujjatlar PDF shaklida yuklanadi.

Ariza to‘ldirishda quyidagi hujjatlar so‘raladi:

Bakalavriat dasturi uchun:

• CV;
• Motivatsion xat;
• Baholar ko‘rsatilgan rasmiy hujjat;
• 11/12 yillik o‘rta maktabni tugatganlik  bo‘yicha maktab attestati;
• Pasport;
• Italiyada yashash uchun ruxsatnoma;
• Ingliz tili yoki boshqa til sertifikatlari (topshirayotgan dasturning kirish talablarida aytilgan bo‘lsa).

Magistratura dasturi uchun:

• CV;
• Motivatsion xat;
• Baholar ko‘rsatilgan rasmiy hujjat;
• Hujjat topshirgunga qadar nomzod bakalavr diplomiga ega bo‘lmasa, universitetda o‘qiyotganligi va shu yili tugatishi bo‘yicha ma’lumotnoma;
• Pasport;
•  Ingliz tili yoki boshqa til sertifikatlari (topshirayotgan     dasturning kirish   talablarida aytilgan bo‘lsa)
• Quyidagilar tashqari boshqa hujjatlar ham talab qilinadi. Har bir dasturning kirish talablari qismini tekshirish so‘raladi.

3. Ushbu havola orqali ro‘yxatdan o‘tiladi va “Become an applicant” yozuvini bosib ariza to‘ldiriladi.

4. Applicant code yuboriladi. Ushbu kod orqali ariza to‘ldiriladi.

5. Hujjat topshirish uchun to‘lov €30 bo‘lib, email orqali to‘lov uchun havola yuboriladi.

Eslatma: grant uchun alоhida ariza tорshirish shart emas, tanlangan о'quv dasturiga hujjat tорshirishning о'zi yetarli.

Hujjat topshirish haqida ushbu havola orqali batafsil tanishib chiqish mumkin.

Qo‘shimcha ma'lumotlar:

• Qo‘shimcha savollar quyidagi havola orqali so‘raladi.
• Natijalar www.unipd.it/en/assessement-results saytida e’lon qilinadi.