Italiyada bakalavr va magistratura bosqichini oʻqish uchun yiliga €8000 stipendiyalik TOpoliTO Scholarships dasturi

Italiyaning Politecnico di Torino universiteti bakalavriat va magistratura bosqichida oʻqish uchun qobiliyatli xalqaro talabalarga “TOPoliTO: Politecnico di Torinoga eng yaxshi talabalarni jalb qilish” nomli loyihasini eʼlon qiladi. Politecnico di Torinoda xalqaro talabalar sonini tobora koʻpaytirib borish universitet, davlat va uning iqtisodiy tizimi uchun madaniy qadriyat hisoblanadi.

Dasturda bakalavr va magistratura bosqichida tahsil olmoqchi boʻlgan nomzodlar ishtirok etishlari mumkin. Bakalavr bosqichi 3 yil, magistratura bosqichi esa 2 yil davom etib, ikkalasi uchun ham yiliga €8.000 dan stipendiya ajratiladi. Joylar soni ikkala bosqich uchun ham 8 tadan, jami 16 ta.

Bakalavr bosqichida 2022-yil 24-avgustga qadar, magistratura bosqichida esa shu yilning 10-avgustiga qadar roʻyxatdan oʻtish lozim.

Dastur haqida ushbu havola orqali batafsil maʼlumot olish mumkin.

Bakalavr bosqichi:

Bakalavr bosqichiga ariza topshirmoqchi boʻlganlarga quyidagi talablar mavjud:

• Yevropa Ittifoqi davlatlaridan boʻlgan nomzodlar qatnasha olmaydilar (Italiyaga kelishi uchun viza talab qilinadigan xalqaro nomzod boʻlishi lozim);
• Nomzod 2001-yil 1-yanvarda yoki undan keyin tugʻilgan boʻlishi (22 yoshdan katta boʻlmasligi) zarur;
• Italiyadan tashqarida oʻrta-maxsus taʼlim diplomiga ega boʻlishi yoki shu yili bitirishi kerak;
• Politecnico admission test (TIL I-D-P-A)da roʻyxatdan oʻtgan va imtihonda kamida AT 70 (100dan) toʻplagan boʻlishi zarur;
• Ariza topshirish davrida kontraktning dastlabki miqdorini toʻlagan boʻlishi kerak;
• Ushbu dastur uchun birinchi marta ariza topshirayotgan boʻlishi lozim.

Dasturning bakalavr bosqichida quyidagi nomzodlar qatnasha olmaydi:

• Italiya rasmiy fuqarolari yoki Italiyada vaqtinchalik roʻyxatda turuvchilar;
• Italiya yoki boshqa chet universitetiga allaqachon ariza topshirganlar;
• Boshqa stipendiyani qoʻlga kiritganlar;
• Almashinuv dasturida qatnashgan talabalar.

Eslatma! Yuqorida taʼkidlangan holatlar 2 yildan oshgan boʻlsa qatnashish mumkin.

Magistratura bosqichi:

Magistratura bosqichiga ariza topshirmoqchi boʻlganlarga quyidagi talablar mavjud:

• Italiyadan boshqa davlatda bakalavr bosqichini oʻqigan boʻlishi kerak;
• 2022-23-oʻquv yilida Politecnico di Torinoning belgilangan yoʻnalishlaridan biriga magistratura bosqichida oʻqishga qabul qilingan boʻlishi lozim;
• Dastur roʻyxatdan oʻtish vaqtidan 5 yildan uzoq boʻlmagan muddatda GRE General Test yoki GRE General at home mavjud va kamida quyidagi koʻrsatkichlarda boʻlishi lozim:

-Verbal Reasoning: 156/170;

- Quantitative Reasoning: 157/170;

- Analytical Writing: 3,5/6.

Dasturning magistratura bosqichida quyidagi nomzodlar qatnasha olmaydi:

• Italiya rasmiy fuqarolari yoki Italiyada vaqtinchalik roʻyxatda turuvchilar;
• Italiya yoki boshqa chet universitetiga allaqachon ariza topshirganlar;
• Hozirda magistratura va undan yuqori bosqichda oʻqib turganlar;
• Boshqa stipendiyani qoʻlga kiritganlar;
• Almashinuv dasturini qozongan talabalar.

Dastur haqida ushbu havola orqali batafsil maʼlumot olish mumkin.

• Bakalavr bosqichi talabalari uchun 3 yillik oʻqish mobaynida har yili €8.000 dan stipendiya taqdim etiladi.
• Magistratura bosqichi talabalari uchun 2 yillik oʻqish mobaynida har yili €8.000 dan stipendiya taqdim etiladi;

Dastur imkoniyatlari haqida umumiy maʼlumotlarni ushbu havola orqali topish mumkin.

Bakalavr bosqichi:

Bakalavr bosqichi uchun 2022-yil 24-avgustga qadar roʻyxatdan oʻtish lozim.

Bakalavr bosqichida oʻqimoqchi boʻlganlar uchun quyidagi yoʻnalishlar mavjud va jami 8 ta stipendiya ajratilgan:

-Engineering (4 ta);

-Design and Visual Communication (1 ta);

-Territorial, Urban, Environmental and Landscape Planning (1 ta);

-Architecture (2 ta).

Eslatma! Stipendiya uchun faqatgina Politecnico admission test TILdan 70/100 bilan oʻtgandan soʻng va kontrakt toʻlovlarining dastlabki qismi amalga oshirilgandan soʻnggina ariza topshirish mumkin.

Dasturda qatnashish uchun ushbu havola orqali platformaga kirib, “Research and Academic scholarships” boʻlimidagi “I wish to apply to TOPoliTO scholarships to enroll to Bachelor of Science programs in the A.Y. 2022/23” qismini belgilash kerak.

Magistratura bosqichi:

Magistratura bosqichida oʻqimoqchi boʻlganlar uchun quyidagi yoʻnalishlar mavjud va jami 8 ta stipendiya ajratilgan:

-Engineering (5 ta);

-Architecture (3 ta).

Magistratura bosqichi uchun roʻyxatdan oʻtish jarayoni quyidagicha:

• Apply@politoga onlayn ariza topshirish kerak;
• Onlayn ariza sahifasi “Research and Academic scholarships” boʻlimidagi “I wish to apply to TOPoliTO scholarships Master of Science programs A.Y. 2022/23” yozuvini tanlash lozim;
• “GRE” boʻlimidagi GRE General Test score yoki GRE®General at home qismlarini toʻldirish lozim;
• “Save and submit” boʻlimida arizani yakunlash kerak.

Dasturning magistratura bosqichi uchun ushbu havola orqali roʻyxatdan oʻtish mumkin. Magistratura bosqichida roʻyxatdan oʻtish jarayoni haqida ushbu havola orqali maʼlumot olinadi. Magistratura bosqichidagi umumiy maʼlumotlarga ushbu havola orqali javob topish mumkin.

Dasturda roʻyxatdan oʻtish jarayoni haqida ushbu havola orqali umumiy maʼlumotlarni koʻrish mumkin.

Dasturning bakalavr bosqichi haqidagi italyan va ingliz tilidagi maʼlumotlarni ushbu havola orqali olish mumkin. Bakalavr bosqichi haqidagi qoʻshimcha maʼlumotlarni ushbu havola orqali topish mumkin.

Dasturning magistratura bosqichi haqidagi italyan va ingliz tilidagi maʼlumotlarni ushbu havola orqali olish mumkin.

Qoʻshimcha maʼlumotlarga topolito.grants@polito.it elektron manzili orqali javob olish mumkin.

Dasturning bakalavr va magistratura bosqichlari haqida umumiy maʼlumotlarni ushbu havola orqali topish mumkin.

Dastur haqidagi maʼlumotlarni quyidagi ijtimoiy tarmoqlardan ham topish imkoni mavjud:

-facebook;

-youtube;