Italiyada xarajatlari qoplanadigan tadqiqot dasturi — CICOPS Scholarships 2027

Xalqaro hamkorlikni rivojlantirish maqsadida Italiyadagi Pavia universiteti va EDiSU tomonidan xarajatlari qoplanadigan tadqiqot dasturi — CICOPS Scholarships 2027 taqdim etiladi. Dastur 4 haftadan 12 haftagacha davom etadi va jami 8 nafar nomzodga taqdim etiladi.

Dastur qisqa muddatli ilmiy hamkorlik uchun moʻljallangan boʻlib, asosiy maqsadi rivojlanayotgan davlatlardan kelgan tadqiqotchilarning faoliyatini ragʻbatlantirishdan iborat.

Tadqiqot dasturi quyidagi sanalarda oʻtkazilishi rejalashtirilgan:

• 2027-yil 11-yanvardan 24-iyulgacha;
• 2027-yil 6-sentyabrdan 18-dekabrgacha.

Dastur davomida ishtirokchilar uchun Pavia universitetiga qarashli yotoqxonada turar joy tashkil qilinadi va universitet oshxonalarida kuniga ikki mahal bepul ovqatlanish imkoniyati beriladi.

Quyidagi sohalarda tadqiqotlar olib boriladi:

• Science and Technology;
• Life Sciences;
• Humanities and Social Sciences.

Oʻqish davri yakunida ishtirokchilar qabul qiluvchi boʻlimda bajarilgan ishlar boʻyicha hisobot topshirishadi va chop etilgan maqola yoki ilmiy ishlar nusxalarini taqdim etishadi.

Dastur haqida batafsil ushbu havola orqali maʼlumot olish mumkin.

• Nomzod Jahon banki tasnifiga koʻra kam daromadli, quyi oʻrta daromadli yoki yuqori oʻrta daromadli iqtisodiyotga ega mamlakatda yashayotgan boʻlishi kerak (ariza topshirish muddati tugagunga qadar);
• Ariza topshirish muddatigacha PhD (yoki unga teng doktorlik darajasi) olgan va hozirda universitet yoki oliy taʼlim muassasasida ishlaydigan boʻlish lozim va/yoki kamida ikki yil davomida quyidagi muassasalardan birida (oʻqituvchi/maʼruzachi/ilmiy xodim/texnik xodim sifatida) ishlayotgan boʻlish zarur:
  • Universitet yoki oliy taʼlim muassasasi;
  • Davlat yoki notijorat tadqiqot markazi;
  • Hukumatlararo/xalqaro davlat tashkiloti (faqat tadqiqot yoki texnik faoliyati hujjatlar bilan tasdiqlangan boʻlsa) va bu muassasa tegishli (mos) mamlakatda joylashgan boʻlishi kerak.
• Talabgor taklif qilinayotgan qoʻshma tadqiqot sohasida kamida 2 ta muallif sifatida yozilgan ilmiy nashr/ilmiy natija orqali yaqinda olib borilgan ilmiy faoliyatini isbotlashi lozim.

Saralashda quyidagilar inobatga olinadi:

• Taklif etilgan loyihaning ilmiy ahamiyati, ayniqsa u universitetda olib borilayotgan oʻxshash loyihalar bilan uygʻunlashgan boʻlsa;
• CV;
• Grantlarning jalb qilingan boʻlimlar va nomzodlarning kelib chiqish hududlari oʻrtasida adolatli taqsimlanishi.

Ilmiy va professional daraja teng boʻlgan holatda quyidagilarga ustunlik beriladi:

• Jahon banki roʻyxatiga koʻra daromadi past iqtisodiyotga ega mamlakatlardan kelgan nomzodlarga;
• Pavia universiteti bilan avvaldan hamkorlik shartnomasiga ega boʻlgan universitet yoki muassasalarda ishlayotgan nomzodlarga (Xalqaro kelishuvlar haqida batafsil bu yerda);
• Tanlov komissiyasiga rasmiy ravishda UCOI va UCOIM uyushmalari aʼzosi boʻlgan Faxriy konsul tomonidan tavsiya etilgan hamda Pavia universiteti bilan hamkorlik kelishuviga ega boʻlgan nomzodlarga.

Eslatma: Italiyadagi universitetlarda doktorantura yoki postdoktorantura dasturida tahsil olayotgan nomzodlar ariza topshirish huquqiga ega emas.

Komissiya taqdim etilgan maʼlumotlar va hujjatlarning haqiqiyligini tekshirish huquqiga ega boʻlib, zarur hollarda asl nusxa yoki tasdiqlangan koʻchirmalarni talab qilishi mumkin. Notoʻgʻri maʼlumot berish tanlovdan chetlatishga va/yoki stipendiyadan mahrum boʻlishga olib kelishini unutmaslik kerak.

• Safar (borish-kelish uchun aviachipta), ovqatlanish va yashash xarajatlari qoplanadi;
• Sugʻurta bilan taʼminlanadi;
• Haftasiga 150 yevro miqdorida stipendiya beriladi;
• Viza olish uchun qoʻllab-quvvatlovchi xat yuboriladi (oldindan kelishilgan holda va ayrim hollarda viza xarajatlari uchun yordam berilishi mumkin);
• Oʻqish va ilmiy tadqiqotlar uchun zarur barcha sharoitlar (kutubxona, kompyuter va boshqalar) bilan taʼminlanadi.

• Dasturga qiziqqanlar ariza topshirishdan oldin CALL va FAQ_2027 hujjatlarini oʻrganib chiqishi lozim.
• Faqatgina Pavia universitetidagi nomzod bilan ishlaydigan professor tomonidan taklif xati (invitation letter) olgandan keyingina onlayn ariza shaklini toʻldirish soʻraladi.
• Agar ishtirokchida hali Pavia universitetida aloqa qiladigan professor boʻlmasa, UNIFIND (universitetning ilmiy xodim va tadqiqotchilarni qidirish) tizimidan foydalanib oʻz sohasiga mos professor yoki tadqiqotchilarni topishi mumkin.
• Talabgorlar ilmiy rahbarlar bilan oʻzlari bevosita bogʻlanishlari kerak. CICOPS ofisi ilmiy rahbarlarni tavsiya qilmaydi.

Hujjat topshirishda quyidagilar soʻraladi:

1. CV Yevropa formatida yuklanadi (fayl nomi: Familiya_Ism_CV).
2. Nomzod hamkorlik qilmoqchi boʻlgan professor yoki tadqiqotchidan taklif xati. Bu rasmiy qabul xati boʻlib, unda tadqiqot dasturining amalga oshirilishi mumkinligi tasdiqlanadi (fayl nomi: Familiya_Ism_Letter).

Muhim: Toʻliq boʻlmagan arizalar rad etiladi va bunda istisnolar qilinmaydi. Taklif xati ariza uchun majburiy hujjat hisoblanishini inobatga olish kerak.

• Dasturga hujjat topshirish uchun oxirgi muddat: 10-iyun 2026-yil;
• Tel: +39 0382 984232;
• Email: cicops@unipv.it;
• Tanlab olingan nomzodlar grant va uning shartlarini qabul qilganliklarini, gʻolib boʻlganliklari haqida email xabarini olgan kundan boshlab 20 kun ichida tasdiqlashlari kerak. Shu bilan birga, ular rejalashtirilgan aniq tashrif sanalarini koʻrsatishlari hamda sogʻliq bilan bogʻliq talablarni bajarish uchun zarur shartlarga ega ekanliklarini tasdiqlashlari lozim.

Quyidagi ijtimoiy tarmoqlar orqali qoʻshimcha maʼlumot olish mumkin:

• Facebook;
• Instagram;
• Twitter;
• YouTube;
• Linkedin.