Barcha talaba va o‘quvchilar uchun $1,000 gacha mukofot ajratiluvchi taqdimotlar tanlovi

IvyPanda platformasi maktabning yuqori sinf o‘quvchilari, kollej yoki universitet talabalari uchun taqdimotlar tanlovini e’lon qilinadi. Taqdimotlar dastur tomonidan taqdim etilgan uch mavzudan birida qilingan bo‘lishi kerak. Shuningdek, taqdimotni topshirish uchun yana bir necha talablar qo‘yilgan va ishni bajarish davomida ularga qat’iy amal qilish kerak. Ishlar elektron pochta orqali, barcha qoidalarga amal qilgan holda jo‘natilishi kerak. Dastur doirasida 2 ta g‘olib saralab olinadi va birinchi o‘rin sohibi $1,000, ikkinchi o‘rin sohibi esa $500 pul mukofoti bilan taqdirlanadi. 

Dasturga arizalarni qabul qilish jarayoni 2025-yil 30-iyungacha davom etadi. 

Dastur haqida ushbu havola orqali to‘liq ma’lumot olish mumkin. 

• Barcha davlat fuqarolari ishtirok etishlari mumkin;
• Dasturda maktabning yuqori sinf o‘quvchilari, kollej yoki universitet talabalari qatnashishlari mumkin;
• Dasturga qabul qilingandan so‘ng ishtirokchilardan ularning akademik darajasi bo‘yicha isbot talab qilinadi.

Dastur talablari haqida ushbu havola orqali batafsil ma’lumot olish mumkin. 

• Birinchi o‘rin sohibiga $1,000 miqdorida pul mukofoti beriladi;
• Ikkinchi o‘rin sohibiga $500 miqdorida pul ajratiladi;
• G‘oliblar dastur sahifasi va IvyPanda blogida rasmiy e’lon qilinadi;
• Eng yaxshi taqdimotlar IvyPanda blogda chop etiladi. 

Dasturda qatnashish va ariza topshirish jarayoni quyidagicha: 

1. Quyidagi mavzulardan birida taqdimot yarating:

• Universitetingizdagi eng asosiy tendensiyalar va/yoki qiyinchiliklarning kelib chiqishi va natijalari bo‘yicha tadqiqot.
• Sizni o‘qish davomida nima ilhomlantiradi? O‘qishga bo‘lgan yondashuvingiz boshqalarga qanday yordam bera oladi?
• Agar universitet hayotingizni biror sitkom yoki teleko‘rsatuv bilan solishtira olsangiz, u qaysi biri bo‘lar edi?

Taqdimotni tuzishda quyidagi talablarga amal qilinishi kerak:

• 4-6 slayddan iborat bo‘lishi kerak (Sarlavha va adabiyotlar ro‘yxatidan tashqari);
• AQSh yoki Buyuk Britaniya ingliz tilida yozilishi lozim;
• 100 foiz qo‘lda yozilishi va plagiatdan to‘la holi bo‘lishi zarur;
• .pptx shaklida bo‘lishi kerak (namunani ushbu havola orqali ko‘rish mumkin);
• Slaydlar 5x5 yoki 6x6 hajmida bo‘lishi zarur. Shuningdek, har bir slaydda 100-150 ta atrofida so‘z bo‘lishi kerak. Yozuvlar mazmunli va tushunarli bo‘lishi hamda taqdimotda kirish, asosiy qism va xulosa qismlari mavjud bo‘lishi zarur;
• Slaydlarning ko‘rinishi chiroyli va mavzuni tushunishga yordam berishi lozim;
• MLA uslubidan foydalanilishi va taqdimotni yaratish davomida manbalardan foydalanilishi hamda manba sifatida berilishi kerak. Ishda kamida 3 ta va ko‘pi bilan 6 ta manba berilishi lozim. Manbalardan tadqiqotni boyitishda foydalanilganligini ko‘rsatib bera olish kerak;
• Nomzodlarning ishlari [IvyPanda Writing Contest_Familiya] ko‘rinishida nomlanishi kerak. Masalan, IvyPanda Writing Contest_Falonchi.pptx.

2. Dasturning X va Instagram sahifalariga a’zo bo‘lish hamda ushbu ijtimoiy tarmoqlarda alohida belgilangan postlarga layk bosish va ularni ulashish kerak;

3. Scholarship@ivypanda.com e-mailiga quyidagi ma’lumotlarni ketma-ketlikda “IvyPanda Writing Contest Submission” mavzusi ostida jo‘nating:

• 3.1 Google Slidesda taqdimotingizning to‘g‘ridan to‘g‘ri havolasi (Agar taqdimot google slidesda yaratilmagan bo‘lsa, uni google slidesga joylashtirilish kerak);
• 3.2 Qatnashganlikni isbotlovchi ma’lumotlar;
• 3.3 Dastur ijtimoiy tarmoqlarga a’zo bo‘lganlikni isbotlovchi ekran rasmi;
• 3.4 Dastur ijtimoiy tarmoqlaridagi postlarni boshqalar bilan ulashganlikni isbotlovchi ekran rasmi;
• 3.5 "IvyPanda tanlovi haqida qayerdan ma’lumot oldingiz?" savoliga javob. 

Muhim sanalar: 

• Arizalar qabuli: 2025-yil 1-mart-30-iyun;
• Saralash: 2025-yil 1-iyul-31-iyul;
• Natijalar e’loni: 2025-yil 1-avgust. 

Ishlar 100 ballik tizimda baholanadi va bu jarayonda quyidagi jihatlarga ahamiyat qaratiladi: 

• Kontent, g‘oyalar va tadqiqot (20);
• Grammatika, punktuatsiya va to‘g‘ri yozish (20);
• Til va uslub (20);
• Slaydlar tashkillashtirilishi va ko‘rinishi (20);
• Adabiyotlar berish tartibi (20).