Ixtirochi ayol-qizlar uchun “Hududning 100 nafar ixtirochi ayoli” respublika tanlovi

Oʻzbekistondagi Oila va xotin-qizlar qoʻmitasi Oliy taʼlim, fan va innovatsiyalar vazirligi, Fanlar akademiyasi, Sogʻliqni saqlash vazirligi va Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan hamkorlikda jamiyatga foydasi tegadigan ixtiro ustida tadqiqot olib borayotgan olima, doktorant va tadqiqotchi ayollar, talaba qizlar, muhandis, dasturchi, oʻqituvchi, shifokor, farmatsevt, davlat xizmatchilari, agrar soha vakilalari va iqtisodiyotning turli sohalarida ishlayotgan xotin-qizlar uchun “Hududning 100 nafar ixtirochi ayoli” respublika tanlovi taqdim etiladi. Dastur “Ilmli ayol – jamiyat koʻzgusi” shiori ostida oʻtkaziladigan “XXI asr ayoli” festivali doirasida oʻtkazilmoqda.

Olima va tadqiqotchi xotin-qizlar oʻrtasida oʻtkaziladigan tanlovning nominatsiyalari:

• “Eng yaxshi ixtiro muallifi”;
• “Eng yaxshi foydali model muallifi”;
• “Eng yaxshi sanoat namunasi muallifi”;
• “Eng yaxshi seleksiya yutugʻi muallifi”;
• “Eng yaxshi EHM uchun dastur va maʼlumotlar bazasi muallifi” va  boshqa 15 xil nominatsiyalar.

Talaba qizlar oʻrtasida oʻtkaziladigan tanlovning nominatsiyalari:

• “Talaba qizning eng yaxshi innovatsion loyihasi ”;
• “Talaba qizning eng yaxshi ixtirosi”;
• “Talaba qizning eng yaxshi mobil ilovasi”;
• “Talaba qizning eng yaxshi veb-sayti”.

Tanlovning maqsadi fan va texnikaning turli yoʻnalishlarida ilmiy tadqiqot ishlari olib borayotgan, ixtirochilik va ratsionalizatorlik faoliyati bilan shugʻullanayotgan,  oʻz qobiliyatini namoyon etayotgan iqtidorli xotin-qizlarni izlab topish, ular amalga oshirayotgan loyihalarni targʻib qilish, yangi iqtidor qirralarini ochish, olima ayollar, doktorant, ixtirochi, ratsionalizator, muhandis, loyihachi, dasturchi, shifokor, farmatsevt, agrar soha vakilalari va iqtisodiyotning  boshqa sohalarida faoliyat yuritayotgan mutaxassis xotin-qizlar hamda  talaba qizlar orasida sogʻlom raqobat muhitini vujudga keltirish, ularning tashabbuslari va intilishlarini har tomonlama qoʻllab-quvvatlashdir.

Tanlovning yakuniy bosqichi mamlakatimizning barcha hududlarida joriy yilning 16-20-oktyabr kunlari oʻtkaziladi.

Dastur haqida batafsil ushbu havola orqali maʼlumot olish mumkin.

• Tanlovda olima, doktorant va tadqiqotchi ayollar, talaba qizlar, muhandis, dasturchi, oʻqituvchi, shifokor, farmatsevt, davlat xizmatchilari, agrar soha vakilalari va iqtisodiyotning turli sohalarida ishlayotgan xotin-qizlar qatnashishlari mumkin;
• Nomzodlar oʻz sohasi boʻyicha jamiyatga foydasi tegadigan ixtiro ustida tadqiqot olib borayotgan boʻlishi kerak;
• Tanlovda ishtirok etmoqchi boʻlayotgan xotin-qizlarning, innovatsion loyihasi boʻyicha chop etilgan ilmiy ishlari va olgan muhofaza hujjatlarida hammualliflar boʻlsa, intellektual mulk egasidan (egalaridan) rozilik xati olishlari lozim.

• Tanlovda bepul qatnashish mumkin;
• Nomzodlarning ixtirochilik faoliyati tashkilot tomonidan moddiy va maʼnaviy jihatdan qoʻllab-quvvatlanadi;
• Yangi texnika, texnologiya va raqobatbardosh mahsulotlarni yaratish va amaliyotga joriy etishlari uchun imkoniyat yaratiladi;
• Dastur davomida ilmiy, ijodiy va intellektual salohiyatni yuksaltirish va ixtirolarni keng ommaga namoyish qilish mumkin.

Nomzodning hujjatlari Qoraqalpogʻiston Respublikasi, Toshkent shahri va viloyatlardagi Oila va xotin-qizlar tuman (shahar) boʻlimlari masʼul xodimlari tomonidan joriy yilning 18-sentyabridan 6-oktyabrgacha haftaning dushanba-juma kunlari soat 09:00 dan 17:00 gacha qabul qilinadi.

Tanlovda ishtirok etmoqchi boʻlgan xotin-qizlar Oila va xotin-qizlar tuman (shahar) boʻlimiga quyidagi hujjatlar va loyihasini topshirishi lozim:

• Tanlovda qatnashish haqidagi ariza:
• Ishtirokchining oʻzi haqidagi oʻzbek yoki rus tillaridagi obyektivkasi;
• Ishtirokchining pasport nusxasi;
• Tanlov ishtirokchisining maʼlumoti (oʻrta, oʻrta-maxsus yoki oliy oʻquv  yurtini tamomlagani) toʻgʻrisidagi hujjatlarning nusxasi;
• Tanlovda ishtirok etish uchun tavsiya etiladigan loyiha (tanlov nominatsiyasi koʻrsatilgan holda);
• Tanlovda ishtirok etish uchun topshirilayotgan innovatsion loyiha boʻyicha chop etilgan ilmiy ishlar roʻyxati. Roʻyxatga ilmiy maqola va tezislar, intellektual mulk obyektlari muhofaza hujjatlari(ixtiro uchun patent, foydali model, seleksiya yutuqlari, sanoat namunasi, tovar belgilari, dasturiy mahsulotlar)va  ratsionalizatorlik taklifi guvohnomasi (agar mavjud boʻlsa) kiritiladi hamda   va nusxalari ilova qilinadi;
• Tanlovga qoʻyilgan loyihaga tegishli  sinov eksperimentlari oʻtkazilganligi toʻgʻrisidagi dalolatnomalar, loyiha doirasida ishlab chiqariladigan mahsulotga taalluqli boʻlgan tovar belgisi, muvofiqlik sertifikati nusxalari (agar mavjud boʻlsa);
• Innovatsion loyiha doirasida yaratilgan mahsulotga taalluqli boʻlgan diplom, sertifikat va boshqa hujjatlar nusxalari (agar mavjud boʻlsa). 

Eslatma: Tanlov doirasida tashkil qilinadigan koʻrgazmada buklet, planshet, videorolik, maket, texnik ishlanmalar, innovatsion mahsulotlarining namunalari va boshqalar bilan ishtirok etgan ishtirokchilarning loyihalari qoʻshimcha ballarga ega boʻladi. Ariza bilan birga topshiriladigan barcha hujjatlar qogʻoz shaklda, yagona papkaga jamlangan holda taqdim etiladi.

• Dasturga hujjat topshirish uchun oxirgi muddat: 2023-yil, 6-oktyabr (17:00);
• Tel: 71-202-10-75; 99-727-84-23; 93-171-70-17;
• Tanlovning Markaziy Tashkiliy qoʻmitasi manzili: Oila va xotin-qizlar qoʻmitasi, Toshkent shahri, Mirzo Ulugʻbek tumani, M.Ismoiliy koʻchasi 1G-uy.

Dastur haqida qoʻshimcha quyidagi ijtimoiy tarmoqlar orqali maʼlumot olish mumkin:

• Facebook;
• Intagram;
• Telegram;
• Youtube.