Jahon Banki tomonidan 18 yoshdan 35 yoshgacha barcha iqtidorli yoshlar uchun Amerikada oʻtkaziladigan sammit — Youth Summit 2024
-
15/02/2024 Qabul boshlanishi
-
Qisman Moliyalash turi
-
AQSh Davlat
-
02/03/2024 09:59 Oxirgi muddat
Umumiy maʻlumotlar
World Bank Group (WBG) hamjamiyatidan oʻz innovatsion loyihasiga ega barcha 18 yoshdan 35 yoshgacha boʻlgan iqtidorli yoshlar uchun AQShda oʻtkaziladigan Youth Summit 2024 sammiti taqdim etiladi. Dastur yoshlar uchun innovatsion va harakatga yoʻnaltirilgan tashabbus boʻlib, u dunyodagi eng dolzarb muammolarni hal qilishga qaratilgan. Dastur doirasida loyihalar tanlovi oʻtkaziladi.
Bu yilgi “Powering Progress: Youth Leading the Digital Transformation” mavzusi rivojlanish muammolarini hal qilishda texnologiyadan foydalangan holda yoshlarga eʼtibor berishga qaratilgan.
Sammitning maqsadi quyidagilardan iborat:
- Yoshlarga rivojlanish muammolarini hal qiluvchi innovatsion gʻoyalarni oʻrganish imkoniyatini berish;
- Yoshlarni keng qamrovli loyihalarni yaratish va ularga jalb qilish uchun vositalar bilan taʼminlash;
- Jahon miqyosida yoshlar, WBG va boshqa asosiy manfaatdor tomonlar oʻrtasidagi muloqotni rivojlantirish.
Dastur davomida quyidagi mavzular muhokama qilinadi:
- Digital Access and Inclusion;
- Artificial Intelligence;
- Sustainable Technology for a Livable Planet.
Sammit 2024-yil 30-31-may kunlari turli mintaqalarda va tashkilotning Vashingtondagi shtab-kvartirasida turli tadbirlar koʻrinishida boʻlib oʻtadi. Dastur eng dolzarb mavzularda bir-birlari bilan muloqot qilish maqsadida oʻtkaziladigan dunyodagi eng yirik yoshlar yigʻilishidir.
Dastur haqida batafsil ushbu havola orqali maʼlumot olish mumkin.
Maqbullik shartlari
- Kelib chiqishidan qatʼiy nazar 18 yoshdan 35 yoshgacha barcha iqtidorli yoshlar qatnashishi mumkin;
- Ishtirokchilar oʻz innovatsion loyihasiga ega boʻlishi kerak;
- Ingliz tilini dasturda qatnashish darajasida bilish lozim;
- Dasturda yakka tartibda yoki jamoa sifatida ishtirok etish mumkin;
- Ishtirokchilar quyidagi mavzular boʻyicha muqobil yechim taklif qilishi kerak:
- Digital inclusion;
- Artificial intelligence;
- Sustainable technology.
Foydali tomonlari
- Dasturda bepul qatnashish mumkin;
- Finalga chiqqan individual ishtirokchi va har bir finalchi jamoadan bir ishtirokchining sammitda qatnashish, 3 kun davomida Vashingtondagi turarjoy va transport xarajatlari qoplanadi; Jamoaning qоlgan aʼzоlariga оnlayn рlatfоrma оrqali qatnashish imkоni beriladi;
- Tanlov gʻoliblariga sertifikat va maxsus kubok beriladi;
- WBG Yoshlar sammiti bitiruvchilari tarmogʻiga kirish va murabbiylik qilish imkoniyatlari taqdim etiladi.
Eslatma: Vashingtonga borish va kelish xarajatlari qoplanmaydi.
Qoʻshimcha maʻlumotlar
- Dasturga hujjat topshirish uchun oxirgi muddat: 2-mart 2024-yil;
- Takroran soʻraladigan savollarga javob bu yerda;
- Email: youthsummit@worldbank.org.
Quyidagi ijtimoiy tarmoqlar orqali qoʻshimcha maʼlumot olish mumkin: