Jahon Bankida magistratura yoki PhD talabalari uchun 4 haftalik haq toʻlanadigan amaliyot dasturi - World Bank Internship Program

Jahon Banki Amaliyot Dasturi yuqori salohiyatga ega magistratura va PhD talabalariga Jahon bankining vazifasi va ishi bilan tanishish imkoniyatini beradi. Dastur davomida amaliyotchilar Jahon Banki ishiga yangi nuqtayi nazar, innovatsion gʻoyalar va tadqiqot tajribasini olib kirish, shu bilan birga turli muhitda amaliy malaka oshirish imkoniyatiga ega boʻladilar. 

Qabul qilingan nomzodlar ishlab chiqish operatsiyalarida ham, boshqa boʻlinmalarda(masalan, kadrlar, aloqa, buxgalteriya hisobi va boshqalar) ham amaliyot oʻtash imkoniga ega. Nomzodlar AQSh, Vashingtonda yoki JBning boshqa mamlakatlardagi  ofislarida amaliyot oʻtashlari mumkin va ularga soatbay haq toʻlanadi.

Jahon Banki amaliyot dasturi odatda quyidagi sohalarda nomzodlarni qidiradi: 

• Iqtisodiyot;
• Moliya;
• Inson taraqqiyoti (sogʻliqni saqlash, taʼlim, ovqatlanish, aholi);
• Ijtimoiy fanlar (antropologiya, sotsiologiya);
• Qishloq xoʻjaligi;
• Atrof -muhit;
• Muhandislik;
• Shaharsozlik;
• Tabiiy resurslarni boshqarish;
• Xususiy sektorni rivojlantirish va boshqa tegishli sohalar;
• Korporativ qoʻllab -quvvatlash (buxgalteriya hisobi, aloqa, inson resurslarini boshqarish, axborot texnologiyalari, gʻaznachilik va boshqa korporativ xizmatlar).

Dastur haqida atroflicha ma'lumotlarni bu yerda o'qish mumkin.

Nomzodlarga qoʻyiladigan talablar:

• Bakalavr darajasiga ega boʻlgan va dastur vaqtida magistratura yoki PhD darajasi uchun oʻqiyotgan;
• Ingliz tilini bilish darajasi yuqori boʻlgan talabalar hujjat topshirishlari mumkin;
• Kompyuter savodxonligi va shunga oʻxshash koʻnikmalar afzal koʻriladi;
• Qo'shimcha Fransuz, ispan, rus, arab, portugal va xitoy kabi tillarni bilish maqsadga muvofiqdir.

Dastur xilma -xillikni taʼminlash maqsadida barcha malakali shaxslarni, xususan turli kasbiy va ilmiy darajaga ega boʻlgan ayollarni ham hujjat topshirishini qoʻllab-quvvatlaydi. 

Amaliyotchilar quyidagi imtiyozlarga ega boʻladilar:

• Soatbay ish haqi;
• Menejer qaroriga muvofiq transport xarajatlari uchun $3,000 lik stipendiya: borish va qaytish aviachiptasi uchun;
• AQSh, Vashingtonda yoki JBning boshqa mamlakatlardagi ofislarida kamida 4 hafta mobaynida amaliyot oʻtash imkoniyati.

Dasturning imtiyozlari haqida bu yerda batafsil o'qish mumkin.

1. Hujjatlar tegishli ariza shakliga asosan onlayn tarzda topshiriladi.
2. Nomzodlardan quyidagi hujjatlarni yuklash soʻraladi:
   • Tarjima hol (CV)
   • Motivatsion xat
   • Magistratura yoki PhD taʼlimiga qabul qilinganligini tasdiqlovchi hujjat

Eslatma: har bir fayl 5 MBdan oshmasligi va quyidagi formatlardan birida boʻlishi kerak: .doc, .docx yoki .pdf. (hujjatlarni PDF shaklda yuklash koʻproq tavsiya qilinadi)

Qabul qilingan arizalar masʼul menejerlar tomonidan koʻrib chiqiladi va faqatgina tanlovdan muvaffaqiyatli oʻtgan nomzodlarga xabar beriladi.

Qabul qilinadigan amaliyotchilar soni belgilanmagan. Bu har yil JBning biznes ehtiyojlariga asosan belgilanadi.

Dastur davomiyligi: kamida 4 hafta