Jahon bankining “Oʻzbekiston milliy innovatsion tizimini modernizatsiya qilish” loyihasi doirasida “Ilmiy tadqiqotlar sifatini oshirish” grant loyihalari tanlovi. Umumiy sovrin jamgʻarmasi - $800 000
-
25/10/2021 Qabul boshlanishi
-
Grant Moliyalash turi
-
Oʻzbekiston Davlat
-
25.11.2021 Oxirgi muddat
Umumiy maʻlumotlar
Oʻzbekiston Respublikasi Innovatsion rivojlanish vazirligi “Oʻzbekiston milliy innovatsion tizimini modernizatsiya qilish” loyihasining 1-komponenti “Ilmiy tadqiqot sifatini oshirish va natijalarini tijoratlashtirish” dasturi doirasida loyihalar tanlovini eʼlon qiladi.
Tadqiqot sifatini oshirish dasturi doirasida ilmiy-tadqiqot instituti yoki oliy oʻquv yurtlari ilmiy xodimlari tomonidan taqdim etilgan tadqiqot loyihalarini moliyalashtirish nazarda tutilgan. Tadqiqot sifatini oshirish dasturi doirasida mahalliy va xorijiy ilmiy xodimlarning (shu jumladan chet eldagi oʻzbek olimlarining) qoʻshma tadqiqot takliflarini, ilmiy xodimlar va xususiy sektorning qoʻshma tadqiqot takliflarini, shuningdek, mamlakatning kelajakdagi tadqiqot salohiyatini mustahkamlashga qaratilgan yosh olimlarning takliflarini koʻrib chiqishga alohida eʼtibor qaratiladi.
Tanlov ikkita asosiy mezonga asoslangan boʻladi:
- Ilmiy ahamiyatga ega;
- Ijtimoiy va/yoki iqtisodiy ahamiyatga ega.
Tanlov ilm-fanning barcha sohalari boʻyicha loyihalarni tanlab olishga qaratilgan boʻlib, COVID-19, qayta tiklanadigan energiya manbalari, energiya samaradorligi va kam karbonli texnologiyalar bilan bogʻliq tadqiqotlar boʻyicha takliflarni qoʻllab-quvvatlaydi.
Qoʻshma tadqiqotlar boʻyicha takliflar (xususiy sektor tadqiqotchilari, xalqaro tadqiqotchilar, oʻzbek diasporasi olimlari yoki ekspertlari ishtirokida) mamnuniyat bilan qabul qilinadi.
Maqbullik shartlari
Dasturda ishtirok etish uchun nomzodlar quyidagi talablarga javob berishi lozim:
- Tanlovda Oʻzbekiston tadqiqot institutlari yoki universitetning yosh olimlari va katta yoshdagi tadqiqotchilar qatnasha oladilar;
- Loyihalar ilmiy, ijtimoiy-iqtisodiy muammolarni bartaraf etishga hissa qoʻshadigan boʻlishi lozim;
- Aʼzolar soni 5 nafardan oshmagan holda jamoa boʻlib ishtirok etish lozim;
- COVID-19, qayta tiklanadigan energiya manbalari, energiya samaradorligi va kam karbonli texnologiyalar bilan bogʻliq tadqiqotlar boʻyicha takliflar bilan ishtirok etish mumkin.
Tanlov talablari haqida batafsil ushbu havola orqali bilib olish mumkin.
Foydali tomonlari
Tadqiqot sifatini oshirish dasturi ikki turdagi grantlarni oʻz ichiga oladi:
- Yosh olimlar uchun grantlar (Junior Research Grant) — $200 000;
- Katta yoshdagi tadqiqotchilar uchun grantlar (Senior Research Grant) — $600 000.
Qoʻshimcha maʻlumotlar
Qoʻshimcha maʼlumotlar bilan “tadqiqot sifatini oshirish” grant dasturi qoʻllanmasida yoki ushbu veb-saytda tanishish mumkin.
Barcha savollar uchun arizani topshirish muddati yakunidan 5 kun avval quyida koʻrsatilgan manzil boʻyicha elektron murojaat qilish mumkin: munis@mininnovation.uz.
Murojaat uchun telefon: (97) 170-67-84