Jahon Sog'liqni Saqlash Tashkilotidan Shveysariyada amaliyot oʻtashni istaganlar uchun WHO Internship Programme amaliyot dasturi

Jahon sogʻliqni saqlash tashkiloti (JSST) Shveysariyada amaliyot oʻtashni istaganlar uchun WHO Internship Programme amaliyot dasturini taqdim etadi.

Dasturdan asosiy maqsad ishtirokchilarga oʻz bilimlarini amaliyotda qoʻllash boʻyicha salohiyatini oshirishi va bilimlarini yanada kengaytirilishi uchun imkoniyat yaratish, shuningdek, JSSTʼning texnik va maʼmuriy dasturlariga aloqador turli sohalarga ixtisoslashgan iqtidorli yoshlarni jalb qilish hisoblanadi.

Amaliyot muddati ish turiga qarab 6 haftadan 24 haftagacha davom etadi.

Maʼlumot uchun: Jahon sogʻliqni saqlash tashkiloti (JSST) — global miqyosda sogʻliqni saqlash masalalari boʻyicha shugʻullanuvchi yetakchi tashkilot boʻlib, sohaga kerakli yetakchilarni yaratish bilan shugʻullanadi. Tashkilot taqdim etayotgan amaliyot dasturi talabalar va yaqinda bitirganlar uchun JSSTʼning texnik va maʼmuriy dasturlari haqida tushunchaga ega boʻlish, turli sohalarda oʻz bilim va tajribasini boyitish hamda shu orqali sogʻliqni saqlash sohasini rivojlantirishga hissa qoʻshish uchun keng imkoniyatlarni taqdim etadi.

Dastur haqida batafsil ushbu havola orqali maʼlumot olish mumkin.

• 20 yoshga toʻlgan hamda sogʻliqni saqlash, tibbiyot yoki JSSTʼda texnik ishga aloqador ijtimoiy sohada bakalavriat, magistratura yoki doktorantura bosqichini universitet yoki unga tenglashtirilgan muassasada oʻqigan nomzodlar qatnashishi mumkin;
• Boshqaruv, maʼmuriy, aloqa yoki tashqi aloqalar bilan bogʻliq sohada taʼlim olgan nomzodlar ham ishtirok etishi mumkin;
• Amaliyotni boshlashdan oldin nomzod bakalavr darajasi yoki unga tenglashtirilgan darajani universitet yoki unga tenglashtirilgan muassasada kunduzgi ta'lim shaklining uch yilini o'qigan bo'lishi lozim;
• Amaliyot davomida qoʻllaniladigan ishchi tillardan kamida bittasini yaxshi bilish talab qilinadi:
  • Arab tili;
  • Xitoy tili;
  • Ingliz tili;
  • Fransuz tili;
  • Rus tili;
  • Ispan tilli.
• Nomzod JSST xodimi (masalan, oʻgʻil/qiz, aka/singil yoki ona/ota) bilan qarindosh boʻlmasligi shart;
• Ishtirokchilar JSSTga aʼzo davlatning amaldagi pasporti ega boʻlishi kerak (Oʻzbekiston roʻyxatda bor).

Amaliyot boʻyicha taklif uzaytirilishidan oldin nomzodlarga qoʻyiladigan majburiyatlar:

• JSST texnik boʻlinmasining ehtiyojlariga qarab 6 haftadan 24 haftagacha toʻliq tartibda ishlashlari lozim;
• Amaliyotchilar oʻqish kursiga roʻyxatdan oʻtganligi yoki oxirgi malakasini tamomlaganligi toʻgʻrisidagi hujjatni taqdim etishlari kerak;
• Ishtirokchilar oʻzlarining topshiriqlari, shu jumladan, amaliyotni moliyaviy qoʻllab-quvvatlash vaqtida faoliyat mavzusi bilan bogʻliq har qanday manfaatlar toʻqnashuviga olib kelishi mumkin boʻlgan barcha holatlarni oshkor qilishlari lozim;
• Amaliyot boshlashdan oldin JSSTning ishga yaroqliligi toʻgʻrisidagi toʻldirilgan tibbiy maʼlumotnomasini taqdim etishlari shart;
• Maxsus talab qilinmaguncha hech qanday hujjatlarni yubormasliklari kerak.

Muhim: Faqat universitetni tugatganiga 6 oydan oshmagan nomzodlarning arizalari koʻrib chiqiladi. Avval JSST amaliyot dasturida qatnashgan nomzodlar qayta qatnasha olmaydi. Til bilish talablari ish turiga qarab farqlanadi. Baʼzi amaliyotlar bir nechta tillarni bilishni talab qilishi mumkin.

• Dasturda bepul qatnashish mumkin;
• Amaliyot muddati davomida tibbiy va baxtsiz hodisalar uchun sugʻurta bilan taʼminlanadi;
• Baʼzi amaliyot joylarida tushlik uchun vaucherlar beriladi;
• Moliyaviy yordamga muhtoj boʻlganlarga yashash uchun pul ajratiladi (Mumkin boʻlgan maksimal miqdor amaliyot turi va amaliyot oʻtadigan joyga qarab farqlanadi);
• Kam rivojlangan va oʻrtacha daromadli mamlakatlardan kelgan baʼzi amaliyotchilar uchun sayohat xarajatlari qoplanishi mumkin.

Eslatma: Nomzodlarga amaliyotni tasdiqlovchi xat beriladi. Bundan tashqari ular JSST idorasidan maxsus vizani qoʻllab-quvvatlash haqida xat soʻrashlari mumkin. Ikkala xat ham vizaga ariza topshirish uchun qoʻllab-quvvatlovchi hujjat sifatida ishlatilishi mumkin. Dastur hozirda tegishli amaliyotchilarga yashash uchun pul ajratayotgan boʻlsa ham Jenevada yashash qimmat va turarjoy topish qiyin boʻlishi mumkinligini inobatga olish lozim.

Dasturda qatnashishni istaganlar ushbu havola orqali ariza topshirishlari mumkin.

Ariza topshirishda quyidagilar soʻraladi:

• Muvofiqlik savollari;
• Nomzod olgan taʼlim toʻgʻrisidagi maʼlumotlar;
• Joriy tadqiqotlari;
• Til koʻnikmalari va tajribasi (shu jumladan malaka/sertifikatlar, qatnashgan treninglari, chiqargan nashrlari va kompyuter koʻnikmalari);
• Motivatsion xat.

Eslatma: Barcha arizalar JSSTʼning onlayn ishga qabul qilish tizimi (Stellis) yordamida JSSTʼning Ishga qabul qilish saytida joylashtirilgan amaliyot uchun boʻsh ish oʻrinlari toʻgʻrisidagi bildirishnomalar orqali amalga oshirilishi kerak. Stellisʼdan boshqa tizimda JSSTʼda amaliyot oʻtash uchun ariza berish imkoniyati yoʻq.

Ishga qabul qilish jarayoni va ariza topshirish haqida batafsil ushbu havola orqali maʼlumot olish mumkin.

• Amaliyot dasturi uchun boʻsh ish oʻrinlari turli sohalarda va turli tashkiliy joylarda (mintaqaviy idoralar, mamlakat idoralari yoki bosh ofis) mavjud. Amaliyot imkoniyatlari doimiy ravishda eʼlon qilinganligi sababli ularning har biri turli talablar va ariza topshirish muddatlarini oʻz ichiga oladi. Shuning uchun amaliyot dasturi taqdim etayotgan boʻsh ish oʻrinlarini muntazam tekshirib turish lozim;
• JSSTʼda amaliyot uchun boʻsh ish oʻrinlari juda raqobatbardosh va har yili faqat oz sonli nomzodlar tanlab olinadi;
• Saralashdan oʻtmagan, biroq maqbullik talablariga javob beradigan nomzodlar boshqa eʼlon qilingan amaliyot uchun qayta murojaat qilishi mumkin;
• Takroran soʻraladigan savollarga javob bu yerda;
• Tel: +41 22 791 21 11.

Quyidagi ijtimoiy tarmoqlar orqali qoʻshimcha maʼlumot olish mumkin:

• Facebook;
• Twitter;
• Instagram;
• Linkedin;
• YouTube;
• Whatsapp;
• TikTok;
• Pinterest;
• SnapChat.