"Jamiyatda ayol: muammo va yechimlar" mavzusida tanlov. Tanlov gʻoliblariga Adliya Vazirligi tomonidan qimmatbaho esdalik sovgʻalari topshiriladi

Adliya vazirligi tomonidan joriy yilning fevral-mart oylari “Xotin-qizlar huquqlari boʻyicha dolzarb ikki oy” deb eʼlon qilingan.

Oyliklar doirasida quyidagilar rejalashtirilgan:

• Xotin-qizlar huquqlari boʻyicha maʼlumotlar OAV va ijtimoiy tarmoqlar orqali keng yoritish;
• Tadbirkor ayollarga huquqiy koʻmak berish uchun Savdo-sanoat palatasi bilan birgalikda hamkorlik memorandumini imzolash;
• Masofadan bepul kurslarni tashkil etish elektron tizimida (kurslar.huquqiyportal.uz) ayollar huquqiga oid bepul onlayn oʻquv kurslarini tashkil etish;
• “Huquqiy axborot minbari” rukni ostida audio podkastlar tashkil qilish;
• Xotin-qizlar huquqlari boʻyicha umummilliy imtihonini oʻtkazish;
• Sayyor qabullar va boshqa tadbirlar tashkil etish.

Ushbu oylik doirasida “Jamiyatda ayol: muammo va yechimlar” mavzusida tanlovi oʻtkaziladi va tanlov quyidagi 3 ta nominatsiya boʻyicha boʻlib oʻtadi:

• “Eng yaxshi jurnalistik material;
• “Eng yaxshi blogpost;
• “Adliya eʼtirofi”.

Tanlov gʻoliblari Adliya Vazirligi tomonidan qimmatbaho sovg'alar bilan taqdirlanadi. Ishtirok etish shartlari va sovgʻalar haqida ushbu havola orqali batafsil tanishib chiqish mumkin.

• Tanlovda Oʻzbekiston Respublikasi barcha fuqarolari, xususan, jurnalist va blogerlar ishtirok etishi mumkin;
• Tanlovga taqdim etiladigan materiallar 2022-yil 1-yanvardan 2022-yil 20-martga qadar bosma yoki elektron OAVda, teleradiokanallarda yoki shaxsiy bloglarda eʼlon qilingan boʻlishi lozim;
• Bunda xotin-qizlar huquqlari masalalari, yaratib berilayotgan imtiyoz va imkoniyatlar, shuningdek mavjud muammolar va ularning yechimi boʻyicha takliflar yoritilishi zarur;
• Ilmiy ishlar, seminar, trening, konferensiya, davra suhbatlari uchun tayyorlangan maʼruzalar, slaydlar, yirik janrdagi badiiy asarlar (qissa, roman, doston) qabul qilinmaydi;
• Har bir ishtirokchidan koʻpi bilan 3 tagacha material qabul qilinadi.

Tanlov shartlari haqida ushbu havola orqali batafsil tanishib chiqish mumkin.

Har bir nominatsiya boʻyicha 1 nafar ishtirokchi gʻolib deb topilib, “Xotin-qizlar huquqlari boʻyicha dolzarb ikki oy” loyihasini yakunlash arafasida eʼlon qilinadi hamda diplom va quyidagi esdalik sovgʻalari bilan taqdirlanadi:

• Eng yaxshi jurnalistik material uchun — televizor;
• Eng yaxshi blogpost uchun — blender toʻplami;
• Adliya eʼtirofi — multivarka.

Tanlov gʻoliblariga beriladigan mukofotlar haqida ushbu havola orqali batafsil tanishib chiqish mumkin.

Tanlovda ishtirok etish uchun quyidagi hujjat va materiallarni 2022-yil 11-martdan 25-martga (oʻsha kuni ham) qadar @tanlovadliyabot telegram botiga yuborish talab etiladi:

• Ishtirokchi haqida maʼlumot;
• Ishtirokchining fotosurati;
• Tanlovda ishtirok etuvchi material (Word dasturida yozilgan matn yoki audio/video/foto fayl, faylning oʻzi yoki u joylangan sayt/fayl manbasiga havola).

Eslatma: 

• Barcha materiallar eʼlon qilinganligi toʻgʻrisida skrinshot, pdf nusxa, havola bilan tasdiqlanishi kerak;
• Tanlovga yuborilgan materiallar mavzuga toʻgʻri va xolis yondashilganligi, mazmuni va taʼsirchanligi, dolzarbligi bilan bir qatorda sodda va tushunarli ekanligi, mavzuga doir faktlardan oʻrinli va unumli foydalanilganligi kabi mezonlar asosida hakamlar hayʼati tomonidan baholanadi.

• Tanlov jarayonlarini Huquqiy Axborot telegram kanali orqali batafsil kuzatib borish mumkin.