Janubiy Koreyadagi Yoshlar Tashkilotlari Milliy Kengashi tomonidan toʻliq moliyalashtiriladigan 8 kunlik birinchi Global Yoshlar Sammiti

Janubiy Koreyadagi Yoshlar Tashkilotlari Milliy Kengashi 19-iyuldan 26-iyulgacha oʻtkaziladigan birinchi Global Yoshlar Sammitida qatnashish istagida boʻlgan barcha xalqaro va koreyalik yoshlarni taklif qiladi. Sammit Seul shahrida joylashgan Xalqaro yoshlar markazida boʻlib oʻtadi.

Sammit mavzusi: Harmony of Global Youths Towards a Sustainable Future. Dastur ishtirokchilari mavzu doirasida xalqaro yoshlar bilan munozara olib boradilar va madaniy almashinuv natijasida oʻz tajribalarini yanada orttiruvchi tadbirlarda qatnashish imkoniyatiga ega boʻladilar.

Dastur qatnashchilari quyidagi yoʻnalishlar doirasida mavzuni muhokama qiladilar:

• Health;
• Digital Tech & Education;
• Society;
• Culture;
• Environment;

Dastur haqida batafsil ushbu havola orqali maʼlumot olish mumkin.

• Mavzuga qiziquvchi va shu sohada yetarlicha bilimga ega barcha 18 yoshdan 24 yoshgacha boʻlgan yoshlar ishtirok etishi mumkin;
• Global doirada berilgan mavzuni muhokama qilish uchun ingliz tilini yaxshi bilish talab qilinadi (sertifikat soʻralmaydi);
• Sammit doirasida oʻtkaziladigan barcha tadbirlarda qatnashish lozim.

• 120 nafar xalqaro yoshlar va 20 nafar koreyalik yoshlar Global  Yoshlar Sammitida bepul ishtirok etishlari mumkin;
• Sammit davomida turar joy, transport xarajatlari, ovqatlanish, sugʻurta va boshqalar tashkilotchilar tomonidan qoplanadi;
• Sammitning barcha rejalashtirilgan sessiyalari va tadbirlarida muammosiz toʻliq ishtirok etgan ishtirokchilarga sammitning oxirgi kunida (26-iyul) naqd pul shaklida subsidiya beriladi;
• Koreya hukumati tomonidan rasmiy sertifikat va esdalik sovgʻalar beriladi;
• Aviachipta uchun subsidiya bilan taʼminlanadi (subsidiya miqdori ariza beruvchining fuqaroligidan qatʼi nazar 300 AQSh dollarni tashkil qiladi);
• Koreya madaniyati bilan yaqindan tanishish bilan birga mavzu bilan bogʻliq turistik joylar va tashkilotlarga tashrif buyurish imkoniyati.

• Tadbir va hujjat topshirish haqida batafsil maʼlumot olish uchun yoʻriqnoma va ilovani yuklab olish lozim. Bundan tashqari ishtirokchilar ushbu ilovani ham toʻldirishlari kerak;
• Dasturda ishtirok etish istagida boʻlganlar international@koreayouth.net elektron manziliga ariza yuborishlari mumkin.

Eslatma: Ariza topshirishdan oldin yoʻriqnoma va ilovalar bilan toʻliq tanishib chiqish lozim.

• Rasmiy eʼlon va qoʻshimcha maʼlumot uchun Instagram yoki rasmiy veb-sayt orqali maʼlumot olish mumkin;
• Oxirgi muddat: 12-iyun, 2023-yil (08:00);
• Email: international@koreayouth.net; 
• Tel: +82 2 2667 0897.