Janubiy Koreyaning Seul milliy universitetidan bakalavriat va magistratura uchun toʻliq moliyalashtiriladigan SNU Global Scholarship granti

Janubiy Koreyaning eng nufuzli universitetlaridan biri Seul milliy universiteti bakalavriat va magistratura uchun toʻliq moliyalashtiriladigan SNU Global Scholarship grantini taqdim etadi. Dastur boʻyicha taxminan 160 ta talaba qabul qilinishi rejalashtirilgan. 

Dasturga saralash jarayoni quyidagi bosqichlarda amalga oshiriladi:

1. Saralash — bunda onlayn topshirilgan hujjatlar asosida nomzodlar saralanadi. Natijalar 2023-yil 13-oktabr kuni eʼlon qilinadi. Saralashdan oʻtgan nomzodlardan hujjatlarning asl nusxasini pochta yoki shaxsan topshirishlari soʻraladi (2023-yil 3-noyabrga qadar).

2. Suhbat — quyidagi yoʻnalishlar boʻyicha topshirgan nomzodlar bilan onlayn suhbat oʻtkaziladi:

• College  of  Humanities;
• College  of  Social  Sciences;  
• College  of Natural Sciences;
• College of Nursing;  
• College  of  Engineering; 
• College  of  Agriculture  and  Life  Sciences;  
• College  of Education(except Department of Physical Education);
• College of Human Ecology; 
• College of Veterinary Medicine; 
• College of Medicine;
• College of Liberal Studies.

3. Test — quyidagi yoʻnalishlar boʻyicha topshirgan nomzodlardan test topshirishlari soʻralishi mumkin. Bu haqida nomzodga elektron pochta orqali xabar qilinadi:

• College of Fine Arts; 
• College of Music;
• Department of Physical Education.

4. Yakuniy natijalar 2023-yil 24-noyabr (13:00) kuni eʼlon qilinadi. Yoʻnalishga qarab nomzodlardan 2024-yil fevral oyida Korean Proficiency Test topshirishlari soʻralishi mumkin.

Dastur haqida batafsil ushbu havola orqali maʼlumot olish mumkin.

• Nomzodlar 2024-yil 29-fevralga qadar oʻrta maktabni yoki oʻrta maktabga tenglashtirilgan oʻquv dasturini tamomlagan boʻlishi lozim;
• Ruxsat etilgan mamlakatlardan boʻlgan xalqaro talabalar qatnashishi mumkin (Oʻzbekiston roʻyxatda bor);
• Oʻqish davomida grantni saqlab qolish uchun GPA koʻrsatkichi kamida 3.0 ball boʻlishi kerak.

Nomzod xalqaro qabulning ikkita turidan bittasiga mos kelishi kerak:

1.  International Admissions Ⅰ: nomzod va uning ota-onasi Koreya fuqarosi boʻlmasligi kerak (Agar ular Koreya fuqarosi boʻlgan taqdirda, nomzod va uning ota-onasi ariza topshirish muddati tugagunga qadar Koreya fuqaroligidan voz kechishlari kerak) hamda nomzod oʻrta maktab bitiruvchisi yoki unga tenglashtirilgan taʼlim darajasiga erishgan boʻlishi lozim;
2.  International Admissions ⅠⅠ: nomzod koreys (shu jumladan, koreys sifatida fuqarolikka qabul qilingan xalqaro nikohdan oʻtgan muhojirlar) yoki chet el fuqaroligiga ega boʻlishi hamda boshlangʻich va oʻrta maktabni bitirganlik darajasini (boshlangʻich maktabning birinchi yilidan oʻrta maktabni bitirishigacha) Koreyadan tashqarida olgan boʻlishi lozim.

Til boʻyicha qoʻyilgan talablar yoʻnalishlarga qarab farqlanishi mumkin (sertifikat 2021-yil 1-iyuldan keyin olingan boʻlishi lozim):

• TOPIK 3 yoki undan yuqori;
• TOEFL iBT 80 yoki undan yuqori;
• IELTS 6.0 yoki undan yuqori;
• TEPS 551 yoki undan yuqori.

Nomzodlar quyidagi kriteriyalar asosida tanlanadi:

• GPA koʻrsatkichlari;
• Erishgan akademik yutuqlari;
• Nomzodning kuchli tomonlari va qobiliyatlari;
• Til bilish darajasi;
• Oʻquv va darsdan tashqari tadbirlarda faolligi.

Ariza topshirish uchun maxsus toʻlov mavjud:

• Bakalavriat uchun — KRW 70.000 (54,05 AQSH dollar);
• Magistratura uchun — KRW 90.000 (69,49 AQSH dollar).

Muhim: Garchi ingliz tilida bir qator kurslar taklif qilinsa ham, talabalarga koreys tilini oʻrganish tavsiya qilinadi. Chunki kurslarning aksariyati koreys tilida olib boriladi.

Maqbullik shartlari bilan batafsil ushbu havola orqali tanishib chiqish mumkin.

• Oʻqish toʻlovi, yashash xarajatlari, aviachiptalar va uy-joy uchun subsidiya beriladi;
• Koreys tilini oʻrganayotgan talabalarga til oʻrganishiga yordam beriladi;
• Akademik yordamga muhtoj boʻlganlar uchun qoʻshimcha mablagʻlar taklif qilinishi mumkin.

Eslama: Subsidiyalar miqdori individual sharoitlarga qarab oʻzgaradi.

Arizalar uchun qabul 2023-yil 3-iyul kuni ochiladi va 7-iyulgacha davom etadi;

Nomzodlar quyidagi hujjatlarni topshirishlari lozim:

• Oʻrta maktabni bitirganlik toʻgʻrisida guvohnoma va transkripti;
• 2ta tavsiyanoma (600 ta inglizcha soʻz yoki 1500 ta koreyscha belgi);
• Koreys yoki ingliz tilini bilishini tasdiqlovchi hujjat;
• Ariza beruvchi va uning ota-onasi oʻrtasidagi munosabatlarni aniq koʻrsatuvchi rasmiy hujjatlar. Masalan:
  • tugʻilganlik toʻgʻrisidagi guvohnoma;
  • fuqarolik guvohnomasi.
• Sertifikatlar (agar boʻlsa): 
  • ACT;
  • A-LEVEL;
  • AP;
  • IGCSE;
  • IB;
  • NCEA;
  • SAT.
• Shaxsiy bayonot (600 ta inglizcha soʻz yoki 1500 ta koreyscha belgi);
• Oʻquv rejasi;
• Explanatory Statement (xalqaro qabul uchun qoʻshimcha hujjatlar taqdim etishi kerak boʻlgan taqdirda). Nomzod grantga munosibligi haqida faktlarni bayonot koʻrinishida ilova qilishi mumkin. Qabul qilish yoki qilmaslikni maxsus komissiya hal qiladi;
• Tugʻilganidan to 2023-yil 10-iyungacha Koreyaga kirib chiqqanligi haqida barcha maʼlumotlarni koʻrsatuvchi guvohnoma (International Admissions ⅠⅠ uchun soʻraladi);
• Qoʻshimcha materiallar (ixtiyoriy): darsdan tashqaridagi tadbirlardagi faoliyati, erishgan yutuqlari va mukofotlari.

Muhim: Ariza uchun toʻlovni amalga oshirgandan soʻng, mutaxassislik va qabul yoʻnalishlariga hech qanday oʻzgartirish kiritish mumkin emas. Biroq, onlayn ariza topshirish muddati tugagunga qadar shaxsiy maʼlumotlar, shaxsiy bayonot va yuklangan fayllarni oʻzgartirish mumkin. Har qanday kichik oʻzgarish qilish uchun ham toʻgʻridan-toʻgʻri qabul komissiyasiga murojaat qilish lozim.

• Barcha hujjatlarning skanerlagan versiyalarini universitetning onlayn tizimi orqali yuklashlari kerak. Yuklangan fayllar 8 MBdan oshmasligi va JPG, PNG yoki PDF formatida boʻlishi kerak;
• Dastlabki saralashdan oʻtgan nomzodlardan hujjatlarning asl nusxalarini pochta orqali yuborishlari yoki shaxsan oʻzlari eltib berishlari soʻraladi.

Eslatma: Agar dastlabki qabuldan oʻtganlar hujjatlarning asl nusxalarini taqdim etmasa, qabul qarori bekor qilinadi. Barcha hujjatlar koreys yoki ingliz tilida taqdim etilishi kerak. Elektron pochta yoki faks orqali yuborilgan arizalar inobatga olinmaydi.

Bakalavriat uchun hujjat topshirish haqida batafsil ushbu havola orqali tanishib chiqish mumkin.

Magistratura uchun hujjat topshirish haqida batafsil ushbu havola orqali tanishib chiqish mumkin.

• Dastlabki saralash natijalari 2023-yil 13-oktabrda eʼlon qilinadi;
• Yakuniy natijalar 2023-yil 24-noyabrda (13:00) eʼlon qilinadi;
• Grant haqida takroran soʻraladigan savollarga javob bu yerda;
• Hujjat topshirish haqida takroran soʻraladigan savollarga javob bu yerda;
• Tel: +82-2-880-2519;
• Faks: +82-2-887-8658;
• Email: intlscholarship@snu.ac.kr

Ariza topshirish uchun oxirgi muddat: 

• Bakalavriat uchun — 6-iyul, 2023-yil (13:00);
• Magistratura uchun — 7-iyul, 2023-yil (13:00).

Tavsiyanomalar topshirish uchun oxirgi muddat:

• Bakalavriat uchun — 7-iyul, 2023-yil (13:00);
• Magistratura uchun — 10-iyul, 2023-yil (13:00).