Jurnalist, bloger va fotosuratchilar uchun “Orolboʻyi mintaqasidagi ekologik ofatning salbiy oqibatlari” fotosuratlar va maqolalar tanlovi

Oʻzbekiston Respublikasi Iqtisodiyot va moliya vazirligi Birlashgan Millatlar Tashkilotining Taraqqiyot dasturi va Islom Taraqqiyot Banki bilan hamkorlikda Orolboʻyidagi ekologik ofatning salbiy oqibatlariga eʼtiborni qaratish va aholining dolzarb ekologik muammolardan xabardorligini oshirish maqsadida “Orolboʻyi mintaqasidagi ekologik ofatning salbiy oqibatlari” fotosuratlar va maqolalar tanlovini taqdim etiladi.

Tanlov ikkita yoʻnalish boʻyicha oʻtkaziladi:

• “Tabiat nigohi: eng yaxshi fotosurat”;
• “Tabiat ovozi: eng yaxshi ekologik maqola”.

Tanlov maqsadlari:

• Orolboʻyidagi ekologik ofatning salbiy oqibatlariga eʼtiborni qaratish va aholining dolzarb ekologik muammolardan xabardorligini oshirish;
• Jurnalistlar, blogerlar va fotosuratchilarni atrof-muhit muammolarini yorituvchi va ularni hal qilish boʻyicha harakatlarni ragʻbatlantiradigan kontent yaratishga ilhomlantirish;
• Orol dengizidagi ekologik ofat oqibatlari toʻgʻrisidagi axborotni turli ommaviy axborot vositalari, jumladan, maqolalar, fotosuratlar va bloglar orqali tarqatilishini taʼminlash;
• Jurnalistlar, blogerlar va fotosuratchilar uchun ekologik jurnalistika sohasida oʻz mahoratini va kasbiy rivojlanishini namoyish etish uchun platforma yaratish;
• Orol mintaqasining ekologik muammolarini muhokama qilish va hal etishda mahalliy va xalqaro hamjamiyatning faol ishtirokini ragʻbatlantirish;
• Qishloq xoʻjaligining ahamiyati, tabiiy resurslardan barqaror foydalanish va bu boradagi innovatsiyalar haqida tushunchalarni oshirish.

Dastur haqida batafsil ushbu havola orqali maʼlumot olish mumkin.

• Dasturda barcha jurnalist, bloger va fotosuratchilar qatnashishi mumkin;
• Nomzodlar yoʻnalishdan kelib chiqqan holda oʻz ijodiy ishlarini (fotosurat yoki maqola) taqdim etishlari lozim;
• Ishlar “Orolboʻyi mintaqasidagi ekologik ofatning salbiy oqibatlari” mavzusiga mos kelishi kerak;
• Ijodiy ishlar oʻzbek, rus, ingliz va qoraqalpoq tillarida yaratilishi mumkin;
• Barcha ishlar original boʻlishi va ushbu tanlov uchun maxsus yaratilgan boʻlishi yoki mualliflar tomonidan 2024-yil 1-yanvardan keyin mahalliy yoki xorijiy axborot manbalarida chop etilgan boʻlishi kerak. Plagiat yoki boshqa odamlarning materiallaridan foydalanish taqiqlanadi;

Suratlarga qoʻyiladigan talablar:

• Sifat: Rasmlar yuqori aniqlikda boʻlishi kerak (kamida 300 dpi);
• Format: Rasmlar JPEG yoki PNG formatida boʻlishi kerak;
• Tavsif: Har bir fotosuratga rasmning konteksti va maʼnosini tushuntiruvchi qisqacha tavsif (100 soʻzgacha) qoʻshilishi kerak;
• Fayl hajmi: Bitta fayl hajmi 10 MB dan oshmasligi kerak;
• Miqdori: bitta ishtirokchidan 5 tadan koʻp boʻlmagan fotosuratlar qabul qilinadi.

Maqolalarga qoʻyiladigan talablar:

• Hajmi: Maqolalar 1000 dan 3000 soʻzgacha boʻlishi kerak;
• Tarkibi: Maqolada sarlavha, kirish, asosiy va xulosa boʻlishi kerak;
• Format: Matnlar DOC, DOCX yoki PDF formatida topshirilishi kerak;
• Maʼlumotnomalar va manbalar: Boshqa manbalardan olingan maʼlumotlar yoki iqtiboslardan foydalanganda, havolalar va manbalar taqdim etilishi kerak;
• Miqdori: bitta ishtirokchidan 3 tadan koʻp boʻlmagan maqolalar qabul qilinadi.

Qoʻshimcha talablar:

• Yozuvlarda haqoratli, kamsituvchi yoki uchinchi shaxslarning huquqlarini buzuvchi deb hisoblanishi mumkin boʻlgan materiallar boʻlmasligi kerak;
• Barcha ishlar belgilangan muddatda topshirilishi kerak, kechikib topshirilganlar koʻrib chiqilmaydi;
• Muqova xatida ishtirokchining toʻliq ismi, aloqa telefoni va elektron pochtasi koʻrsatilishi kerak.

Namuna:

• Fotosuratlar uchun: Muvaffaqiyatli suratga misol vayron boʻlgan ekotizimlar yoki ekologik ofatdan jabrlangan odamlar hayotini aks ettiruvchi tasvirni oʻz ichiga olishi mumkin;
• Maqolalar uchun: Muvaffaqiyatli maqola misolida Orol dengizi mintaqasidagi ekologik ofatning sabablari va oqibatlarini tahliliy ekspertizadan oʻtkazish, shuningdek, uning taʼsirini yumshatish boʻyicha takliflar kiritilishi mumkin.

• Har bir yoʻnalish gʻoliblari noutbuk, fotokamera va smartfonlar bilan taqdirlanadi.

Dasturda qatnashishni istaganlar ushbu havola orqali ariza topshirishlari mumkin. Ishni Google shaklida yuklash uchun nomzodda Google akkaunt (gmail.com elektron pochta manzili) boʻlishi talab qilinadi. Shuning uchun talabgorlar ariza topshirishdan oldin oʻzlariga Google akkaunt (gmail.com elektron pochta manzili) yaratishlari kerak.

Talab qilinadigan hujjatlar:

• Shaxsiy maʼlumotlar;
• Shaxsni tasdiqlovchi hujjat nusxasi (10 mb dan oshmaydigan .pdf yoki .jpeg fayl koʻrinishida);
• Oʻzbekiston Respublikasidagi Orolboʻyi hududini qamrab oluvchi ishlar. Bunda agar ishlar internetda joylashtirilgan boʻlsa, havola koʻrsatiladi. Agar joylanmagan boʻlsa, ishning skan qilingan variantini yoki fotosurati yuklanadi (10 mb dan katta boʻlmagan 1 ta fayl, 5 sahifadan koʻp boʻlmagan, fayl nomi quyidagi formatda boʻlishi kerak: FamiliyaName_ProjectTitle_Info).

Eslatma: Tanlov materiallarida reklama maʼlumotlari, shuningdek, Oʻzbekiston hududida tarqatilishi taqiqlangan yoki cheklangan maʼlumotlar boʻlmasligi kerak. Ushbu maʼlumotlarga ega arizalar koʻrib chiqilmaydi.

• Dasturga hujjat topshirish uchun oxirgi muddat: 15-sentyabr, 2024-yil (18:00);
• Qoʻshimcha maʼlumot uchun Telegram manziliga murojaat qilish mumkin.

Quyidagi ijtimoiy tarmoqlar orqali ham tanlov haqida maʼlumot olish mumkin:

• Facebook;
• YouTube;
• Instagram;
• Twitter.