Jurnalist, siyosatchi hamda professorlar uchun Garvard maktabida o'qishga imkon beruvchi umumiy miqdori $30,000 bo'lgan grant asosidagi 4 oylik amaliyot dasturi
-
01/07/2021 Qabul boshlanishi
-
Grant Moliyalash turi
-
AQSh Davlat
-
07.09.2021 Oxirgi muddat
Umumiy maʻlumotlar
Garvard Kennedy School - jurnalist, olim, siyosatchilar uchun to‘rt oylik Joan Shorenstein Fellowship dasturini e’lon qiladi. Ishtirokchilardan ommaviy axborot vositalarining ichki yoki xalqaro maydonda siyosatga yoki davlat siyosatiga ta’sirini o‘rganadigan jurnal maqolasi yoki kitob bo‘limiga o‘xshash uslubdagi tadqiqot ishini olib borishlari talab etiladi. Muvaffaqiyatli nomzodlarga to‘rt oy davomida $30000 stipendiya beriladi. Ishtirokchilar dasturda bo‘ladigan muntazam ma’ruzalarda hamda AQSH OAV dagi ijtimoiy yig‘ilishlarda ishtirok etadish imkoniyatiga ega bo'ladilar.
Dastur maqsadi - ommaviy axborot vositalari, siyosat sohasidagi tadqiqotlarni ilgari surish; jurnalistlar, olimlar, siyosatshunoslar va talabalar o‘rtasida muloqotni osonlashtirish va buni aks ettirish uchun imkoniyat yaratishdan iborat.
Maqbullik shartlari
- Nomzodlarning hozirda yoki yaqin orada ish faoliyati olib borayotgan jurnalist, siyosatchi, olim yoki siyosatshunos bo‘lishi;
- Hujjat topshirishdan oldin oxirgi ikki yilda shu kabi grantlarga qatnashmagan bo‘lishi;
- Ingliz tilini yaxshi bilishi (Ona tilisi ingliz tili bo‘lmagan nomzodlarning IELTS yoki TOEFL sertifikatlariga ega bo‘lishi);
- Nomzodlarning bir semestr davomida AQSHning Kembrij shahrida yashay olishga imkoni bo'lishi zarur (Masofada ishlashga ruhsat etilmaydi!);
Ish tajribasi bo'yicha talablar:
- Jurnalistlar uchun: kamida besh yillik professional tajribali axborot tashkilotlarida yoki frilanser sifatida ishlagan(universitet talabasi sifatida bajarilgan ishlarni hisobga olmaganda) muxbir, muharrir, sharhlovchi, prodyuser, media-biznes menejerlari;
- Siyosatchilar uchun: biror tashkilotni boshqargan va milliy yoki yuqori darajadagi davlat idorasiga saylangan yoki siyosat sohasiga doir aloqa bo‘yicha faoliyat yuritadigan mutaxassislar, masalan, maslahatchi (spichrayter) matbuot kotiblari;
- Olimlar uchun: kollej, universitet yoki ilmiy-tadqiqot institutida siyosatshunoslik, siyosiy muloqot, jurnalistika, xalqaro siyosiy muloqot yoki Shorenstein markazining tegishli tadqiqot sohalarida ishlaydigan professor;
- Siyosatshunoslar uchun: Vazirlar Mahkamasida yuqori lavozimli amaldor yoki milliy lavozimdagi nomzodning maslahatchisi bo'lishlari lozim.
Foydali tomonlari
- 4 oy davomida har oy oxirida stipendiya beriladi. Stipendiya umumiy miqdori $30,000;
- Shorenstein markazining talabalar xonasidagi kompyuter, telefon, Garvard elektron pochta manzili va kutubxonalarga va boshqa manbalarga kirishga ruxsat beruvchi Garvard ID beriladi;
- Shuningdek, ishtirokchilar o‘z loyihalari ustida ishlash uchun Garvard Kennedi maktabiga haq evaziga ilmiy yordamchi sifatida (haftasiga 10 soatgacha ishlash huquqiga ega) tanlab olinishlari mumkin.
Eslatma: Sayohat va yashash xarajatlari Shorenstein markazi tomonidan qoplanmaydi!
Qoʻshimcha maʻlumotlar
- Natijalar oktyabr oyi o‘rtalarida e’lon qilinadi
- Qo‘shimcha savollar uchun:
E-mail: susan_ocitti@hks.harvard.edu
Tel: 617-495-8714