Jurnalist va kino ijodkorlari uchun grant miqdori £1,000 bo‘lgan One World Media Fellowship dasturi
-
22/02/2024 Qabul boshlanishi
-
Grant Moliyalash turi
-
Buyuk Britaniya Davlat
-
21.03.2024 Oxirgi muddat
Umumiy maʻlumotlar
The Global South - Global Janubdagi mamlakatlarda kechayotgan voqealarni reportaj qilish orqali o‘z martabalarini oshirishga harakat qilayotgan intiluvchan jurnalist va kino ijodkorlari uchun One World Media Fellowship dasturi e’lon qilinadi. Dastur turli xil rivojlanayotgan iste‘dodlarni qo‘llab-quvvatlashga qaratilib, 2001-yildan shu bugunga qadar 72 mamlakatdan 184 ta yangi jurnalist va kino ijodkorlar ishini rag‘batlantirgan.
Dastur maqsadi kino ijodkorlari va jurnalistlarni bitta loyiha bo‘yicha yo‘naltirish va ularning loyihasini ishlab chiqish hamda yakunlash orqali ustoz va tengdoshlar tarmog‘ini qo‘llab-quvvatlashdir.
Dasturga kino, bosma nashrlar, fotojurnalistika, multimedia ishlarini namoyish qilish orqali ishtirok etish mumkin. Dasturga qabul qilinganlar loyihalarini amalga oshirish uchun £1000 miqdoridagi grant hamda turli xil vebinar va treninglarda qatnashish, mutaxassislardan maslahatlar olish imkoniyatiga ega bo‘lishadi.
Dastur bilan ushbu havola orqali batafsil tanishish mumkin.
Maqbullik shartlari
Dastur uchun nomzodlar quyidagi talablarga javob berishlari kerak:
- Dasturga barcha davlat fuqarolari qatnasha oladi;
- O‘z karyeralarida bir pog‘ona rivojlanishga tayyor bo‘lgan kinoijodkorlar hamda jurnalistlar bo‘lishi;
- Global Janubdagi (The Global South, ya'ni Lotin Amerikasi, Osiyo, Afrika va Okeaniya mamlakatlari) past va o‘rta daromadli mamlakatlarning qiziqarli/real voqealarini so‘zlaydigan loyihalar bo‘lishi;
- Real voqealar asosida ishlangan kino, bosma nashrlar, fotojurnalistika, multimedia ishlari bo‘lishi;
- Bir yil ichida yetkazib berilishi mumkin bo‘lgan loyihalar- kinolar 30 daqiqadan kam bo‘lishi kerak.
Bundan tashqari dastur quyidagi ko‘rinishdagi loyihalarni ham qo‘llab-quvvatlaydi:
- Real voqealarni maqsadli auditoriyani jalb qiladigan tarzda aytib berish;
- Ijodiy ishlarda Global Janubda yashovchi insonlarni qiynayotgan muammolarni ta’kidlash;
- Axloqiy va xavfsizlik masalalarini ta’kidlash;
- Yangiliklarni yig‘ish va hisobot berishda halollik va javobgarlikni tushunganlikni ko‘rsatib berish;
- Hikoya ustida mahalliy odamlar bilan teng hamkorlikda ishlashga tayyorliligini ko‘rsatish.
Dasturning maqbullik shartlari bilan ushbu havola orqali batafsil tanishib chiqish mumkin.
Foydali tomonlari
Dasturga qabul qilinganlar quyidagi imkoniyatlarga ega bo‘lishadi:
- Loyihalarini amalga oshirish uchun £1000 miqdoridagi grant;
- Ishtirokchilarga loyihalarini amalga oshirishda prodyuser tayinlanadi;
- Mutaxassislari tomonidan seminarlar va vebinarlar;
- Ishtirokchilarning o‘z karyeralari bo‘yicha murabbiylik soatlari;
- Adolatli tarzda hisobot va xavfsizlik bo‘yicha ko‘rsatmalar berib boriladi.
Dastur imkoniyatlari bilan ushbu havola orqali batafsil tanishib chiqish mumkin.
Qoʻshimcha maʻlumotlar
Qo‘shimcha ma’lumotlar:
- Natijalar may oyida e’lon qilinadi;
- Ishlar taklif etilayotgan loyihalar nuqtayi nazari, nomzodning ma’lumoti, tajribasidan kelib chiqqan holda baholanadi;
Qo‘shimcha savollar uchun:
- Tel:+44 (0) 20 7922 7941;
- Email:contact@oneworldmedia.org.uk.