Jurnalistika sohasida oʻqiyotgan talabalar uchun 75 mln soʻmlik taʼlim granti

XushnudbekUz kanali jurnalistika sohasida taʼlim olayotgan, yuqori oʻzlashtirish koʻrsatkichiga ega, ijtimoiy himoyaga muhtoj, yetim va chin yetim, nogironligi bor talabalarning taʼlim olishi uchun moddiy yordam koʻrsatish maqsadida 25 nafar saralangan nomzodlar uchun navbatdagi taʼlim grantini taqdim etadi. Grant dasturi qobiliyatli jurnalistlarni yetishtirish va sohada taʼlim olayotgan talabalarni moddiy qoʻllab-quvvatlashga qaratilgan.

Grant haqida batafsil ushbu havola orqali maʼlumot olish mumkin.

• Nomzodlar hozirda jurnalistika sohasining bakalavr bosqichida oʻqiyotgan boʻlishi lozim;
• Yuqori oʻzlashtirish koʻrsatkichiga ega, ijtimoiy himoyaga muhtoj, yetim va chin yetim, nogironligi bor talabalar hujjat topshirishi kerak;
• Barcha davlat va nodavlat taʼlim muassasalarining talabalari qatnasha oladi;
• Taʼlimning kunduzgi, sirtqi, kechki va masofaviy turida oʻqiyotgan talabalar ariza topshirishlari mumkin.

• Grant jurnalistika sohasidagi barcha yoʻnalishlar uchun taqdim etiladi;
• Ushbu grant jami 25 nafar saralangan nomzodga beriladi;
• Taʼlim grantining miqdori jami 75 mln soʻm (har bir kishiga 3 mln soʻmdan).

• Grant dasturida qatnashish istagida boʻlgan nomzodlar ushbu havola orqali onlayn ariza topshirishlari mumkin;
• Gʻoliblar jamoatchilik vakillaridan tuzilgan maxsus komissiya orqali aniqlanadi;
• Ariza topshirish bilan bogʻliq savollar Telegram orqali joʻnatilishi mumkin. Xodimlar oʻzlari aloqaga chiqishadi.

Oxirgi muddat: 25-may, 2023-yil (23:59).