Jurnalistika sohasiga qiziquvchi barcha talabalar uchun British Council tomonidan Future World News 2022 konferensiyasida ishtirok etish imkoniyati
  • 16/05/2022 Qabul boshlanishi
  • Bepul Moliyalash turi
  • Buyuk Britaniya Davlat
  • 13/06/2022 04:59 Oxirgi muddat
Telegram kanalimizga aʼzo boʻling

Muhim tafsilotlar

  • Kimlar uchun
    O'rta ma'lumotli (maktab/kollej bitiruvchisi), Bakalavr talabasi , Oliy ma'lumotli (bakalavr), Magistr talabasi, Oliy ma'lumotli (magistr)
  • Dastur tili
    Ingliz tili
  • Yosh chegarasi
    18 yoshdan 25 yoshgacha
  • IELTS talabi
    minimum 6.5

Doʻstlar bilan ulashing

Umumiy maʻlumotlar

Future News WorldwideBritish Council va dunyoning baʼzi yetakchi media tashkilotlari oʻrtasidagi hamkorlik dasturi hisoblanadi; BBC, Google, Reuters, The Herald, The Quint va Buyuk Britaniyaning jurnalistika maktablari. Dasturning asosiy maqsadi global jurnalistlarning keyingi avlodini aniqlash, tayyorlash va bogʻlashdan iborat.

Har yili oʻtkaziladigan “Future News Worldwide” konferensiyasi dasturning asosiy yoʻnalishi boʻlib, har yili iyul oyida 100 nafar yosh jurnalistni teleradiokompaniyalar, muharrirlar va muxbirlardan oʻrganish va butun dunyo boʻylab tengdoshlari bilan uchrashish uchun birlashtiradi. Konferensiyadan soʻng delegatlar FNW bitiruvchilari tarmogʻiga qoʻshilishadi. 2022-yilda sammit 3 kun davomida virtual tarzda oʻtkaziladi.

Ishtirokchilar 2022-yil 12-13-14-iyul kunlarida (har kuni 3 soatdan) maxsus taklif etilgan maʼruzachilarning fikrlarini eshitish, pitching seminarida qatnashish va boshqa butun dunyodan yigʻilgan yosh jurnalistlar bilan muloqot qilish imkoniyatiga ega boʻladilar.

2022-yilgi konferensiya mavzusi: Oʻzgargan dunyo muammolariga javob berish uchun jurnalistika uchun zarur boʻlgan koʻnikmalar, yordam va chidamlilikni shakllantirish.

Konferensiya haqida batafsil maʼlumot bilan rasmiy sayt orqali tanishib chiqish mumkin.

Maqbullik shartlari

Tanlov talablari:

  • Har qanday millat vakillari ishtirok etishi mumkin;
  • Nomzod 2022-yil 1-iyul holatida 18-25 yosh boʻlishi lozim;
  • Bakalavriat yoki magistratura talabasi (har qanday yoʻnalish boʻyicha), 2021-yil 1-iyuldan keyin OTMni tamomlagan bitiruvchilar ishtirok etishi mumkin;
  • IELTS 6.5 darajasida yoki ekvivalentida ingliz tilida soʻzlasha olishi lozim;
  • Future NEWS yoki Future News Worldwide tadbirida ilgari ishtirok etmagan boʻlishi kerak;
  • Har qanday shaklda jurnalistika sohasiga qiziqishi va 2022-yil 12-13-14-iyul kunlari (kuniga 3 soat) onlayn konferensiyaning barcha 3 kunida qatnasha olishi lozim.

Tanlov talablari va shartlari haqida ushbu havola orqali batafsil maʼlumot olish mumkin.

Foydali tomonlari

Tanlov asosida saralangan talabalar:

  • Future News Worldwide 2022 onlayn konferensiyasida ishtirok etish;
  • 400 dan ortiq aʼzolari bilan Future News Worldwide bitiruvchilari tarmogʻiga qoʻshilish imkoniyatiga ega boʻladi.

Onlayn konferensiyada ishtirok etish shartlari bilan ushbu havola orqali batafsil tanishib chiqish mumkin.

Hujjat topshirish

Nomzodlar onlayn ariza shaklini toʻldirishlari lozim:

  • Ayrim shaxsiy maʼlumotlar soʻraladi;
  • Rasmiy saytda koʻrsatilgan 2ta insho savollariga javob yozishi lozim.

Ariza berish oxirgi muddatiga qadar onlayn arizaga oʻzgartirish kiritish mumkin.

Tanlovdan oʻtgan ishtirokchilardan muvofiqligini tasdiqlovchi hujjatlarni taqdim etishlari talab qilinadi (1 hafta muddat ichida):

  • ID/Pasport nusxasi;
  • Talabalik guvohnomasi/bitirganligini tasdiqlovchi hujjat;
  • Ishtirokchining jurnalistik qobiliyati va koʻnikmalarini tasvirlab beruvchi ingliz tilidagi professional tavsiyanoma.

Hujjat topshirish jarayoni bilan batafsil rasmiy sayt orqali maʼlumot olish mumkin.

Qoʻshimcha maʻlumotlar

Ushbu havola orqali konferensiyada ishtirok etish uchun tanlov talablari va shartlari haqida batafsil maʼlumot olish mumkin.

Buyuk Britaniya
Jurnalistika sohasiga qiziquvchi barcha talabalar uchun British Council tomonidan Future World News 2022 konferensiyasida ishtirok etish imkoniyati

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar