Jurnalistika sohasiga qiziquvchi barcha yosh mutaxassislar uchun bepul ta'lim olish va amaliy ko'nikmaga ega bo'lish imkoniyati -
  • 26/10/2021 Qabul boshlanishi
  • Grant Moliyalash turi
  • Oʻzbekiston Davlat
  • 31.10.2021 Oxirgi muddat
Telegram kanalimizga aʼzo boʻling

Muhim tafsilotlar

  • Kimlar uchun
    O'rta ma'lumotli (maktab/kollej bitiruvchisi), Bakalavr talabasi , Oliy ma'lumotli (bakalavr), Magistr talabasi, Oliy ma'lumotli (magistr)
  • Dastur tili
    O'zbek tili
  • Yosh chegarasi
    18 yoshdan 25 yoshgacha

Doʻstlar bilan ulashing

Umumiy maʻlumotlar

“Bugun jurnalistlar maktabi”ning ikkinchi mavsumi uchun arizalar qabuli boshlandi. Jurnalistika sohasiga qiziquvchi, shu sohada qisqa muddatli intensiv ta'lim olish va amliyotga ega bo'lish istagidagi yosh mutaxassislar hujjat topshirishlari mumkin.

Tanlovdan muvaffaqiyatli o'tgan nomzodlarga xabar beriladi. Darslar noyabr oyida boshlanadi. Dars kunlari va soatlari saralab olingan o'quvchilar bilan kelishiladi.

Darslar oflayn mashg'ulotlar shaklida 1 oy davomida Toshkent shahrida tashkil etiladi. Bu muddatda jami 12 ta dars o'tilib (har biri 1 soatdan), asosiy bilimlar beriladi. Undan so'ng sertifikatsiya va xayrlashuv marosimi bo'lib o'tadi, bir necha kundan so'ng esa eng yaxshi o'quvchilarga mehnat shartnomasi taklif qilinadi.

Muhim: Darslar va amaliyot intensiv bo'ladi. Darsdan tashqari uy vazifalariga, matn yozishga ko'p vaqt ajratilishi kerak bo'ladi. Maktabda o'qishni istaydigan har bir talabgor buni inobatga olib, yetarlicha vaqt ajratishi va qattiq ishlashga tayyor bo'lishi lozim. Qabul qilingan nomzod o'qiydigan yoki ishlaydigan joyidan tegishli soatlarga ruxsat olib, maktabga asosiy e‘tiborini qaratishi talab etiladi. Darslarni qoldirishga, vazifalarni bajarmaslikka ruxsat etilmaydi.

Maqbullik shartlari

Nomzodlarga qoʻyiladigan talablar:

  • 18 yoshdan 25 yoshgacha boʻlgan yosh mutaxassis boʻlishi;
  • Jurnalistika sohasida bilimi yoki tajribasi boʻlishi shart emas, hatto boshqa sohani yaxshiroq bilgani maʼqul;
  • Oʻzbek tilida yaxshi yoza olishi, fikrini erkin ifodalay olishi kerak;
  • rus yoki ingliz tillarini yaxshi darajada bilishi foydadan holi emas;
  • Ahil jamoada oʻqishga va ishlashga tayyor, kirishuvchan va insonlar bilan tez til topishadigan boʻlishi lozim.

 

Foydali tomonlari

  • Bepul ta‘lim beriladi;
  • Qisqa muddatda o'quvchilarning jurnalistik faoliyatida kerak bo'ladigan barcha zarur bilim va ko'nikmalar o'rgatiladi;
  • Jurnalistikaning eng zamonaviy, ilg'or sohalari va jihatlari bo'yicha ma‘lumot beriladi;
  • Har bir o'quvchiga individual yondashilib, o'zi qiziqqan format va janrlarda ijod qilish o'rgatiladi;
  • Amaliyot «Bugun.uz» strukturasida o'tkaziladi;
  • Eng yaxshi o'quvchilar ishga olib qolinadi.

Hujjat topshirish

Telegram bot manziliga quyidagi hujjatlar yuboriladi:

1) maʼlumotnoma (obyektivka, CV); unda kontakt maʼlumotlar — telefon raqami va elektron pochta manzili (gmailʼda) aks etgan boʻlishi shart;

2) Oʻzbekcha yozilgan matn (chop etilgan yoki chop etilmagan);

3) Ruscha yoki inglizchadan qilingan qisqa tarjima (oʻz xohishiga koʻra matn tanlab).

Qoʻshimcha maʻlumotlar

Maktabning birinchi mavsumini muvaffaqiyatli tamomlagan jami 12 nafar oʻquvchilardan 8 nafari ishga olib qolingan edi. Ayni paytda ular muxbir, yangilik yozuvchi, masʼul muharrir, sport boʻlimi muharriri, bosh muharrir oʻrinbosari kabi lavozimlarda faoliyat olib bormoqda.

Oʻzbekiston
Jurnalistika sohasiga qiziquvchi barcha yosh mutaxassislar uchun bepul ta'lim olish va amaliy ko'nikmaga ega bo'lish imkoniyati - "Bugun" jurnalistlar maktabining ikkinchi mavsumi.

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar