Jurnalistika va media sohasi vakillari uchun Germaniyada barcha xarajatlari qoplanuvchi yozgi maktab — Summer School of Journalism and Socio-cultural Research

The Summer School of Journalism and Socio-cultural Research - jurnalistika va ijtimoiy-madaniy tadqiqotlar yozgi maktabi butun dunyodan yosh jurnalistlar, blogerlar va tadqiqotchilar uchun individual ishtirokchilarni qabul qiluvchi intensiv dasturdir.

Bu yil maktab 2024-yilning 14-iyulidan 27-iyuligacha Germaniyaning Dortmund shahridagi Erich Brost Xalqaro Jurnalistika Institutida boʻlib oʻtadi. Maktab ajoyib media-trening va soha mutaxassislari bilan aloqa tarmogʻini kengaytirish uchun noyob imkoniyatdir.

Dasturning eng muhim jihati ishtirokchilarning professional muharrirlar ishtirokidagi seminarlarda ishlab chiqadigan va oʻquv dasturini tugatgandan soʻng yakunlovchi media loyihalaridir. Darslarning birinchi haftasi ingliz tilida, ikkinchi haftasi esa rus tilida olib boriladi.

2024-yilgi dastur mavzulari:

• OAV erkinligi va raqamli avtoritarizm;
• 2022-yilgacha va undan keyin davrda Rossiya ommaviy axborot vositalari tizimi; 
• Jurnalistikadagi axloqiy dilemmalar va ularni bartaraf etish yoʻllari;
• Jurnalist xavfsizligi;
• Tergоv jurnalistikasi: usullari, axborot manbalari va sanksiyalarni chetlab oʻtish; 
• Media boshqaruvi;
• Hikoya va hujjatli filmlar yaratish;
• Reels sanʼati (The Art of Reels)
• Global janubning dunyodagi oʻrni.

Yozgi maktab va uning imkoniyatlari bilan batafsil rasmiy sayt orqali tanishib chiqish mumkin.

Ishtirok etish talablari:

• 18 yoshdan katta boʻlgan jurnalistlar, blogerlar va soha tadqiqotchilari ishtirok etishi mumkin;
• Nomzodlar jurnalistika, sotsiologiya, siyosatshunoslik, slavyanshunoslik, madaniyatshunoslik va sanʼat tarixi kabi sohalardan professional taʼlimga ega boʻlishi lozim;
• 3 yildan ortiq boʻlmagan ish tajribasiga ega boʻlgan ishtirokchilar maʼqullanadi( ammo majburiy emas);
• Maktab asosan rus tilida boʻlganligi sababli, rus tilini yaxshi bilish lozim;
• Nomzodlardan media-loyiha uchun aniq shakllantirilgan konsepsiya(gʻoya) taqdim etish talab etiladi.
• OAV tajribasining yoʻqligi arizalarni topshirishga toʻsqinlik qilmaydi.

Media-loyiha formatlari turlicha boʻlishi mumkin — maqola yoki jurnalistik reportaj, fotoreportaj, hujjatli film, podkast, multimedia va boshqalar. Muhimi, loyiha yozgi maktab dasturi yakuniga qadar tayyor boʻlishi lozim.

Avvalgi yillarda ishtirok etgan bitiruvchilarining loyihalari bilan ushbu havola orqali tanishib chiqish mumkin.

Boris Nemtsov jamgʻarmasi tanlangan ishtirokchilarga quyidagi imtiyozlarni taqdim etadi:

• Qabul xati va viza yordamini taqdim etadi ammo viza olishga kafolat bermaydi.
• Barcha transport xarajatlari;
• Turar-joy va ovqatlanish xarajatlari;
• Tibbiy sugʻurtani qoplaydi.

Yozgi maktab davomida:

• Ishtirokchilar taqdim etgan media-loyihalari ustida ishlaydi va dastur tugaguniga qadar individual loyihalar yakunlangan boʻlishi lozim;
• Hafta davomida soha mutaxassislari tomonidan oʻtiladigan maʼruza va amaliy seminarlarda ishtirok etadi;
• Hafta oxiri(dam olish kunlari)da turli madaniy va sport tadbirlarida ishtirok etishi mumkin;
• Har bir ishtirokchi uchun mentor mutaxassis biriktiriladi.

Yozgi maktabda ishtirok etish uchun onlayn tarzda ariza formasini toʻldirish lozim.

Ariza formasida:

• nomzodning ayrim shaxsiy maʼlumotlari;
• sohadagi taʼlimi va tajribasi;
• media loyihasi haqida maʼlumotlar soʻraladi.

Ishtirokchilarni baholashda asosiy mezonlardan biri bu media-loyiha gʻoyasi, rejasi va loyihaning maktab dasturi davomida yakunlanishi mumkinligi hisoblanadi.

Ishtirokchilarni tanlash mezonlari bilan ushbu havola orqali tanishib chiqish mumkin.

Dastur qabuli natijalari 2024-yil 15-aрrelgacha eʼlon qilinadi.