Jurnalistikaga qiziquvchilar uchun Qirgʻizistonda barcha xarajatlari qoplanadigan 4 kunlik trening-dastur

The Certificate Training in “Conflict Sensitive Journalism” (“Ziddiyatlarga Sezgir Jurnalistika”) trening-dasturi reportajlar va ommaviy axborot vositalarining turli ziddiyatlarga boʻlgan taʼsiriga bagʻishlangan dastur hisoblanadi. 

Ziddiyatlarga sezgir jurnalistika nafaqat faktlarni toʻgʻri yetkaza oladi, balki bu konfliktlarning murakkabligini va reportajning odamlarga va keng ommaga taʼsirini koʻrsatib bera oladi. 4 kunlik “Konfliktga sezgir jurnalistika” seminari media sohasida ishlaydiganlar uchun ziddiyatlarni oʻrganishning asosiy elementlari boʻyicha keng qamrovli tushunchalar beradi, nizoli vaziyatlar haqida xabar berishda jurnalist etikasi haqida fikr yuritishga imkon beradi. 

Dastur tashkilotchilari — Bishkekda joylashgan OSCE Akademiyasi va Germaniyaning CRISP tashkiloti.

Trening 2023-yilning 25-28 sentabr kunlari Qirgʻizistonning Bishkek shahrida boʻlib oʻtadi. Trening-dastur toʻliq ingliz tilida boʻlib oʻtadi. Ishtirokchilarning barcha xarajatlari dastur tashkilotchilari tomonidan qoplab beriladi. 

Dastur soʻnggida qatnashchilarga sertifikat taqdim qilinadi. 

Dasturga ariza topshirishning soʻnggi muddati — 2023-yil, 7-avgust, soat 11:00 gacha.

• Ushbu dasturda fuqarolik jamiyatining kichik va oʻrta darajadagi mutaxassislari, nodavlat notijorat tashkilotlari, davlat tashkilotlari, shuningdek, Qozogʻiston, Qirgʻiziston, Turkmaniston, Oʻzbekiston va Moʻgʻulistonlik jurnalistlar, tadqiqotchilar, faollar va ekspertlar ishtirok etishi mumkin;
• Bundan tashqari, Qirgʻizistonda istiqomat qiluvchi Afgʻoniston va Tojikiston fuqarolari ham qatnasha oladi;
• Ijtimoiy fanlar yoki boshqa tegishli sohalar boʻyicha bakalavr yoki magistr darajasini tamomlagan boʻlish kerak;
• 4 kun davom etadigan intensiv treningda toʻliq qatnashishga (maʼruzalarda qatnashish, ertalab, tushdan keyingi va kechqurungi barcha topshiriqlarda qatnashish) tayyor boʻlish kerak.

• Dasturda qatnashish bepul;
• Turarjoy va oziq-ovqat bilan bogʻliq xarajatlar qoplanadi;
• Qirgʻizistonga borish va kelish xarajatlari toʻlab beriladi;
• Dastur yakunida ishtirokchilarga sertifikat beriladi.

Dasturning foydali jihatlari haqida batafsil ushbu havola orqali bilib olish mumkin.

Dasturda qatnashish uchun quyidagi hujjatlarni training@osce-academy.net elektron manziliga yuborish kerak:

• CV (ingliz tilida), 2 betdan oshmasligi kerak;
• Ushbu trening ishtirokchining kasbiy yoki akademik faoliyatiga qanday foyda keltirishini tushuntiruvchi motivatsiya xati (ingliz tilida va 600 soʻzdan oshmasligi kerak). Xatda qaysi davlat fuqarosi ekanligini ham koʻrsatishi lozim!                  

Eslatma: Barcha hujjatlar bitta PDF  fayliga birlashtirilishi va Mr/Ms_Name_Surname_CSJT shaklida nomlanib yuborilishi kerak. Email mavzusiga (subject) “Conflict Sensitive Journalism Training” deb yozilishi lozim.

Dasturga ariza topshirish haqida batafsil maʼlumotni ushbu havola orqali olish mumkin.

• Berilgan koʻrsatmalarga rioya qilmasdan ariza topshirgan ishtirokchilarning arizasi koʻrib chiqilmaydi. 
• Faqat dastur gʻoliblariga dasturga qabul qilinganlik haqida email yuboriladi.
• Taklif etilgan trening ishtirokchilari dasturda toʻliq ishtirok etishlari, barcha oʻquv tadbirlarini yakunlashlari va trening davomida sezilarli natijaga erishishlari lozim.