Jurnalistlar uchun 10,000 yevro mukofotga ega Lorenzo Natali media tanlovi 2021

Xalqaro musobaqalar Pul Mukofoti & Grant

Telegram kanalimizni kuzatib boring

Obuna bo’lish

Mundarija

Tavsif

Ushbu tanlov jurnalistlarning turli yoʻnalishlarda, jumladan, tengsizlik, atrof-muhitning buzilishi, ishsizlikni bartaraf etish, migratsiya, sogʻliqni saqlash, taʼlim va koʻnikmalarni rivojlantirish, demokratiya va inson huquqlari mavzularida tayyorlagan reportajlarini munosib baholash maqsadida tashkil etilgan.

Kimlar uchun mo'ljallangan

Tanlovda materiallar quyidagi 3 ta yoʻnalish boʻyicha qabul qilinadi:

Bosh sovrin (Grand Prize): Yevropa Ittifoqining hamkor davlatlaridan birida joylashgan ommaviy axborot vositalari tomonidan rivojlanish va hamkorlik mavzusida nashr qilingan reportaj.
Yevropa mukofoti (Europe Prize): Yevropa Ittifoqida joylashgan (Birlashgan Qirollikni hisobga olmaganda) ommaviy axborot vositalari tomonidan nashr etilgan reportaj.
Eng yaxshi jurnalist mukofoti (Best Emerging Journalist Prize): 30 yoshgacha boʻlgan jurnalistlarning Yevropa Ittifoqida (Birlashgan Qirollikni hisobga olmaganda) yoki uning hamkor davlatlaridan birida joylashgan ommaviy axborot vositalari tomonidan rivojlanish va hamkorlik boʻyicha nashr etilgan reportaji.

Materialga qoʻyilgan talablar:

Materiallar 10-mart 2020-yil va 9-mart 2021-yil orasida chop etilgan yoki namoyish etilgan boʻlishi kerak.
Material istalgan tilda chop etilgan boʻlishi mumkin. Ingliz, fransuz yoki ispan tillaridan biriga tarjima qilib yuborish talab etiladi.
Matn shaklidagi materiallar 2300 soʻzdan oshmasligi kerak, audio va video materiallar esa 15 daqiqadan koʻp boʻlmasligi kerak.
Ishtirok etishi mumkin boʻlgan davlatlar roʻyxati.

Imtiyozlar va qulayliklar

Gʻoliblar har bir yoʻnalish boʻyicha 1 tadan jami 3 ta saralab olinadi va har biriga 10,000 yevro mukofot topshiriladi. Eng yaxshi jurnalist mukofoti (Best Emerging Journalist Prize) gʻolibiga media hamkor bilan ishlab tajriba toʻplash imkoniyati beriladi.