Jurnalistlar uchun AQShda xarajatlari qoplanadigan 2 oylik trening — Alfred Friendly Press Fellowship 2025

Dastur rivojlanayotgan davlatlardagi yosh jurnalistlarni qoʻllab-quvvatlash va ularning kasbiy mahoratlarini oshirish maqsadida Amerikadagi “Alfred Friendly Press Partners” tomonidan tashkil etilgan.

Dastur 2025-yil iyun oyida boshlanib 2 oy davomida Kolumbiadagi Missuri Jurnalistika maktabida oʻtkaziladi. Dastur uchun jami 10 nafar nomzod va 2 ta zaxira nomzod tanlanadi (kimdir dasturni bekor qilishi kerak boʻlgan holatni inobatga olgan holda).

Dastur quyidagi sohalarda koʻnikmalar va barqarorlikni rivojlantirishga qaratilgan:

• Security;
• Legal;
• Journalism;
• Climate.

Dastur davomida ishtirokchilar Amerika hayoti va jurnalistika sohasida tajriba yigʻish boʻyicha seminar-treninglarda ishtirok etishadi.

Maʼlumot uchun: “Alfred Friendly Press Partners” fondi shu kungacha 90 dan ortiq davlatlardan kelgan 400 dan ortiq jurnalistlarni professional karyeralarini rivojlantirishga oʻz hissasini qoʻshgan.

Dastur haqida batafsil ushbu havola orqali maʼlumot olish mumkin.

• Dasturda barcha xalqaro jurnalistlar qatnashishi mumkin;
• Hozirda shu sohada faoliyat yuritayotgan boʻlishlari va amaliyot tugaganidan soʻng ish joyiga qaytib hamkasblari bilan tajribalarini boʻlishishlari talab etiladi;
• Ingliz tilini bilish darajasi yuqori boʻlishi soʻraladi;
• Jurnalistika sohasiga kuchli qiziqishi va professional boʻlishi, oʻzining kuchli gʻoyalari bilan boshqalardan ajrab turishi kerak.

• Dasturda bepul qatnashish mumkin;
• Turar joy, ovqatlanish va yoʻl xarajatlari qoplanadi;
• $2,000 stipendiya beriladi.

Dasturda qatnashishni istaganlar ushbu havola orqali ariza topshirishlari mumkin.

Talab qilinadigan hujjatlar:

• CV/Rezyume (oʻqigan joylari va professional ish faoliyati haqida batafsil keltirib oʻtish soʻraladi);
• Jurnalist ekanini tasdiqlovchi hujjat;
• Maqolalar va jurnalistik faoliyati davomida chop etilgan ishlardan nusxalar;
• Hozir ishlayotgan joyidan ruxsatnoma olish va yana qaytib ish faoliyatini davom ettirish soʻraladi;
• Turli mavzularda insholar;
• Pasport oʻlchamidagi rasm (oxirgi 6 oyda tushilgan), pasport nusxasi, haydovchilik guvohnomasi (agar bor boʻlsa).

Muhim: Barcha maʼlumotlar ingliz tilida boʻlishi talab qilinadi.

• Dasturga hujjat topshirish uchun oxirgi muddat: 30-yanvar, 2025-yil (11:00);
• Barcha finalchilar tanlov komissiyasi tomonidan suhbatdan oʻtadi;
• Qoshimcha savollar bilan smithrandall@missouri.edu elektron manziliga murojaat qilish mumkin.