Jurnalistlar uchun Turkiyada xarajatlari qoplanadigan 2 haftalik konferensiya

BMTning iqlim oʻzgarishlari boʻyicha oʻtkaziladigan konferensiyani yoritishni istagan jurnalistlar uchun Turkiyada oʻtkaziladigan 2 haftalik dastur — COP31 CCMP Reporting Fellowship Program taqdim etiladi.

Dasturdan asosiy maqsad dunyoning turli mamlakatlaridagi jurnalistlarga iqlim muzokaralarini oʻz auditoriyalari uchun yoritish, tajribali media-trenerlar bilan ishlash hamda davlatlarning iqlim oʻzgarishining global taʼsiriga qanday javob berayotgani yoki javob bera olmayotgani haqida har tomonlama tushunchaga ega boʻlish imkoniyatini yaratishdan iborat.

Shuningdek, ishtirokchilar reportaj gʻoyalari va maqola loyihalari boʻyicha professional trenerlaridan muntazam fikr-mulohaza olishga ragʻbatlantiriladi.

Bu yilgi konferensiya 2026-yil 9-20-noyabr kunlari Turkiyaning Antalya shahrida oʻtkazilishi rejalashtirilgan.

Maʼlumot uchun: 2007-yildan buyon 19-marotaba oʻtkazilib kelinayotgan CCMP Fellowship dasturi past va oʻrta daromadli mamlakatlardan 550 nafardan ortiq jurnalistga iqlim boʻyicha muzokaralarda qatnashish va ular haqida reportajlar tayyorlash imkoniyatini yaratadi.

Bu yil ilk bor ushbu dasturda professional OAVga bogʻliq boʻlmagan, ammo jurnalistik usullar va kontent yaratish texnikalaridan foydalangan holda iqlimga oid mavzularni ijtimoiy tarmoqlar va boshqa raqamli platformalar orqali auditoriyaga yetkazadigan mustaqil kontent yaratuvchi jurnalistlar ham qatnashishi mumkin.

Dastur haqida batafsil ushbu havola orqali maʼlumot olish mumkin.

• Tegishli mamlakatlardan birida faoliyat yurituvchi yoki shu mamlakat nomidan ish olib boruvchi, tan olingan ommaviy axborot vositasida ishlovchi professional jurnalist boʻlish kerak (Oʻzbekiston roʻyxatda bor);

• Barcha turdagi media platformalarida faoliyat yurituvchi jurnalistlar qatnashishi mumkin:

  • onlayn nashrlar;

  • bosma OAV;

  • televideniye;

  • radio.

• Avval BMTning iqlim boʻyicha konferensiyasida oʻz mablagʻi hisobidan ham, stipendiya dasturi orqali ham shaxsan ishtirok etmagan boʻlish lozim;

• Konferensiyaning toʻliq 2 haftalik dasturida qatnashish uchun Turkiyaning Antaliya shahriga borishga tayyor va bunga imkoniyati boʻlishi zarur;

• Ingliz tilini yaxshi bilish talab qilinadi;

• Iqlim oʻzgarishi mavzusida avvalgi jurnalistik tajribaga ega boʻlishi va konferensiya davomida yoritishni rejalashtirayotgan mavzularini aniq koʻrsatishi kerak;

• Ishtirokchilardan dasturning barcha faoliyatlarida ishtirok etish majburiyatini olish soʻraladi;

• Mustaqil kontent yaratuvchi jurnalistlar ham ishtirok etishi mumkin.

Baholash mezonlari:

• Iqlim oʻzgarishi, iqlim siyosati va iqlim bilan bogʻliq boshqa ekologik mavzularni yoritish boʻyicha tasdiqlangan tajribaga ega boʻlish;

• Konferensiyani yoritish uchun aniq, puxta oʻylangan va batafsil reja ishlab chiqqan boʻlish, shu jumladan ehtimoliy maqola va reportaj gʻoyalarini taqdim etish;

• Dastur davomida qancha material (maqola, reportaj va boshqalar) tayyorlashini taxminiy koʻrsata olish;

• Tan olingan media tashkiloti bilan hamkorlik qilishi va dastur davomida tayyorlangan materiallarni chop etish yoki efirga uzatishga rozilik bildirgan muharrir tomonidan imzolangan tavsiyanomaga ega boʻlish.

Materiallar tayyorlash va nashr qilish talablari:

• Dastur davomida ishtirokchilar oʻzlari faoliyat yuritayotgan media tashkiloti uchun bir nechta material tayyorlashlari kutiladi;

• Jurnalistlar materiallarni istalgan formatda tayyorlashlari mumkin:

  • bosma nashrlar uchun maqolalar;

  • onlayn materiallar;

  • radio reportajlari;

  • telekoʻrsatuv va videoreportajlar;

  • hamda boshqa media formatlari.

• Oʻz tahririy mustaqilligini saqlagan holda istagan mavzularni yoritishlari mumkin.

Quyidagi tahririy standartlarga rioya qilish soʻraladi:

• Tayyorlangan materiallar istalgan tilda chop etilishi yoki efirga uzatilishi mumkin;

• Agar material boshqa tilda tayyorlangan boʻlsa, yuqori sifatli inglizcha qisqacha mazmuni taqdim etishi kerak;

• Kamida bitta material toʻliq ingliz tiliga tarjima qilinishi lozim. Shunda u kengroq auditoriya bilan ulashilishi mumkin;

• Chop etilgan yoki efirga uzatilgan barcha materiallarda dastur koʻmagi haqida quyidagi izoh keltirilishi shart:

  • “This story was produced as part of the COP31 Climate Change Media Partnership, a journalism fellowship organized by Internewsʼ Earth Journalism Network and the Stanley Center for Peace and Security.”

• Gʻoliblar tayyorlagan materiallarni avvalo oʻzlari hamkorlik qilayotgan media tashkilotlarida chop etish yoki efirga uzatish huquqiga ega;

• Shuningdek, ishtirokchilar dastur tashkilotchilariga ushbu materiallarni tahrirlash, qayta nashr etish, efirga uzatish va erkin tarqatish huquqini ham berishlari kerak.

Eslatma: Tarjima uchun ishtirokchilar DeepL yoki boshqa avtomatik tarjima vositalaridan foydalanish imkoniyatiga ega.

• Sayohat (ekonom klassda aviachipta), turar joy va ovqatlanish xarajatlari qoplanadi;

• Tibbiy sugʻurta bilan taʼminlanadi;

• Dastur bilan bogʻliq mahalliy transport xarajatlari moliyalashtiriladi;

• Matbuot akkreditatsiyasini rasmiylashtirishda va safarga oid logistika masalalarida yordam beriladi;

• Tanlangan nomzodlarga kichik miqdorda stшpendiya ajratiladi;

• Ishtirokchilarga BMTning iqlim sammitlarini yoritish boʻyicha katta tajribaga ega boʻlgan trenerlar rahbarlik qiladi;

• Yuqori lavozimli amaldorlar hamda soha ekspertlari bilan guruh intervyularini tashkil etiladi;

• Keng qamrovli tarmoq imkoniyatlari.

Dastur boshlangunga qadar ishtirokchilar uchun quyidagi imkoniyatlar beriladi:

• Axborot materiallari va texnik koʻmak olish;

• Onlayn tayyorgarlik seminarida qatnashish;

• Trenerlar bilan tanishish;

• Reportaj mavzulari va imkoniyatlarini muhokama qilish;

• Oʻz savollariga javob olish.

Dastur boshlanganda soʻng quyidagi imkoniyatga ega boʻladilar:

• Tajribali iqlim jurnalistlari va ekspertlar ishtirokidagi tanishuv sessiyasida qatnashish;

• Har kunlik brifinglar va mentorlar bilan individual uchrashuvlarda ishtirok etish;

• Maxsus CCMP Trello platformasidagi maʼlumot va resurslardan foydalanish;

• Axborot almashish va savol-javoblar uchun yaratilgan guruh chatiga qoʻshilish.

Eslatma: Zarur vizalarni olish ishtirokchilarning shaxsiy masʼuliyati hisoblanadi. Biroq CCMP viza xarajatlarini keyinchalik qoplab beradi.

Dasturga qiziqqanlar ushbu havola orqali roʻyxatdan oʻtib ariza topshirishlari mumkin.

Hujjat topshirishda quyidagilar soʻraladi:

• Yangilangan rezyume (CV);

• Davomiyligi 2 daqiqadan oshmaydigan video. Ushbu videoda dastur davomida qaysi mavzularni yoritishni rejalashtirayotgani tushuntirilishi lozim;

• Muharrir, prodyuser yoki rahbar tomonidan berilgan tavsiyanoma;

• Mustaqil kontent yaratuvchi jurnalistlar hamkorlik qilmoqchi boʻlgan media tashkilotidan imzolangan tavsiyanoma taqdim etishlari kerak. Mazkur xatda stipendiya doirasida tayyorlanadigan materiallarni nashr etish yoki efirga uzatish majburiyati koʻrsatilgan boʻlishi zarur;

• Iqlim oʻzgarishi mavzusiga oid kamida 3 ta yaqinda chop etilgan jurnalistik ish namunalari. Ushbu materiallar 2025-yil 15-maydan 2026-yil 15-iyungacha boʻlgan davrda nashr etilgan boʻlishi lozim. Ish namunalari hujjat yoki internet havolasi koʻrinishida yuklanishi mumkin.

Ariza topshirishda quyidagilarni inobatga olish soʻraladi:

• Muddat tugagandan keyin yuborilgan arizalar qabul qilinmaydi. Shu sababli texnik muammolar yuzaga kelishining oldini olish uchun arizalarni kamida bir kun oldin topshirish tavsiya etiladi;

• Arizachilar tanlagan OAVning qamrovi, maqola formati, auditoriyasi va nashr jadvalini sinchkovlik bilan baholashlari lozim. Bu omillar tezkor va yuqori surʼatdagi tadbirni yoritish talablariga mos kelishi kerak;

• Materiallar arizachi mamlakati uchun dolzarb boʻlgan aniq iqlim oʻzgarishi masalalariga bagʻishlangan boʻlishi kerak. Juda umumiy yoki keng qamrovli mavzulardagi materiallar kamroq raqobatbardosh hisoblanadi;

• Materiallar istalgan tilda boʻlishi mumkin, ammo har biriga qisqacha ingliz tilidagi annotatsiya (synopsis) ilova qilinishi shart;

• Talab etilgan hujjatlarni oldindan tayyorlab qoʻyish maqsadga muvofiq;

• Faqat ingliz tilida topshirilgan arizalar qabul qilinadi.

Dastur quyidagi holatlar aniqlangan taqdirda nomzodlarni tanlovdan chetlashtirish huquqini oʻzida saqlab qoladi:

• plagiat (boshqa muallif ishini oʻziniki sifatida taqdim etish);

• sunʼiy intellekt tomonidan yaratilgan materiallarni oʻzining original ishi sifatida topshirish;

• boshqa har qanday noetik yoki professional meʼyorlarga zid xatti-harakatlar.

Muhim: Ariza formasida nomzodlardan ariza tayyorlash jarayonida sunʼiy intellekt vositalaridan foydalangan yoki foydalanmaganliklari haqida ochiq va shaffof maʼlumot berish talab etiladi.

Agar nomzod sunʼiy intellekt yordamida yaratilgan yoki sunʼiy intellekt koʻmagida tayyorlangan materiallarni tegishli tarzda oshkor qilmasdan topshirganligi aniqlansa, uning arizasi koʻrib chiqish jarayonidan chetlashtirilishi mumkin.

• Dasturga hujjat topshirish uchun oxirgi muddat: 18-iyun 2026-yil;

• Tanlov natijalari sentyabr oyining boshlarida eʼlon qilinadi.

Quyidagi ijtimoiy tarmoqlar orqali qoʻshimcha maʼlumot olish mumkin:

• Facebook;

• Instagram;

• Linkedin;

• YouTube.