Jurnalistlar va jurnalistika yoʻnalishi talabalari uchun Qirgʻizistonda 3 haftalik toʻliq moliyalashtiriluvchi trening dasturi — 2022 Central Asian Journalism Summer Institute
  • 01/01/2022 Qabul boshlanishi
  • Toʻliq Moliyalash turi
  • Rossiya Davlat
  • 01/03/2022 22:00 Oxirgi muddat
Telegram kanalimizga aʼzo boʻling

Muhim tafsilotlar

  • Kimlar uchun
    Bakalavr talabasi , Oliy ma'lumotli (bakalavr), Magistr talabasi
  • Dastur tili
    Rus tili
  • Yosh chegarasi
    18 yoshdan 30 yoshgacha

Doʻstlar bilan ulashing

Umumiy maʻlumotlar

2022 Central Asian Journalism Summer Institute — Markaziy Osiyo Jurnalistika Yozgi Instituti professional faoliyatining dastlabki bosqichidagi jurnalistlar va jurnalistika yoʻnalishi talabalariga jurnalistika va ommaviy axborot vositalari (OAV) sohasidagi zarur boʻlgan kasbiy bilim va koʻnikmalarni shakllantirishga qaratilgan trening dasturi.

Yozgi institut ishtirokchilarning maʼlumotlar jurnalistikasi, raqamli OAV, ijtimoiy tarmoq, podkasting va hikoya qilish (storytelling) kabi sohalarda koʻnikmalarini rivojlantirish uchun interaktiv oʻquv dasturini taqdim etadi. Dastur shuningdek, ishtirokchilarning jurnalistika axloqi, manbalarni tekshirish va notoʻgʻri maʼlumot berish (disinformation) haqidagi bilimlarini mustahkamlashga yordam beradi.

Yozgi institut Markaziy Osiyo boʻylab ishtirokchilar uchun ochiq boʻlib, Markaziy Osiyo mustaqil jurnalistlari va media tashkilotlarining mintaqalararo tarmogʻini rivojlantirishga qaratilgan. Ishtirokchilar trening davomida birgalikda hamkorlik qiladilar va vatanga qaytganlaridan soʻng, mintaqaviy jurnalistlarning kengroq tarmogʻi, jumladan GOViral tarmogʻi orqali aloqa qilishda davom etadilar.

Markaziy Osiyo Jurnalistika Yozgi Instituti 2022-yilning 13-iyundan 1-iyuliga qadar Qirgʻiziston poytaxti Bishkek shahrida, Markaziy Osiyo Amerika Universitetida (AUCA) oʻtkaziladi. Yozgi institut rus tilida olib boriladi.

Trening modullari:

  • Media savodxonligi;
  • Maʼlumotlar jurnalistikasi (data journalism);
  • Yangi media texnologiyalari.

Markaziy Osiyo Jurnalistika Yozgi Instituti AQSh Davlat Departamenti tomonidan moliyalashtiriladigan va Meridian Xalqaro Markazi tomonidan amalga oshirilayotgan Markaziy Osiyo OAV almashinuv dasturining bir qismi hisoblanadi.

Yozgi institut haqida batafsil maʼlumot bilan rus va ingliz tillarida ushbu havola orqali tanishib chiqish mumkin.

Maqbullik shartlari

Ishtirokchilarga qoʻyiladigan talablar:

  • Qozogʻiston, Qirgʻiziston, Tojikiston, Turkmaniston yoki Oʻzbekiston fuqarosi yoki rezidenti boʻlishi kerak;
  • Yosh chegarasi 18 yoshdan 30 yoshgacha;
  • Jurnalistlar va jurnalistika yoʻnalishida oʻqiyotgan talabalar ishtirok etishi mumkin.

Ishtirokchilar quyidagi mezonlar asosida tanlab olinadi:

  • Tegishli tajribaga ega boʻlish va/yoki sohada oʻqish;
  • Yetakchilik qobiliyati va professional rivojlanishga erishish uchun kuchli ishtiyoq, ijobiy munosabat va tashabbuskorlik;
  • Markaziy Osiyo mustaqil jurnalistlari va ommaviy axborot vositalari tarmogʻini rivojlantirishga hissa qoʻshish ishtiyoqi;
  • Rus tilini yuqori darajada bilish.

Dastur talablari bilan batafsil rasmiy eʼlonning tegishli bandida (Eligibility and Selection) tanishib chiqish mumkin.

Foydali tomonlari

Dastur stipendiyasi quyidagilarni oʻz ichiga oladi:

  • Qirgʻiziston, Bishkekka borish va qaytish transport xarajatlari;
  • Mahalliy transport xarajatlari;
  • Turar-joy va ovqatlanish xarajatlari uchun mablagʻ;
  • Sugʻurta va dastur materiallari.

Stipendiya uchun tanlov jarayonida, yozgi institutda toʻliq muddatda (3 hafta) qatnashishga tayyor boʻlgan nomzodlar inobatga olinadi.

Hujjat topshirish

Rasmiy saytda onlayn tarzda ariza topshiriladi. Saytda, New User sifatida roʻyxatdan oʻtiladi hamda shaxsiy maʼlumotlar va kerakli hujjatlar taqdim etiladi.

Quyidagi hujjatlar talab etiladi:

  • Akademik va professional rahbardan ikkita tavsiyanoma;
  • Soʻnggi 3 yillik professional faoliyatidagi ishlarning ikkita misoli (namunasi).

Tanlov qarorlari may oyida eʼlon qilinadi.

Ariza berish haqida batafsil maʼlumot bilan rasmiy eʼlonning tegishli bandida (To Apply) tanishib chiqish mumkin.

Qoʻshimcha maʻlumotlar

Qoʻshimcha savollar va murojaat uchun: CASummerInstitute@meridian.org

Rossiya
Jurnalistlar va jurnalistika yoʻnalishi talabalari uchun Qirgʻizistonda 3 haftalik toʻliq moliyalashtiriluvchi trening dasturi — 2022 Central Asian Journalism Summer Institute

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar