Kaliforniyaning Berkeley universitetidan ingliz tilida yozish mahoratini oshirishga qaratilgan 6 haftalik bepul kurs

Academic and Business Writing onlayn kursi Kaliforniyaning Berkeley universiteti tomonidan tashkillashtirilgan boʻlib, ingliz tilida yozish mahoratini akademik va professional ishlash uchun oʻrganmoqchi boʻlganlarga moʻljallangan. Kurs ingliz tilidagi yozish uslublarini tushunish, grammatik toʻgʻri yozishni rivojlantirish, lugʻat boyligini oshirish, qayta koʻrib chiqish, oʻzgartirish kiritish, tahrirlash va chop etish mahoratini rivojlantirishga qaratilgan. Ishtirokchilarga dars materiallari video yoki yozma shaklda taqdim etiladi. Dars davomida qisqa yozuv vazifalari, quizlar, jurnal yozuvlari va uzunroq insholar yozish kabi vazifalar beriladi.

Kurs 6 haftaga moʻljallangan boʻlib, haftada 3-5 soatgacha darslar oʻtiladi. Kurs mutlaqo bepul, ammo $199 pul toʻlangan taqdirda ishtirokchilarga berilgan vazifalar tekshirib beriladi hamda dastur soʻnggida sertifikat taqdim etiladi.

Dastur haqida batafsil ushbu havola orqali tanishish mumkin.

• Dasturda barcha ishtirok etishi mumkin.

Eslatma! Dastur talablarida mavjud boʻlmasa ham nomzod ingliz tilini bilishi kerak. Chunki darslar ingliz tilida olib boriladi.

Dastur talablar haqida batafsil ushbu havola orqali maʼlumot olish mumkin.

Dasturning foydali jihatlari:

• Akademik va professional ish uchun moʻljallangan ingliz tilida yozish mahoratini mutlaqo bepul oʻrganish imkoniyati mavjud;
• Erkin grafik asosida bemalol oʻrganish imkoniyati bor;
• Kaliforniyaning Berkeley universiteti oʻqituvchilaridan tekinga ingliz tilida yozish mahoratini oʻrganish mumkin;
• Videolarning tagida ingliz tilida subtitrlar berib boriladi;
• Kurs boshlangan sanadan boshlab kursda 6 hafta (42 kun) oʻqish bepul. Bu muddatdan keyin ham kursdan foydalanish istalsa $199 toʻlash kerak. Qolaversa, qoʻshimcha pul toʻlangan taqdirda berilgan vazifalar tekshirilib maslahatlar beriladi hamda sertifikat taqdim etiladi.

Dasturning foydali jihatlari haqida ushbu havola orqali batafsil maʼlumot olish mumkin.

Kursga istalgan payt yozilish mumkin.

Dasturda ikki xil tarzda roʻyxatdan oʻtish mumkin:

-Bepul;

-Pulli;

Ro‘yxatdan o‘tayotganda kursni pulli yoki bepul o‘rganish funksiyasi tanlanadi. Pulli darslarning asosiy farqi ishtirokchilarga dastur oxirida sertifikat taqdim etiladi va har bir bajargan vazifalari universitet o‘qituvchilari tomonidan tekshirib boriladi. Pulli kurslarning narxi $199.

Dasturga ushbu havola orqali kirib ro‘yxatdan o‘tish mumkin.

Kursga ro‘yxatdan o‘tish jarayoni haqida ushbu havola orqali batafsil tanishib olish mumkin.

Dastur haqida qoʻshimcha maʼlumotlarini quyidagi internet tarmoqlaridan ham topish mumkin:

-facebook;

-twitter;

-linkedIn;

-reddit.