Kaliforniyaning Berkeley universitetidan ingliz tilida yozish mahoratini oshirishga qaratilgan 6 haftalik bepul kurs
  • 01/01/2022 Qabul boshlanishi
  • Bepul Moliyalash turi
  • AQSh Davlat
  • Doimiy Oxirgi muddat
Telegram kanalimizga aʼzo boʻling

Muhim tafsilotlar

  • Kimlar uchun
    Maktab o'quvchilari (9-sinfgacha), Maktab o'quvchilari (yuqori sinflar), O'rta ma'lumotli (maktab/kollej bitiruvchisi), Bakalavr talabasi , Oliy ma'lumotli (bakalavr), Magistr talabasi, Oliy ma'lumotli (magistr), PhD talabasi , Falsafa fanlari doktori
  • Dastur tili
    Ingliz tili
  • Yosh chegarasi
    Chegaralanmagan

Doʻstlar bilan ulashing

Umumiy maʻlumotlar

Academic and Business Writing onlayn kursi Kaliforniyaning Berkeley universiteti tomonidan tashkillashtirilgan boʻlib, ingliz tilida yozish mahoratini akademik va professional ishlash uchun oʻrganmoqchi boʻlganlarga moʻljallangan. Kurs ingliz tilidagi yozish uslublarini tushunish, grammatik toʻgʻri yozishni rivojlantirish, lugʻat boyligini oshirish, qayta koʻrib chiqish, oʻzgartirish kiritish, tahrirlash va chop etish mahoratini rivojlantirishga qaratilgan. Ishtirokchilarga dars materiallari video yoki yozma material shaklida taqdim etiladi. Dars davomida qisqa yozuv vazifalari, quizlar, jurnal yozuvlari va uzunroq insholar yozish kabi vazifalar beriladi.

Kurs 6 haftaga moʻljallangan boʻlib, haftada 3-5 soatgacha darslar oʻtiladi. Kurs mutlaqo bepul, ammo $199 pul toʻlangan taqdirda ishtirokchilarga berilgan vazifalar tekshirib beriladi hamda dastur soʻnggida sertifikat taqdim etiladi.

Dastur haqida batafsil ushbu havola orqali tanishish mumkin.

Maqbullik shartlari

  • Dasturda barcha ishtirok etishi mumkin.

Eslatma! Dastur talablarida mavjud boʻlmasa ham nomzod ingliz tilini bilishi kerak. Chunki darslar ingliz tilida olib boriladi.

Dastur talablar haqida batafsil ushbu havola orqali maʼlumot olish mumkin.

Foydali tomonlari

Dasturning foydali jihatlari:

  • Akademik va professional ish uchun moʻljallangan ingliz tilida yozish mahoratini mutlaqo bepul oʻrganish imkoniyati mavjud;
  • Erkin grafik asosida bemalol oʻrganish imkoniyati bor;
  • Kaliforniyaning Berkeley universiteti oʻqituvchilaridan tekinga ingliz tilida yozish mahoratini oʻrganish mumkin;
  • Videolarning tagida ingliz tilida subtitrlar berib boriladi;
  • Kurs boshlangan sanadan boshlab kursda 6 hafta (42 kun) o'qish bepul. Bu muddatdan keyin ham kursdan foydalanishni istasa $199 toʻlash kerak. Qolaversa, qo'shimcha pul to'langan taqdirda berilgan vazifalar tekshirlib maslahatlar beriladi hamda sertifikat taqdim etiladi.

Dasturning foydali jihatlari haqida ushbu havola orqali batafsil maʼlumot olish mumkin.

Hujjat topshirish

Kursga istalgan payt yozilish mumkin.

Dasturda ikki xil tarzda ro'yxatdan o'tish mumkin:

-bepul;

-pulli;

Ro'yxatdan o'tayotganda kursni pulli yoki bepul o'rganish funksiyasi tanlanadi. Pulli darslarning asosiy farqi ishtirokchilarga dastur oxirida sertifikat taqdim etiladi va har bir bajargan vazifalari universitet o'qituvchilari tomonidan tekshirib boriladi. Pulli kurslarning narxi $199.

Dasturga ushbu havola orqali kirib ro'yxatdan o'tish mumkin.

Kursga ro'yxatdan o'tish jarayoni haqida ushbu havola orqali batafsil tanishib olish mumkin.

Qoʻshimcha maʻlumotlar

Dastur haqida qoʻshimcha maʼlumotlarini quyidagi internet tarmoqlaridan ham topish mumkin:

-facebook;

-twitter;

-linkedIn;

-reddit.

AQSh
Kaliforniyaning Berkeley universitetidan ingliz tilida yozish mahoratini oshirishga qaratilgan 6 haftalik bepul kurs

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar