Kanadada postdoktorantura bosqichini oʻqish uchun Banting Postdoctoral Fellowships dasturi. Yiliga $70,000 stipendiya beriladi!

Kanadada postdoktorantura bosqichini oʻqishni istagan tadqiqotchilar uchun Banting Postdoctoral Fellowships Program dasturi taqdim etiladi. Dastur uchun har yili 70 ta joy ajratiladi va grant ishtirokchilarga 2 yil muddatga beriladi.

Dastur gʻoliblariga tadqiqot ishini amalga oshirishi uchun stipendiya beriladi. Stipendiyaning umumiy qiymati yiliga — 70,000 AQSH dollar. Bundan tashqari, dastur davomida ishtirokchilar taxminan 140 ta turli koʻrinishdagi mukofotlarni yutib olish imkoniyatiga ega boʻladilar.

Grant taqdim etiladigan ilmiy tadqiqot sohalari:

• Health research;
• Natural sciences and/or engineering;
• Social sciences and/or humanities.

Maʼlumot uchun: Banting Postdoctoral Fellowships Program dasturi mamlakatning iqtisodiy, ijtimoiy va tadqiqotga asoslangan sohalarining oʻsishiga ijobiy hissa qoʻshadigan milliy va xalqaro miqyosdagi eng yaxshi postdoktorlik boʻyicha isteʼdodlarni moliyalashtiradi. Dasturining maqsadi ana shunday isteʼdodlarini mamlakatga koʻproq jalb qilish va saqlab qolish, ularning yetakchilik salohiyatini rivojlantirish va muvaffaqiyatga erishishi uchun yaqindan yordam berishdir.

Dastur haqida batafsil ushbu havola orqali maʼlumot olish mumkin.

• Kanada fuqarolari, Kanadaning doimiy rezidentlari va dasturga qiziqqan barcha chet el fuqarolari qatnashishi mumkin;
• Ingliz tilini dasturda qatnashish darajasida yaxshi bilish kerak;
• Kanada fuqarosi yoki Kanadaning doimiy rezidenti boʻlmagan barcha nomzodlar faqat Kanada institutlaridan birida dasturni oʻtkazishi mumkin;
• Kanada fuqarosi yoki Kanadaning doimiy rezidenti boʻlgan va chet el universitetida PhD, PhD darajasiga teng daraja yoki sogʻliqni saqlash boʻyicha mutaxassis darajasi (health professional degree)ni olgan nomzodlar ham faqat Kanada institutlaridan birida dasturni oʻtkazishi mumkin;
• Kanada fuqarosi yoki Kanadaning doimiy rezidenti boʻlgan va Kanada universitetida PhD, PhD darajasiga teng daraja yoki sogʻliqni saqlash boʻyicha mutaxassis darajasi (health professional degree)ni olganlar dasturni Kanadada yoki Kanadadan tashqaridagi muassasada oʻtkazishi mumkin;
• Nomzodlar PhD, PhD darajasiga teng daraja yoki sogʻliqni saqlash boʻyicha mutaxassis darajasi (health professional degree)ni 2020-yil 15-sentyabrdan 2024-yil 30-sentyabrgacha olgan boʻlishi shart;
• Ariza topshirish vaqtida oʻz darajasiga qoʻyiladigan barcha talablarni bajarmagan nomzodlar 2024-yil 15-oktabrdan kechiktirmay kerakli hujjatlarni taqdim etishi kerak;
• Birdan ortiq PhD, PhD darajasiga teng daraja yoki sogʻliqni saqlash boʻyicha mutaxassis darajasi (health professional degree) ega boʻlgan nomzodlar olgan darajalarining eng oxirgisini hisobga oladilar.

Dastur tadqiqotchilarini qabul qilish huquqiga ega boʻlgan muassasalar:

• Kanadadagi oliy taʼlim muassasalari va xorijiy universitetlar;
• Tadqiqot shifoxonalari;
• Kollejlar; 
• Kuchli tadqiqot vakolati va salohiyatiga ega boʻlgan notijorat tashkilotlar.

Muvofiqlik boʻyicha cheklovlar:

• Hozirda CIHR, NSERC, SSHRC postdoctoral fellowships grantiga ega boʻlgan nomzodlar dasturga faqat ushbu moliyalashtirish muddati 2024-yil 30-sentyabrda yoki undan oldin rasman tugasa, ariza berishlari mumkin. Banting Postdoctoral Fellowships dasturiga ariza berish uchun ularni muddatidan oldin tugatishga yoʻl qoʻyilmaydi;
• Nomzodlar federal vakolat doirasiga kiradigan yana boshqa dasturga bir vaqtning oʻzida ariza topshirishi mumkin. Biroq nomzodlar ikkala dasturdan faqat bittasini davom ettirishi mumkin. Chunki dastur davomida boshqa dasturdan stipendiya olishga yoʻl qoʻyilmaydi;
• Nomzodlar fakultetda birorta lavozimida ishlamasligi kerak. Biror bir lavozimda ishlayotganlar esa dasturga ariza topshirish uchun ishdan ketishlari mumkin emas;
• Nomzod PhD, PhD darajasiga teng daraja yoki sogʻliqni saqlash boʻyicha mutaxassis darajasi (health professional degree)ni olgan muassasada ushbu dasturni oʻtkazishga kamdan-kam hollarda ruxsat beriladi;
• Bir nomzod faqat bir marta ariza topshirishi mumkin;
• Dasturda avval qatnashgan ishtirokchilar qayta ishtirok eta olmaydi.

Dasturning maqbullik shartlari bilan batafsil ushbu havola orqali tanishib chiqish mumkin.

• Yiliga 70,000 AQSH dollar stipendiya toʻlanadi (soliq solinadi);
• Dastur doirasida taxminan 140 ta grant beriladi;
• Grantlar quyidagi sohalarga teng taqsimlanadi:
  • Canadian Institutes of Health Research;
  • Natural Sciences and Engineering Research Council of Canada;
  • Social Sciences and Humanities Research Council.

Eslatma: Agar tashkilotchilarda koʻproq mablagʻ mavjud boʻlsa, qoʻshimcha stipendiyalar berilishi mumkin.

• Dasturda qatnashishni istaganlar ushbu havola orqali barcha talablarni toʻliq bajarib, ariza topshirishlari mumkin;
• Nomzodlar ariza berishdan oldin Selection committee guide qoʻllanmasini va Equity, Diversity and Inclusion sahifasini koʻrib chiqishi kerak.

Ariza topshirish quyidagi bosqichlarda iborat:

1.Nomzodlar muvofiqlik talablariga mosligini tasdiqlash kerak.

2.Nomzod oʻziga va tadqiqotlari uchun mos tushadigan muassasalar bilan aloqaga chiqishi lozim. Chunki arizalar nomzodni qabul qiluvchi muassasa bilan toʻliq hamkorlikda toʻldirilishi lozim:

• Nomzod taʼlim muassasa rahbari yoki masʼul shaxs tomonidan tasdiqlanishi kerak;
• Tasdiqlash uchun eng munosib nomzodlarni tanlash uchun koʻplab muassasalar oʻzlarining ichki muddatlariga ega. Shuning uchun imkon qadar tezroq tanlangan muassasa bilan aloqaga chiqish kerak;
• Tanlagan taʼlim muassasasi talab qilgan barcha hujjatlarni topshirishi kerak;
• Bundan tashqari, nomzod tanlagan muassasasi bilan stipendiya tayinlash tafsilotlari hamda tadqiqot qilish uchun muassasada oʻrnatilgan talablar haqida kelishi olishi lozim;
• Tadqiqot sohasini tanlashi kerak.

3.Nomzod quyidagi saytlardan roʻyxatda oʻtishi va soʻrovnomani toʻldirishi lozim:

• Canadian Common CV (CCV) account;
• CIHR;
• ResearchNet account;
• Equity, Diversity and Inclusion Self-Identification Questionnaire.

4.CCV (Vanier-Banting academic template) ushbu sayt orqali yaratiladi va ResearchNet ilovasi bilan bogʻlanadi. CCV haqidagi muhim tafsilotlar bu yerda.

5.ResearchNet ilovasi ushbu havola orqali ishga tushiriladi. Dasturni ishga tushirgandan soʻng ResearchNet kirish ekrani paydo boʻladi. Bundan Banting Postdoctoral Fellowships dasturining asosiy menyusiga kiriladi. Ushbu menyuda ariza topshirishdan oldin bajarilishi kerak boʻlgan bir qator vazifalar roʻyxati keltirilgan. Ushbu vazifalar toʻliq bajariladi.

6.Tadqiqot sohasi aniqlanishi kerak. Agar nomzod tadqiqot sohasining mosligiga ishonchi komil boʻlmasa, tavsiya olish uchun taklif qilingan tadqiqotning bir sahifali qisqacha mazmunini banting@cihr-irsc.gc.ca elektron manziliga yuborishi kerak. 

7.Tadqiqot oʻtkaziladigan muassasa aniqlanadi. Bunda quyidagi hujjatlarni topshirish lozim:

• Significance of research contributions;
• Significance of leadership contributions;
• Fulfillment of degree requirements form;
• Special circumstances.

8.Nomzod tadqiqot taklifini baholovchi 3 ta hakam haqida maʼlumotlarni aniqlaydi. Baholash tili sifatida ingliz yoki fransuz tilidan bittasi tanlanishini inobatga olish kerak. Ariza beruvchilar oʻzlari tanlagan hakamlari bilan bogʻlanib, tadqiqot taklifi yuzasidan ularning bahosini olishi lozim.

Eslatma: Bu topshiriq bajarilmaguncha nomzodlar arizasini topshira olmaydi.

9.Nomzodning ilmiy darajasi haqida maʼlumotlar kiritiladi.

10.Tadqiqot taklifi boʻyicha maʼlumotlar va qoʻshimcha hujjatlar taqdim etiladi:

• Overview;
• Details;
• Descriptors/keywords;
• Attachments.

11.Arizani topshirishdan oldin qayta koʻrib chiqilib kamchiliklari toʻldiriladi. 

Muhim: Taqdim etilgan hujjatlar barcha talablarga mos kelishi shart. Agar birorta hujjatda maʼlumotlar chegaradan oshib ketgan boʻlsa, ortiqcha sahifalar hakamlar hayʼati tomonidan olib tashlanadi. Hujjatlar PDF formatda saqlanishi kerak.

12.Ariza topshiriladi. Agar vazifa toʻgʻri bajarilgan boʻlsa, nomzodlar elektron pochta orqali ushbu xabarni oladi: “Successful Submission – Banting Postdoctoral Fellowships program / Soumission acceptée – Programme de bourses postdoctorales Banting.“ 

13.Ilova qilingan hujjatlar taqdimot standartlariga javob berishiga ishonch hosil qilish lozim:

• Sahifalar 216 mm x 279 mm boʻlishi kerak;
• Sahifaning (yuqori, pastki va yon tomonlari) atrofida kamida 2 sm boʻsh joy qoldiriladi;
• Matn bitta yoki ikkita intervalli boʻlishi mumkin;
• Minimal shrift oʻlchami 12, qora rangda. Jadval, diagramma, rasm va grafiklardagi kichikroq matnlar agar sahifa 100% koʻrilganda oʻqilishi mumkin boʻlsa qabul qilinadi;
• Asl nusxalari 21,25 x 27,5 sm dan katta boʻlsa, tasdiqlovchi hujjatlarni suratga tushirish kerak;
• Ariza beruvchi tomonidan tayyorlangan hujjatlarning har bir sahifasining yuqori qismida nomzodning ismi va hujjat nomi koʻrsatiladi;
• Muassasa tomonidan tayyorlangan hujjatlarning barchasi muassasa blankida boʻlishi kerak;
• Koʻp sahifali qoʻshimcha hujjatlar uchun sahifalar ketma-ket raqamlanadi;
• Qoʻshimcha hujjatlar PDF formatida yuklanishi kerak;
• Ilova qilingan hujjat(lar)ning hajmi har bir hujjat uchun 30 MB dan oshmasligi lozim.

Eslatma: Tanlov komissiyasi turli soha vakillaridan iborat. Shuning uchun arizalar mutaxassis boʻlmagan tadqiqot auditoriyasini hisobga olgan holda yozilishi kerak. Barcha hujjatlar ingliz yoki fransuz tilida boʻlishi shart.

• Email: banting@cihr-irsc.gc.ca; 
• Facebook ijtimoiy tarmogʻi orqali ham qoʻshimcha maʼlumot olish mumkin.

Muhim sanalar:

• Dasturga ariza topshirishning oxirgi muddati: 21-sentabr, 2023-yil (05:00);
• Baholash: 2023-yil oktyabr oyidan dekabrgacha;
• Natijalar eʼlon qilinadi: 2024-yil fevral oyini oʻrtalari.