0
Kanadaga bepul sayohat qilish va TED konferensiyasida nutq soʻzlash imkonini beruvchi barcha xarajatlari qoplanadigan TED Fellowship dasturi

Kanadaga bepul sayohat qilish va TED konferensiyasida nutq soʻzlash imkonini beruvchi barcha xarajatlari qoplanadigan TED Fellowship dasturi

  • 01/06/2022 Qabul boshlanishi
  • Toʻliq Moliyalash turi
  • Kanada Davlat
  • 30.06.2022 Oxirgi muddat

Mundarija

GrantGO

Muhim tafsilotlar

  • Kimlar uchun
    O'rta ma'lumotli (maktab/kollej bitiruvchisi), Bakalavr talabasi , Oliy ma'lumotli (bakalavr), Magistr talabasi, Oliy ma'lumotli (magistr), PhD talabasi , Falsafa fanlari doktori
  • Dastur tili
    Ingliz tili
  • Yosh chegarasi
    18 yoshdan

Doʻstlar bilan ulashing

Umumiy maʻlumotlar

TED Fellows dasturi har yili ochiq eʼlon berish orqali noodatiy va turli sohadagi qobiliyatli shaxslar guruhini saralab oladi. Dasturda oʻz original gʻoyalariga ega va turli sohalar rivoji uchun xizmat qiladigan misli koʻrilmagan gʻoyalari mavjud 18 yoshdan katta barcha ishtirok etishi mumkin. Ushbu konferensiya barcha soha vakillarining dunyoni oʻzgartirish va rivojlantirishga qodir gʻoyalarini ochib berish va rivojlantirishga xizmat qiladi.

TED Fellows dasturi 2023-yil 14-22 aprel kunlari Kanadaning Vankuver shahrida boʻlib oʻtadi. Dastur Kanadaga borib kelish va boshqa xarajatlarni toʻliq qoplaydi va ishtirokchilar talay imkoniyatlarni qoʻlga kiritishadi. Ariza topshirish jarayoni 2022-yil 30-iyunga qadar davom etadi. Arizalar 8 oy davomida koʻrib chiqiladi.

Dastur haqida ushbu havola orqali batafsil maʼlumot olish mumkin.

Maqbullik shartlari

Dasturda ishtirok etish uchun quyidagi talablar mavjud:

  • Barcha soha vakillari qatnashishlari mumkin;
  • Ingliz tilini bilish talab qilinadi. Chunki dastur toʻliq ingliz tilida olib boriladi;
  • Nomzod 18 yoshdan katta boʻlishi lozim;
  • Nomzodlar original va kelajak rivoji uchun foydasi tegadigan gʻoya yoki fikrga ega boʻlishi kerak;
  • Dastur akademik stipendiya dasturi boʻlmagani uchun noanʼanaviy taʼlim olgan nomzodlar ham ishtirok etishlari mumkin;
  • Nomzod TED Fellowship global hamjamiyati aʼzosi boʻlish va uning rivojiga oʻz hissasini qoʻshishga tayyor boʻlishi lozim;
  • Nomzod konferensiyada nutq soʻzlash boʻyicha TED Fellows jamoasi bilan taxminan 10 soat davom etadigan videokonferensiyada ishtirok eta olishi kerak.

Dastur talablari bilan ushbu havola orqali batafsil maʼlumot olish mumkin.

Foydali tomonlari

Dastur uchun saralab olinganlar quyidagi imkoniyatlarni qoʻlga kiritadi:

  • Kanadaga borish va kelish xarajatlari toʻlab beriladi;
  • Turar-joy, viza, oziq-ovqat va boshqa xarajatlar toʻliq qoplanadi;
  • TED Fellowship dasturida oʻz gʻoyalarini namoyon qilish va tegishli maslahatlar olish imkoniyati mavjud boʻladi;
  • Dastur yordamida omma oldida nutq soʻzlash, media trening, professional murabbiylik va taʼlimiy dasturlar bilan tanishish hamda turli sohadagi yetakchilarning global tarmogʻi bilan bogʻlanish imkoniyati qoʻlga kiritiladi.

Dasturning foydali jihatlari haqida ushbu havola orqali batafsil maʼlumot olish mumkin.

Hujjat topshirish

Dastur uchun arizalar 2022-yil 30-iyunga qadar qabul qilinadi.

Ariza topshirish jarayonida quyidagilarga amal qilish lozim:

  • Oʻz vaqtida ariza topshirish kerak. Kechikkan arizalar qabul qilinmaydi;
  • Nomzodning arizadagi yozma toʻldiriladigan joylarda yozgan gaplari uning gʻoyalarining mohiyatini va boshqa fikr va gʻoyalardan ajralib turadigan xususiyatlarini ochib beradi va nomzodlarni saralab olish jarayonida ulardan foydalaniladi. Shuning uchun ariza shaklini diqqat bilan toʻldirish talab qilinadi;
  • Ariza shaklini toʻldirish jarayonida hakamlar sizning sohangiz haqida hech nima bilmaydigandek tasavvur qilib, batafsil maʼlumot berish kerak;
  • Ariza shakli ingliz tilida toʻldirilishi shart. Boshqa tilda toʻldirilgan arizalar qabul qilinmaydi.

Dasturga nomzodlarni koʻrib chiqish uchun turli sohalardan mutaxassislar jalb qilinadi. Har bir ariza shakli batafsil oʻqib chiqiladi. Shuning uchun ham saralash bosqichi koʻproqqa choʻzilishi mumkin. Dasturga ariza topshirish muddati tugagandan keyin 8 oy ichida TED Fellows Programga qabul qilinganlik yoki qabul qilinmaganlik haqida albatta xabar yuboriladi.

Eslatma! Onlayn ariza shaklini chala qoldirib keyin davom ettirish imkoniyati yoʻq. Shuning uchun ham barcha savollarga javoblarni oldindan tayyorlab olish maslahat beriladi. TED Fellows jamoasi sizdan qoʻshimcha maʼlumot soʻrashi mumkin. Agar soʻralmasa bu maʼlumotlaringiz yetarli boʻlganini bildiradi.

Dasturga ariza topshirishdan avval dastur taʼminlaydigan yordami va roʻyxatdan uchun maslahatlar haqida batafsil maʼlumot olish maslahat beriladi.

Dasturga ariza topshirish jarayoni bilan ushbu havola orqali batafsil tanishish mumkin.

Rasmiy havola Hujjat topshirish

Qoʻshimcha maʻlumotlar

Dastur haqida eng koʻp berilgan savollar va ularning javoblari bilan quyidagi havolalar orqali tanishish va qoʻshimcha savollarga javob soʻrash mumkin:

1-havola;

2-havola;

Dasturning avvalgi ishtirokchilari haqida ushbu havola orqali maʼlumot olish mumkin.

Oʻxshash dasturlar

Diplomsiz dastur
18-30 yosh oraligʻidagi yetakchi yoshlar uchun Germaniyada oʻtkaziladigan 4 kunlik sammit — One Young World Summit 2025
Diplomsiz dastur
18-45 yosh oraligʻidagi barcha uchun AQShda xarajatlari qoplanadigan 4 kunlik forum — Future Diplomats Forum 2025
Kanada
Kanadaga bepul sayohat qilish va TED konferensiyasida nutq soʻzlash imkonini beruvchi barcha xarajatlari qoplanadigan TED Fellowship dasturi
Rasmiy havola Hujjat topshirish

Veb-saytimizdan foydalanishni davom etish orqali siz bizning cookie qoidalarimizga rozilik bildirasiz.

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar