Bakalavr bosqichini Kanadaning 1-raqamli universitetida oʻqish uchun xarajatlari toʻliq qoplanadigan Lester B.Pearson International Scholarship Program dasturi

01/07/2024 Qabul boshlanishi
Toʻliq Moliyalash turi
Kanada Davlat
11.10.2024 Oxirgi muddat

Muhim tafsilotlar

Kimlar uchun

Maktab o'quvchilari (yuqori sinflar), O'rta ma'lumotli (maktab/kollej bitiruvchisi)
Dastur tili

Ingliz tili
Yosh chegarasi

Chegaralanmagan

Doʻstlar bilan ulashing

Umumiy maʻlumotlar

Toronto Universitetidagi Lester B. Pearson xalqaro granti (Lester B.Pearson International Scholarship) xalqaro talabalar uchun dunyoning eng mashhur shaharlaridan va dunyodagi eng yaxshi universitetlardan birida bakalavr bosqichida oʻqish imkoniyatini yaratadi.

Toronto universiteti 2024-yil iyun oyi holatiga koʻra, Kanadada 1-o’rinda, dunyodagi eng yaxshi oliygohlar roʻyxatida 18-oʻrinda turibdi.

Dastur yuqori akademik koʻrsatkichlarga erishgan, oʻz qobiliyatini namoyish eta olgan va oʻz taʼlim muassasasida yetakchi sifatida tan olingan talabalarga grant ajratadi.

Lester B. Pearson xalqaro granti har yili eʼlon qilinadi va stipendiyaga xalqaro talabalar hamda Kanadada tahsil olayotgan turli mamlakatlardan kelgan oʻquvchilar tanlab olinadi. Bu eng nufuzli grantlardan boʻlib, talabalarning toʻrt yil davomidagi oʻqish, kitoblar, oziq-ovqat, soliqlar va barcha yashash xarajatlarini toʻliq qoplab beradi.Dasturning faqatgina bakalavr bosqichi uchun nomzodlar qabul qilinadi. Dasturga har yili taxminan 37 ga yaqin talaba saralab olinadi va gʻoliblar Lester B.Pearson olimlari nomini oladi.

Dasturda qatnashish uchun nomzodlar avvalo Toronto universitetidagi bakalavr yoʻnalishlaridan biriga hujjat topshirishlari kerak boʻladi. Keyin esa Lester B.Pearson grantiga alohida onlayn ariza topshiriladi.

Dasturga hujjat qabul qilish jarayoni 2024-yilning 11-oktyabrigacha davom etadi.

Dastur haqida ushbu havola orqali toʻliq maʼlumot olish mumkin.

Maqbullik shartlari

Nomzod Kanada fuqarosi boʻlmasligi kerak;
Tahsil olayotgan muassasasini bitirgan boʻlishi yoki 2024-yil iyun oyiga qadar tugatgan bo'lishi zarur;
Nomzod ariza topshirganda bakalavriat bosqichida oʻqimayotgan boʻlishi kerak;
Nomzod 2025-yilda Toronto universitetida boshlanadigan bakalavr yoʻnalishlaridan biriga ariza topshirgan boʻlishi va unga qabul qilingan boʻlishi zarur;
Ishtirokchi oʻzi tahsil olayotgan muassasaning masʼul shaxsi tomonidan tanlovda qatnashishi uchun tasdiqlanishi lozim, yaʼni masʼul shaxs tavsiyanoma beradi;
Nomzodlardan ingliz tilini bilish hamda til bilish sertifikati talab qilinadi. Agar nomzod ingliz tilida kamida 4 yil ushbu havoladagi davlatlardan birida oʻqigan boʻlsa, u holda ulardan sertifikat talab qilinmaydi.

Dastur talablari haqida ushbu havola orqali batafsil maʼlumot olish mumkin.

Foydali tomonlari

Nomzodning oʻqish xarajatlari, yaʼni kontrakt puli toʻliq qoplab beriladi;
Bepul turarjoy bilan taʼminlanadi;
Toʻrt yillik oʻqish davomidagi barcha xarajatlar qoplanadi;
Oʻqish davomida kerak boʻladigan kitoblar va boshqa xarajatlar uchun moliyaviy yordam koʻrsatiladi.
Oziq-ovqat, soliqlar va shu kabi boshqa toʻlovlar xarajatlari ham toʻlanadi.

Dasturning foydali jihatlari haqida ushbu havola orqali batafsil maʼlumot olish mumkin.

Hujjat topshirish

Dasturning roʻyxatdan oʻtish jarayonida har bir davlat nomzodlari uchun alohida talablar qoʻyilgan. Shuningdek, Oʻzbekistonlik nomzodlardan akademik litsey diplomi soʻralgan. Ammo O'zbekiston taʼlim tizimi boʻyicha maktab 11 yillik boʻlgani uchun maktab diplomi ham oʻrta taʼlim sifatida oʻtishi mumkin. Bunga dastur maʼmuriyati bilan bogʻlanib oydinlik kiritilishi maqsadga muvofiq boʻladi.
Har bir davlat fuqarolariga qoʻyilgan talablar bilan ushbu havola orqali batafsil tanishish mumkin.

Dasturga hujjat topshirish jarayoni quyidagicha boʻladi:

Nomzod oʻqigan muassasasidagi masʼul shaxs (masalan, maktab boʻlsa, direktor) tomonidan berilgan tavsiyanoma/ Tavsiyanoma haqida ushbu havola orqali batafsil maʼlumot olish mumkin;
Ishtirokchilar Toronto universitetiga 2025-yil sentabr oyidan boshlanadigan oʻqish uchun hujjat topshirishadi. Nomzodlar bir vaqtning oʻzida birdan koʻp yoʻnalishga hujjat topshirishlari mumkin. Biroq grant faqatgina nomzodning birinchi yoʻnalishi uchungina beriladi. Yaʼni, agar nomzod birinchi emas, tanlagan ikkinchi yoki ikkinchi yoʻnalishiga kira olsa, u holda bunday nomzodlarga grant uchun koʻrib chiqilmaydi.
Toronto universitetining bakalavr yoʻnalishlaridan biriga hujjat topshirgandan keyin, nomzodlarga Lester B.Pearson granti uchun alohida onlayn arizani toʻldirish uchun email orqali shaxsiy havola yuboriladi.

Nomzodlarning til sertifikatlari quyidagi darajada boʻlishi kerak:

Cambridge Assessment English C1: Advanced or C2: Proficiency- Har bir qismda 180 dan kamida 170 olgan boʻlish kerak. Batafsil maʼlumotni ushbu havola orqali olish mumkin;
Canadian Academic English Language Assessment (CAEL), including CAEL Online- Umumiy 70 ball va har bir boʻlimi 60 dan past boʻlmasligi kerak. Batafsil maʼlumotni ushbu havola orqali olish mumkin;
Canadian Test of English for Scholars and Trainees (CanTEST)- Umumiy 4,5 va har bir boʻlimi 4 dan kam boʻlmasligi kerak. Batafsil maʼlumotni ushbu havola orqali olish mumkin;
Duolingo English Test — Jami 120 balldan kam boʻlmasligi kerak. Batafsil maʼlumotni ushbu havola orqali olish mumkin;
English Language Diagnosis and Assessment/Certificate of Proficiency in English (ELDA/COPE) — Jami 86 ball va undan baland natijaga erishgan boʻlishi va shundan yozish mahorati (writing) 32 va eshitish va oʻqish (listening and reading) 22 dan kam boʻlmasligi lozim. Batafsil maʼlumotni ushbu havola orqali olish mumkin;
International English Language Testing System (IELTS) Academic Module- Kamida 6,5 boʻlishi va har bir boʻlimi 6 dan past boʻlmasligi kerak. Batafsil maʼlumotni ushbu havola orqali olish mumkin;
Test of English as a Foreign Language (TOEFL)- Ushbu sertifkat darajasi 100 dan past boʻlmasligi kerak va yozish maahorati (writing) qismi 22 dan baland boʻlishi lozim.

Eslatma! Dasturga faqatgina rasmiy sertifikatlar qabul qilinadi va ular sertifikat berilgan rasmiy tashkilot tomonidan ariza qabul qilish tizimiga joʻnatilishi soʻraladi. Sertifikatdagi tugʻilgan yil, ism va familiya, jins va boshqa maʼlumotlar nomzodniki bilan bir xil boʻlishi zarur. Aks holda ular qabul qilinmaydi.

Ariza topshirilgandan keyin ham arizaga oʻzgartirish kiritish mumkin, lekin bu roʻyxatga olish jarayoni yakunlanmasidan amalga oshirilishi zarur.

Rasmiy havola Hujjat topshirish

Qoʻshimcha maʻlumotlar

Lester B.Pearson granti boʻyicha muhim sanalar:

2024-yil 18-oktyabr- Universitetning bakalavr yoʻnalishlari uchun arizalar qabulining oxirgi sanasi;
2024-yil 11-oktyabr - Nomzod oʻqish joyidagi masʼul shaxs tomonidan berilgan tavsiyanomani yuklashning oxirgi muddati;
2024-yil 8-noyabr - grantga, yaʼni Lester B.Pearson grantiga onlayn ariza topshirishning soʻnggi muddati.
Dastur natijalari ariza topshirilganidan taxminan 2 hafta oʻtib eʼlon qilinadi.

Maʼlumot uchun:

-Tel: 416-978-2190; Telefon orqali savollarga faqatgina dushanba, chorshanba, payshanba va juma kunlari Kanada vaqti bilan kunduzgi soat 9.30dan kechki 4.30 gacha va seshanba kunlari kunduzgi 1.00 dan 4.30gacha javob olish mumkin;

-e-mail: pearson.scholarship@utoronto.ca

-Ijtimoiy tarmoqlar:

-twitter;

-facebook;

- youtube;

Hujjat topshirish jarayoni bilan bogʻliq savollarga ushbu havola orqali javob topish mumkin.

Dastur boʻyicha oʻqish mumkin boʻlgan bakalavr yoʻnalishlari roʻyxati bilan ushbu havola orqali tanishish mumkin.