Katta hajmli maʼlumotlar va dasturiy taʼminot muhandisligi boʻyicha Yevropada oʻqish uchun grant — EDISS Scholarship

Katta hajmli maʼlumotlar va dasturiy taʼminot muhandisligi boʻyicha iqtidorli talabalar uchun Yevropada oʻqish uchun grant — EDISS Scholarship (Engineering of Data-Intensive Intelligent Software Systems) taqdim etiladi.

Ushbu magistratura dasturi bu 4 nafar xalqaro miqyosda tan olingan Yevropa universitetlari tomonidan tashkil etilgan ikki yillik Erasmus Mundus Double Degree Programme dasturidir:

1. Åbo Akademi University (Finlandiya);
2. Mälardalen University (Shvetsiya);
3. University of the Balearic Islands (Ispaniya);
4. University of LʼAquila (Italiya).

Dastur muvaffaqiyatli yakunlangandan soʻng, talabalar ikki diplomli magistr darajasiga ega boʻladilar (biri Åbo Akademi universitetidan, ikkinchisi esa ikkinchi yil ixtisoslashuvi uchun tanlangan oliy taʼlim muassasasidan).

Dastur maʼlumotlar ilmi (data science) va dasturiy taʼminot muhandisligi oʻrtasidagi tafovutni bartaraf etib, maʼlumotlarga boy intellektual dasturiy tizimlarni yaratish uchun dasturiy taʼminot muhandislari va maʼlumotlar boʻyicha mutaxassislarni birlashtirishga qaratilgan.

Dasturining asosiy maqsadi quyidagi yoʻnalishlar boʻyicha amaliy bilim va nazariy tushunchalar berishdan iborat:

• maʼlumotlar ilmi (data science);
• dasturiy taʼminot arxitekturasi (software architecture);
• mashinaviy oʻrganish yechimlari (machine learning solutions);
• intellektual tizimlar (intelligent systems).

Dastur 2026-yilning avgust oyida Finlyandiyada joylashgan Åbo Akademi universitetida oʻqishni boshlashlari rejalashtirilgan. Dastur davomiyligi 2 yil.

Dastur haqida batafsil ushbu havola orqali maʼlumot olish mumkin.

Dasturga qabul uchun minimal talablar:

• Kompyuter fanlari, dasturiy taʼminot muhandisligi yoki unga teng yoʻnalish boʻyicha akkreditatsiyadan oʻtgan oliy taʼlim muassasasidan olingan bakalavr darajasi yoki unga tenglashtirilgan diplom (kamida 180 ECTS);
• Ingliz tilini yaxshi bilish lozim:
  • TOEFL iBT — kamida 93 ball;
  • IELTS Academic — kamida 6,5 ball (hech bir boʻlim 6,0 balldan past boʻlmasligi kerak).

Maqbullik shartlari:

• Kompyuter fanlari, dasturiy taʼminot muhandisligi va amaliy matematika boʻyicha bilimlar talab qilinadi. Masalan: kompyuter fanlariga oid oddiy masalalarni yecha olishi, berilgan dasturiy artefaktni (masalan, talablar modeli yoki dizayn modeli) yaratishi, shuningdek mavjud dizaynni takomillashtira va tuzata olishi lozim;
• Yangi texnologiya va metodlarni oʻrganishga intiluvchan boʻlish;
• Jamoa ichida bilim almashish va bilim yaratish qobiliyatiga ega boʻlish.

Quyidagi nomzodlardan ingliz tili boʻyicha til bilish sertifikati talab qilinmaydi:

• Oʻrta taʼlimni ingliz tilida oʻqiganlar;
• Bakalavriat yoki magistratura dasturini ingliz tilida oʻqiganlar va bu diplomda koʻrsatilgan boʻlsa;
• Quyidagi mamlakatlardagi universitet yoki universitet darajasidagi muassasada taʼlim olganlar (diplomda oʻqish tili sifatida ingliz tili koʻrsatilgan boʻlishi kerak):
  • Avstraliya;
  • Kanada;
  • Yangi Zelandiya;
  • Buyuk Britaniya;
  • AQSh;
  • Shveysariya;
  • Yevropa Ittifoqi (EU) yoki Yevropa Iqtisodiy Hududi (EEA) mamlakatlari.

• Oʻqish toʻlovlari qoplandi;
• Sugʻurta bilan taʼminlanadi;
• Oyiga 1,400 yevro stipendiya beriladi. Stipendiya quyidagi xarajatlarni qoplaydi:
  • Turar joy;
  • Yashash xarajatlari;
  • Sayohat xarajatlari.
• Har yili oʻquv yilining ikkinchi semestrida bir haftalik qishki maktab tashkil etiladi;
• Nufuzli hamkor kompaniyalarda amaliyot oʻtash imkoniyati.

Dasturda qatnashishni istaganlar ushbu havola orqali ariza topshirishlari mumkin.

Onlayn ariza topshirishda quyidagi skanerlangan ilovalarni (rangli va PDF formatda) biriktirishni talab qiladi:

• Bakalavr diplomining asl nusxasining rasmiy tasdiqlangan yoki legallashtirilgan skanerlangan nusxasi (asl tilda);
• Bakalavr diplomining ingliz tilidagi rasmiy tarjimasi (tasdiqlangan);

Eslatma: Agar nomzod qabul muddati tugaguniga qadar bakalavr diplomi olmagan boʻlsa, u oʻz oliy taʼlim muassasasidan qaysi fanlar hali oʻtilmaganini va kutilayotgan bitiruv sanasini koʻrsatadigan rasmiy maʼlumotnoma taqdim etishi soʻraladi. Ushbu maʼlumotnoma ariza topshirish jarayonida diplom oʻrnini bosadi.

• Akademik transkript (hozirgacha oʻtilgan barcha fanlar, ularning kreditlari va olingan baholarni koʻrsatadigan);
• Diploma supplement (agar mavjud boʻlsa);
• Qabul talablariga javob beradigan til bilish sertifikati yoki oʻqish tili ingliz tili ekanligi koʻrsatilgan akademik hujjat;
• Pasportning rangli nusxasi;
• CV;
• 2 ta tavsiyanoma;
• Motivatsion video uzunligi 2 daqiqa boʻlishi kerak (± 30 soniya);
• Quyidagi turlardagi tegishli tajribalar haqida maʼlumot kiritish mumkin:
  • Professional va/yoki tadbirkorlik tajribasi;
  • Xalqaro tajriba;
  • Boshqa tajribalar (masalan, volontyorlik, jamoaviy faoliyat, yozgi maktab).

Muhim: Tajribalarni tasdiqlovchi sertifikatlarni taqdim etish talab qilinadi.

• Dasturga hujjat topshirish uchun oxirgi muddat: 8-yanvar, 2025-yil (18:00);
• Takroran soʻraladigan savollarga javob bu yerda.

Quyidagi ijtimoiy tarmoqlar orqali qoʻshimcha maʼlumot olish mumkin:

• Instagram;
• Facebook;
• YouTube;
• Linkedin.