Kimyo Nano-muhandisligi bo'yicha magistratura bosqichini Yevropada oʻqishni xohlovchilar uchun Erasmus Mundus qoʻshma dasturidan xarajatlari toʻliq qoplanadigan grant.

Erasmus Mundus Yevropa Komissiyasi tomonidan tashkil etilgan oliy taʼlim sohasidagi hamkorlik va mobillik dasturidir. Ushbu dastur magistratura bosqichini kimyo, fizika, mexanika, kimyo nano-muhandisligi, elektron muhandislik, tabiiy fanlar (material sciences) kabi sohalar boʻyicha Yevropada oʻqishni xohlovchilar uchun toʻliq grant taklif etadi. Grant miqdori gʻolib qaysi davlatdan ekanligiga qarab farq qiladi.

Mazkur dastur gʻolibi boʻlganlar 2 yillik magistratura bosqichini Yevropaning 3 davlatida (Italiya, Fransiya, Polsha) toʻliq grant asosida oʻqish imkoniga ega boʻladilar.

Grant gʻolibi boʻlganlar oʻquv yilining 1-semestrini Fransiyaning Marsel shahrida, 2-semestrni Polshaning Vroklav shahrida, 3-semestrni Italiyaning Rim shahrida, 4-semestrni Fransiyaning Marsel shahrida oʻqish imkoniga ega boʻladilar.

Oʻqish toʻliq ingliz tilida olib boriladi. Shu sababli, ingliz tilini yaxshi bilish talab etiladi.

Oʻquv dasturi (Study program) haqida batafsil ushbu havoladan bilish mumkin.

Grant haqidagi maʼlumotlar bilan GrantGO tomonidan tayyorlangan quyidagi video/ovozli chat orqali ham tanishish mumkin:

• Kimyo, fizika, mexanika, kimyo nano-muhandisligi, elektron muhandislik, tabiiy fanlar (material sciences) kabi sohalar boʻyicha bakalavr diplomiga ega yoki ayni paytda bakalavrning soʻnggi bosqichida oʻqiyotgan boʻlishi;
• Oʻrtacha oʻzlashtirish koʻrsatgichi (GPA) 75 % dan kam boʻlmasligi;
• Ingliz tilini yaxshi bilish kerak (minimum talab: IELTS 6,5 yoki TOEFL iBT 91).

Eslatma: Oldin ushbu dastur gʻolibi boʻlganlar ariza topshira olmaydi.

Maqbullik shartlari (Eligibility criteria) haqida batafsil ushbu havola orqali oʻqish mumkin.

• Oʻqish kontrakt toʻlovi toʻliq qoplanadi;
• 2 yillik magistratura bosqichi davomida kundalik xarajatlar uchun oyiga €1000 stipendiya beriladi;
• Safar xarajatlari uchun yiliga €3000 beriladi;
• Joylashib olish bilan bogʻliq xarajatlar uchun bir martalik €1000 beriladi.

Eslatma: Talaba magistratura bosqichi davomida oʻz davlatida 3 oydan ortiq yashasa, oylik stipendiya berilmaydi.

Grant miqdori (oylik stipendiya+safar xarajatlari uchun) dastur gʻolibi qaysi davlatdan ekanligiga qarab farqlanadi. Dasturga koʻra talabalar 2 kategoriyaga ajratiladi:

1. Dastur davlatlaridan boʻlgan talabalar (programme countries) — Yevropa Ittifoqiga aʼzo davlatlardan boʻlgan va sobiq Yugoslaviya Respublikasi, Makedoniya, Islandiya, Norvegiya, Lixtenshteyn, Turkiya davlatlaridan boʻlgan talabalar;
2. Hamkor davlatlar (Partner countries) fuqaroligiga ega talabalar — dastur davlatlar (programme countries) talabalari boʻlmagan barcha talabalar (Oʻzbekiston ham ushbu kategoriyaga kiradi).

Grant miqdori haqida ushbu havola orqali batafsil maʼlumot olish mumkin.

Dasturga ariza topshirishda quyidagi hujjatlar talab qilinadi:

• CV;
• Motivatsiya xati;
• 2 ta tavsiyanoma.
• Rasmiy tasdiqlangan va ingliz tiliga tarjima qilingan bakalavr diplomi nusxasi;
• Akademik transkript (baholar) ning ingliz tiliga tarjima qilinib, rasmiy tasdiqlangan nusxasi;
• Nano-muhandislikka oid insho (Maksimum 4 bet)
• Pasport nusxasi;
• Yashash joyidan maʼlumotnoma yoki oʻqish joyidan maʼlumotnoma;
• Rasm.

Dasturga hujjat topshirishda ariza shaklini toʻldirish va talab qilingan hujjatlarni yuklash kerak.

Eslatma: grant uchun alohida ariza topshirilmaydi. Magistratura oʻquv dasturlaridan birini tanlab hujjat topshirish yetarli.

Dasturga ariza topshirish haqida batafsil ushbu havola orqali bilish mumkin.

• Dastur haqida eng koʻp berilgan savollarga javobni (FAQs) ushbu havola orqali oʻqish mumkin;
• Dasturga ariza topshirish bilan bogʻliq qoʻshimcha savollarga sciences-master-cne@univ-amu.fr emailiga murojaat qilish orqali javob olish mumkin.