Umumiy mukofot jamg'armasi 15 million so'mni tashkil etuvchi “Eng yaxshi ijtimoiy karikatura” tanlovi

Respublika Maʼnaviyat va maʼrifat markazi Xorazm viloyati boʻlimi hamda Oyina.uz portali “Eng yaxshi ijtimoiy karikatura” tanlovini eʼlon qiladi. 

Tanlov Oʻzbekiston Respublikasi Mustaqilligining 32 yilligi munosabati bilan “Kitob – yuksaklikka eltuvchi nur” shiori ostida oʻtkaziladi.

Tanlovga taqdim etilgan eng sara ijodiy ishlardan yurtimizda kitobxonlikni umummilliy harakatga aylantirish, aholi orasida mutolaa madaniyatini yanada yuksaltirish yoʻlida foydalaniladi. OAV, ijtimoiy tarmoq va tashqi reklama vositalarida namoyish etiladi.

Ishchi guruhga kelib tushgan karikaturalar saralanib, Oyina.uz portalining telegram kanalida eʼlon qilinadi.

Tanlovga ijodiy ishlarni yuborishning soʻnggi muddati — 2023-yil 18-avgust.

Tanlov haqida batafsil maʼlumotni ushbu havola orqali olish mumkin.

• Mazkur tanlovda yoshidan qatʼi nazar barcha ishtirok etishi mumkin;
• Ishtirokchilar “Kitob – yuksaklikka eltuvchi nur” shioriga bagʻishlab karikatura yaratishi kerak.

Tanlov talablari haqida batafsil ushbu havola orqali bilib olish mumkin.

Gʻoliblar quyidagicha taqdirlanadi:

• 1-oʻrin (2 ta) – 3 million soʻm;
• 2-oʻrin (2 ta) – 2 million soʻm;
• 3-oʻrin (2 ta) – 1 million soʻm hamda ragʻbatlantiruvchi mukofotlar.

• Mazkur tanlovga ijodiy ishlar 2023-yil 18-avgustgacha https://t.me/oyinauz_bot orqali qabul qilinadi.

• Tanlov gʻoliblari ikki yoʻnalishda – hakamlar hayʼati eʼtirofi va muxlislar bergan ovozlar soniga koʻra aniqlanadi. 
• Gʻoliblarni taqdirlash marosimi Mustaqillik bayrami arafasida tantanali ravishda oʻtkaziladi.