KOICA WeKO 8 — Koreya xalqaro rivojlanish hamkorligi global kontent ijodkorlari dasturi

KOICA WeKO 8th — Janubiy Koreya xalqaro hamkorlik agentligi (KOICA) tomonidan tashkil etilgan global kontent ijodkorlari dasturi boʻlib, 16 yoshdan yuqori barcha yoshlar uchun ochiq. Ushbu dastur KOICA Sehrgarlar Akademiyasi hisoblanadi. KOICA 2026-yil uchun WeKO 8-guruh yangi “sehrgarlari”ni qabul qilmoqda.

KOICA Global Supporters WeKO nima?

WeKO — KOICAning global supporterlar dasturi bo‘lib, unda ishtirokchilar KOICA va Rasmiy Rivojlanish Yordami (ODA) haqida bilim oladilar hamda rivojlanish hamkorligini sodda va qiziqarli usullarda targ‘ib qiladilar.

Global WeKO a’zolari oyiga ikki marta kontent yaratish topshiriqlari orqali KOICAning xorijdagi vakolatxonalari, ODA faoliyati va hamkor mamlakatlardagi yangiliklar haqida hikoyalar ulashadilar.

WeKO 8th ikki asosiy yo'nalishda faoliyat yuritadi:

• Domestic (Mahalliy) kategoriya — Janubiy Koreyada yashovchi 40 ta ishtirokchi; brend marketing va PR loyihalari yuzasida ish olib boriladi;

• Global kategoriya — xorijda yashovchi 60 ta ishtirokchi; KOICA hamkor mamlakatlardagi ODA muvaffaqiyat hikoyalari va loyiha maydonlaridan jonli kontent tayyorlash.

Dastur 2026-yil iyuldan noyabrgacha 5 oy davom etadi. Jami 100 ta ishtirokchi qabul qilinadi: 40 tasi mahalliy, 60 tasi xalqaro (global) kategoriyadan. Dastur tili — ingliz tili (Global kategoriya uchun).

Ishtirokchilar oyiga ikki marta muntazam kontent yaratish missiyalarini bajaradilar, rasmiy KOICA tadbirlariga taklif etiladi va dastur yakunida rasmiy tugatish sertifikati oladilar.

• 16 yosh va undan katta barcha yoshlar ariza topshirishi mumkin;

• Akademik daraja yoki mutaxassislik boʻyicha qat'iy talab yoʻq;

• Global kategoriya uchun: Koreyadan tashqarida yashovchi barcha fuqarolar yoki xorijda istiqomat qiluvchi koreyslar;

• Shaxsiy Instagram akkauntiga ega boʻlish shart (ariza vaqtida);

• Ijodiy kontent yaratish, AI vositalari, video/foto ishlab chiqarishga qiziqish talab etiladi;

• 5 oylik faoliyat davomida oyiga 2 marta kontent missiyalarini bajarish majburiyatini oʻz zimmasiga olish kerak.

• Faol ishtirokchilarga faoliyat uchun pul mukofoti ajratiladi;

• Yillik individual mukofotlar:

1. Grand Prize — 1,000,000 KRW:

2. First Prize — 500,000 KRW:

3. Excellence Prize — 300,000 KRW.

• Rasmiy KOICA tadbirlari va oʻquv dasturlariga qatnashish imkoniyati beriladi;

• Dasturni muvaffaqiyatli tugatganlarga KOICA tomonidan rasmiy sertifikat taqdim etiladi;

• Xalqaro ODA loyihalari va rivojlanish hamkorligi sohasida amaliy tajriba orttiriladi.

Eslatma: Mukofot miqdorlari va toifalari oʻzgarishi mumkin.

Dasturda hujjat topshirish quyidagi bosqichlardan iborat:

• Rasmiy ariza shakliga oʻtiladi;

• Ariza shaklida shaxsiy maʻlumotlar toʻldiriladi;

• Oʻzingizning noyob salohiyatingizni eng yaxshi namoyon etuvchi PR foto yoki video tayyorlanadi va yuklanadi:

• Mavzu: Sizning potentsial kuchingizni ifodalovchi kalit soʻzni aks ettiruvchi foto yoki video;Format: foto yoki video (ikkisini ham yuborish mumkin).

• Format: Google Form orqali foto yoki videodan birini tanlab yuborish.

Eslatma:

• Ariza topshiruvchilar shaxsiy Instagram akkauntiga ega boʻlishi shart; Facebook, YouTube va blog akkauntlari dastur boshlanganidan soʻng ham ochilishi mumkin;

• Global kategoriya uchun saytning yuqori qismidagi til tanlash menyusidan 'ENG' variantini tanlash lozim.

Muhim sanalar:

• Ariza qabul qilish muddati: 2026-yil 5-iyun (juma) — 29-iyun (dushanba);

• 1-bosqich (hujjat saralash) natijalari eʻlon qilinishi: 2026-yil 6-iyul (dushanba);

• 2-bosqich (onlayn suhbat): 2026-yil 8–9-iyul (chorshanba–payshanba);

• Yakuniy qabul natijalari: 2026-yil 16-iyul (payshanba);

• Kirish marosimi (oflayn): 2026-yil 24-iyul (juma);

• Faoliyat davri: 2026-yil iyul — noyabr (5 oy).

Tashkilotchilar bilan bogʻlanish:

• Elektron pochta: 2026weko@gmail.com

• Rasmiy veb-sayt: www.koicaweko.com

Dastur haqida qoʻshimcha maʻlumot: WeKO 6-mavsumida 27 ta, 7-mavsumida esa 42 ta mamlakatdan ishtirokchilar jalb qilingan. WeKO 8th yanada keng geografiyani qamrab olishni maqsad qilgan.