Kompyuter fanlari boʻyicha bakalavr, magistratura va doktorantura talabalari hamda soha mutaxassislari uchun Germaniyada toʻliq moliyalashtiriladigan amaliyot

The Max Planck Institutes for Informatics, Software Systems, and Security and Privacy tomonidan kompyuter fanlarining barcha yoʻnalishlari boʻyicha tadqiqot amaliyot dasturlarini taklif qiladi. Maks Plank institutida amaliyot oʻtash — bu kompyuter fanlari boʻyicha jahon miqyosidagi tadqiqotlarni olib borish va yangi tadqiqot yoʻnalishlarini oʻrganish uchun ulkan imkoniyati hisoblanadi.

Amaliyotlar butun dunyo boʻylab bakalavr, magistratura va doktorantura talabalari, shuningdek, kompyuter fanlari boʻyicha akademik tadqiqot tajribasiga ega boʻlishdan manfaatdor boʻlgan soha mutaxassislari uchun ochiq. Odatda, amaliyot dasturi 12-14 haftagacha davom etadi. Ammo bundan ham koʻproq muddatni qamrab olishi mumkin.

Amaliyotchilar yil davomida qabul qilinadi lekin koʻpchilik amaliyotchilar yoz oylarini afzal koʻrishadi. Har bir amaliyotchi ishtirokchi institutlardan birida tayinlangan fakultet murabbiyi bilan bevosita ishlaydi. Amaliyot loyihalari amaliyotchining ilmiy qiziqishlari, salohiyati va oldingi tajribasiga asoslanadi.

Quyidagilar amaliyot dasturida ishtirokchi institutlar hisoblanadi:

• Max Planck Institute for Informatics (Saarbruecken)
• Max Planck Institute for Software Systems (Kaiserslautern and Saarbruecken)
• Max Planck Institute for Security and Privacy (Bochum)

Dastur haqida batafsil rasmiy sayt orqali maʼlumot olish mumkin.

Dasturda ishtirok etish talablari:

• Dastur kompyuter fanlari boʻyicha bakalavr, magistratura yoki doktorantura talabalari uchun ochiq (dastur boshlanish vaqtida nomzod bakalavr bosqichida kamida 3 yil tahsil olgan boʻlishi lozim);
• Dastur ingliz tilida olib borilganligi sababli nomzodlardan ingliz tilini yaxshi bilishi talab etiladi;
• Dastur turli xil ilmiy yoʻnalishlar va fanlararo qiziqishlarga ega boʻlgan nomzodlarni ragʻbatlantiradi, masalan. ijtimoiy fanlar, iqtisod, huquq, gumanitar fanlar va boshqalar;
• Akademik kompyuter fanlari boʻyicha tadqiqot olib borishga qiziquvchi sohada faoliyat yuritayotgan mutaxassislar ham ishtirok etishi mumkin;
• Kompyuter fanlari yoki boshqa STEM sohalarida ozchilikni tashkil qiluvchi guruhlarga mansub shaxslarning arizalari ragʻbatlantiriladi;
• Nomzodlarning akademik salohiyati yuqori boʻlishi talab etiladi;

Ushbu havola orqali dastur talablari bilan batafsil tanishib chiqish mumkin.

Barcha amaliyotlar toʻliq moliyalashtiriladi:

• Yashash xarajatlari uchun oylik stipendiya;
• Turar-joy;
• Germaniyaga borish-kelish xarajatlari.

Rasmiy sayt orqali dastur imtiyozlari bilan batafsil tanishib chiqish mumkin.

Hozirda yozgi amaliyot dasturlari uchun qabul yopilgan. Ammo boshqa vaqtdagi amaliyotlar uchun yil davomida hujjat topshirish mumkin.

Dastlab, nomzodlar onlayn ariza toʻldirishi lozim. Ayrim kerakli hujjatlar:

• CV;
• Transkript(baholar);
• Kamida 1 nafar tavsiyanoma berishi mumkin shaxs bilan bogʻlanish uchun aloqa maʼlumotlari;
• Motivatsiya xati(ixtiyoriy)

Shuningdek, nomzodlar amaliyot oʻtash instituti, birga ishlamoqchi boʻlgan u yerdagi professor-oʻqituvchi va amaliyot oʻtashni xohlagan muddatni belgilashi lozim.

Ishtirokchi institutlardagi tadqiqot guruhlari nomzodlarning arizalarini koʻrib chiqadi. Ushbu davr mobaynida nomzodlar telefon orqali olinadigan intervyuga taklif qilinishi mumkin.

Muhim: amaliyot dasturi boshlanish vaqtidan kamida 5 oy avval hujjat topshirish talab etiladi.

Rasmiy sayt orqali amaliyot dasturiga hujjat topshirish jarayoni bilan batafsil tanishib chiqish mumkin.

Qoʻshimcha maʼlumotlar uchun rasmiy saytda tez-tez soʻraladigan savollar boʻlimi — FAQs bilan tanishib chiqish mumkin.

Savol va murojaatlar uchun cis-internships@cis.mpg.de.