Hunarmandlar uchun mukofot qiymati $50,000 ni tashkil qiluvchi Loewe Foundation Craft Prize xalqaro tanlovi

2016-yildan buyon o‘tkazilib kelinayotgan Loewe Foundation Craft Prize xalqaro tanlovi 2025-yil uchun arizalar qabul qilganini e’lon qiladi.

Tanlovning maqsadi qobiliyatli hunarmandlarning badiiy dunyoqarashini, texnik mahoratini rivojlantirish, yangilikka bo‘lgan qiziqishini qo‘llab-quvvatlash hamda hunarmandchilikning bizning davr madaniyatimizga qo‘shayotgan hissasini ta’kidlash bo‘lib, tanlov yuqori darajadagi estetik qiymatga ega bo‘lgan buyumlarni yaratish qobiliyatini namoyish etuvchi hunarmandlarni e’tirof etadi. 

Hunarmandlar kulolchilik, kitob bog‘lash, emal, zargarlik buyumlari, lok, metallsozlik, ko‘nchilik, to‘qimachilik, shishasozlik, duradgorlik yoki boshqa amaliy san’atga oid ishlanmalari bilan ishtirok etishlari mumkin.

Dastur uchun arizalar 2024-yil 30-оktyabrgacha qabul qilinadi.

• 18 yoshdan yuqori bo‘lishi va hunarmandchilik bilan professional tarzda shug‘ullangan bo‘lishi;
• Ishlanma texnik mahoratdan tashqari badiiy maqsadni ifodalay olishi; original, qo‘lda/yoki qisman qo‘lda yaratilgan bo‘lishi; 
• Zamonaviy an’analarni ifodalay oladigan innovatsion bo‘lishi;
• So‘nggi besh yilda ishlangan bo‘lishi  avval hech qanday ko‘rgazmada g‘olib deb topilmagan bo‘lishi;
• Ishlanmalar kulolchilik, kitob bog‘lash, emal, zargarlik buyumlari, lok, metallsozlik, ko‘nchilik, to‘qimachilik, shishasozlik, duradgorlik yoki boshqa amaliy san’atga oid bo‘lishi;
• Tanlovga yakka yoki guruh bo‘lib ishtirok etish mumkin.

Tanlov talablari haqida ushbu havola orqali batafsil ma’lumot olishingiz mumkin

• G‘olib deb topilgan ishtirokchi €50,000 naqd pul mukofoti bilan taqdirlanadi
• Hakamlar  hay’ati tomonidan g‘olib deb topilgan hamda ekspertlar guruhi tomonidan final bosqichiga tanlab olingan ishlanmalar  Seulda bo‘lib o‘tadigan  “LOEWE FOUNDATION Craft Prize 2025”  ko‘rgazmasida namoyish etiladi va ko‘rgazma katalogiga kiritiladi.

1. Arizalar  onlayn shaklda topshiriladi;
2. Hujjat topshirish uchun quyidagi hujjatlar so‘raladi:
   1. Nomzodning/guruhning ismi, mamlakati, tug‘ilgan joyi va sanasi, telefon raqami,e-mail va pochta manzili;
   2. Nomzodning qisqacha avtobiografiyasi;
   3. Nomzodning beshta eng yaxshi ishlangan jamlangan portfoliosi;
   4. Topshirilgan ishlanmaning hajmi(mm,sm,m), qanday xom-ashyodan tayyorlangani, og‘irligi, qaysi kategoriyaga kirishi va taxminiy qiymati(yevroda, sug‘urtalash maqsadida);
   5. Pasport nusxasi;
   6. Ishlanma haqida qisqacha ma’lumot (200 ta so‘zdan oshmagan);
   7. Ishlanmaning 2 tadan 5 tagacha rasmi; 
   8. Rasmlar jpg yoki png formatida, 800x600 piksel, 2MG hajmda bo‘lishi kerak;
   9. Ishlanmaning har xil ko‘rinishda olingan 1 daqiqalik videosi(majburiy emas).

Natijalar 2025-yilning bahorida e’lon qilinadi.