Koreyada magistratura bosqichida oʻqish uchun KOICA tomonidan taqdim qilingan toʻliq moliyalashtiriluvchi grant
-
03/01/2022 Qabul boshlanishi
-
Toʻliq Moliyalash turi
-
Koreya Davlat
-
28.02.2023 Oxirgi muddat
Umumiy maʻlumotlar
KOICA dasturi har yili hamkor davlatlari orasida magistratura va doktoranturada Koreyada tahsil olish uchun grant ajratadi (O'zbekiston rasmiy hamkori hisoblanadi). Ushbu grant 2023-yildan boshlab Koreyada magistratura bosqichida o'qish uchun ta'sis etilgan.
KOICA stipendiya dasturining asosiy maqsadi hamkor mamlakatlardagi fuqarolarni ijtimoiy-iqtisodiy tomondan rivojlanib yetakchi liderlar qatorida boʻlishiga hissa qoʻshish.
Dastur doirasida barcha xarajatlar to'liq qoplanadi. Nomzodlar arizani o'zlari ishlab turgan tashkilot orqali yuborishlari lozim. So'ng o'qimochi bo'lgan universitetlarini tanlaydilar va hujjat topshiradilar. Universitetlar haqida ushbu havola orqali birma-bir ma'lumot olish mumkin.
Maqbullik shartlari
- O'zbekiston Respublikasi hukumati tomonidan KOICA dasturida qatnashish uchun tavsiya etilgan O’zbekiston fuqarolari (bunda nomzod ayni vaqtda ishlab turgan davlat tashkiloti nomzodlikni ko'rsatgan holda Investitsiyalar, sanoat va savdo vazirligiga rasmiy xat yuborilishi talab etiladi);
- Kamida 2 yillik ish tajribasiga ega davlat xizmatchilari, davlat tashkilotlari va korxonalari xodimlari, banklar, tadqiqot institutlari xodimlari, davlat maktablari o'qituvchilari;
- O'zbekiston Respublikasida rasmiy tasdiqlangan bakalavr diplomiga ega bo'lish;
- Ilgari Koreya Respublikasi hukumati tomonidan tashkil etilgan magistrlik dasturlarida qatnashmaganlar;
- Barcha saralash va o'quv jarayoni ingliz tilida olib boriladi, nomzod ingliz tilida akedemik ta'lim olish va ilmiy tadqiqot olib bora olish darajasida yaxshi bilishi kerak (IELTS sertifikati talabi bor yo'qligini universitet talab qiladigan hujjatlar ro'yxatidan topish mumkin).
Qolgan talablar bilan Ilova yo'riqnomasi (Application guideline) va Dastur ma'lumotnomasi (Program Information) orqali tanishib chiqish mumkin.
Foydali tomonlari
Dastur doirasida quyidagilar to'liq moliyalashtiriladi:
- Aviachipta;
- Kontrakt;
- Oylik stipendiya –KRW 999,000;
- Turar joy;
- Joylashish xarajatlari — KRW 600,000;
- Dasturni tugatib uyga qaytish xarajatlari — KRW 300,000;
- Sugʻurta;
- Odatiy kurslardan tashqari oʻquv seminarlar, koreys tili kurslari va qoʻshimcha tashriflar.
Moliyalashtirish haqida batafsil ushbu havolada o'qish mumkin.
Qoʻshimcha maʻlumotlar
Barcha hujjatlar ingliz tilida taqdim etilishi talab qilinadi;
Magistratura dasturlari to'g'risida qo'shimcha ma'lumot olish uchun KOICA ning O'zbekistondagi vakolatxonasiga murojaat: koica.sp@gmail.com