Koreya xalqaro hamkorlik agentligi tomonidan davlat xizmatida faoliyat yurituvchilar uchun Koreyada magistratura bosqichini davom ettirish imkoniyati — KOICA Scholarship Program dasturi

Koreya xalqaro hamkorlik agentligi — Korea International Cooperation Agency (KOICA) tomonidan rivojlanayotgan mamlakatlardagi davlat ishida xizmat qiluvchi yetakchilarning bilimini yanada oshirish maqsadida Koreya universitetlarida magistratura bosqichida oʻqish uchun KOICA Scholarship Program (SP) dasturini tashkil etilgan. Dasturda ingliz tilini yaxshi biluvchi, davlat ishida kamida 2 yildan beri xizmat qilib kelayotgan, har tomonlama faol nomzodlar ishtirok etishi mumkin.

Dasturga qabul qilinganlar quyidagi yoʻnalishlar boʻyicha hamkor universitetlarda magistratura bosqichida bepul oʻqish imkoniyatiga ega boʻladi:

• Public Management and Public Sector Reforms — Seoul National University
• Urban and Regional Development — University of Seoul
• Finance and Tax Policy — Korea University
• Local Administration — Sungkyunkwan University
• Trade and Industrial Policy for Sustainable and Inclusive Growth — KDI (Korea Development Institute)
• Asian Smart City — Sungkyunkwan University
• Asia E-Government — Yonsei University
• Economic Development — KDI (Korea Development Institute)
• Asian Capacity Building for SDGs — Seoul National University
• Asian Civil Society Leadership ) — Ajou University
• Health Policy and Financing — Yonsei University
• Agricultural Economics — Kangwon National University
• Agricultural Productivity — Kyungpook National University
• Asian High Value-added Agriculture — Kyungpook National University
• Gender and Rural Community Development — Yonsei University
• Global Fisheries Development — Pukyong National University
• ICT Techno-policy — Soongsil University
• Techno-Entrepreneurship Competency Based on ICT Convergence — Handong Global University
• Energy Science and Policy — Ajou University
• Gender and Development — Seoul National University
• Asian Gender Leadership (for 24 Asia Countries) — Ewha Womans University
• Global Education Leadership — Korea National University of Education
• Aviation Management — Korea Aerospace University

Dasturga qabul qilingan ishtirokchilarning safar, turar joy, sugʻurta va boshqa xarajatlari qoplab beriladi va ular oylik stipendiya bilan taʼminlanadilar.

Nomzodlarga qoʻyiladigan talablar:

• KOICA dasturida qatnashish uchun Oʻzbekiston Respublikasi hukumati tomonidan tavsiya etilgan kamida 2 yillik rasmiy ish tajribasiga ega Oʻzbekiston fuqarolari ishtirok etishlari mumkin;
• Davlat xizmatchilari, davlat tashkilotlari va korxonalari xodimlari, banklar, tadqiqot institutlari xodimlari, davlat maktablari oʻqituvchilari, qolaversa, xalqaro NNT xodimlari ikkita tavsiyanomani taqdim etgan taqdirda qatnashishlari mumkin:
  • Oʻzbekiston Respublikasi hukumati nomidan;
  • Koreya Respublikasining Oʻzbekistondagi elchixonasi, xalqaro NNT, BMT yoki KOICA ning Oʻzbekistondagi vakolatxonasi nomidan.
• Oʻzbekiston Respublikasida rasmiy tasdiqlangan bakalavr diplomiga ega boʻlishi kerak;
• Ilgari Koreya Respublikasi hukumati tomonidan tashkil etilgan magistrlik dasturlarida qatnashmagan boʻlishi lozim;
• Barcha oʻquv dasturlari faqatgina ingliz tilida olib boriladi. Nomzod akademik taʼlim olish uchun yetarli darajada ingliz tilini bilishi lozim;
• 40 yoshdan oshmagan, jismoniy va aqliy sogʻlom boʻlishi zarur.

Dastur talablari haqida batafsil ushbu havola orqali maʼlumot olish mumkin.

Dasturga qabul qilingan ishtirokchilar quyidagi imtiyozlarga ega boʻladi:

• Safar xarajatlari qoplab beriladi;
• Oʻqish kontrakt toʻlovidan ozod etiladi;
• Oylik 999,000 KRW (~849$) stipendiya bilan taʼminlanadi;
• Turar joy xarajatlari qoplanadi;
• Joylashib olish uchun bir martalik 600,000KRW (~501$) mablagʻ ajratiladi;
• Tibbiy sugʻurta xarajatlari toʻliq qoplanadi
• Dastur yuzasidan qilingan safarlar, koreys tili va boshqa kurslarga qatnashish kabi xarajatlar qisman moliyalashtiriladi.

Dastur manfaatli jihatlari haqida batafsil ushbu havola orqali maʼlumot olish mumkin.

Arizani yuborish. Davlat tashkiloti nomzodni Oʻzbekiston Respublikasi Investitsiyalar va tashqi savdo vazirligiga tavsiyanoma joʻnatadi vazirlik esa KOICA ning Oʻzbekistondagi vakolatxonasiga yuboradi. Batafsil bu yerda o'qish mumkin.

Ariza topshirish uchun kerakli hujjatlar KOICA ning Oʻzbekistondagi vakolatxonasiga yuborilishi zarur.

Kerakli hujjatlar:

• Toʻldirilgan ariza xati;
• Davlat xizmatidan tavsiyanoma;
• Tanlangan Koreya universitetida magistratura bosqichida oʻqish uchun ariza xati va kirish talablari boʻyicha kerakli hujjatlar. Oliygohlar va ariza topshirish haqida batafsil ushbu havola orqali maʼlumot olish mumkin

Barcha hujjatlar ingliz tilida boʻlishi lozim. Boshqa tilda boʻlgan hujjatlar notarial tarjima xizmati orqali ingliz tiliga tarjima qilinishi kerak.

Ariza yuborish uchun elektron pochta manzili: koica.sp@gmail.com

Eslatma: ariza qoʻllanmasini oʻqib chiqqach, anketani toʻldirish lozim. Har bir universitet uchun kerakli hujjatlar roʻyxati bir-biridan farq qiladi. Shuni inobatga olgan holda, avvalo, Dastur maʼlumotnomasi (Program information) va tanlangan dastur boʻyicha talab qilingan hujjatlar roʻyxati bilan tanishib chiqish soʻraladi.

Saralash jarayoni. Hujjat topshirish yakunlangandan nomzodlar soʻng quyidagi bosqichda saralanadi:

• 1-bosqich – KOICA ning Oʻzbekistondagi vakolatxonasida suhbat: 21.03.22 dan 25.03.22 gacha. Natijalarni eʼlon qilish — 28.03.2022;
• 2-bosqich — KOICA bosh ofisi va universitetlar tomonidan hujjatlarni koʻrib chiqish: 04.04.2 dan 15.04.22 gacha. Natijalarni eʼlon qilish — 21.04.2022;
• 3-bosqich – Universitetlar tomonidan suhbat va yozma imtihonning oʻtkazilishi:
  21.04.22 dan 11.05.22 gacha. Natijalarni eʼlon qilish — 19.05.2022;
• 4-bosqich - Tibbiy koʻrik oʻtkazish: 19.05.21 — 10.06.22 gacha. Natijalarni eʼlon qilish — 16.06.22

Dastur haqida batafsil rasmiy sayt yoki rasmiy telegram kanal orqali maʼlumot olish mumkin.

Qoʻshimcha murojaatlar uchun:
Tel. raqami: +99890 045 4228;
Elektron pochta manzili: koica.sp@gmail.com