KOICA Scholarship Program — Koreyada magistratura va doktorantura bosqichida to'liq moliyalashtirilgan hоlda tahsil olish imkoniyati

Koreya xalqaro hamkorlik agentligi — Korea International Cooperation Agency (KOICA) tomonidan rivojlanayotgan mamlakatlardagi davlat ishida xizmat qiluvchi yetakchilarning bilimini yanada oshirish maqsadida Koreya universitetlarida magistratura va doktorantura bosqichida oʻqish uchun KOICA Scholarship Program (SP) dasturi tashkil etilgan.

Dasturda ingliz tilini yaxshi biluvchi, davlat ishida kamida 2 yildan beri xizmat qilib kelayotgan, har tomonlama faol nomzodlar ishtirok etishi mumkin. Dasturga qabul qilinganlar quyidagi yoʻnalishlar boʻyicha hamkor universitetlarda magistratura bosqichida bepul oʻqish imkoniyatiga ega boʻladi:

• Control of Infectious Disease – Yonsei University (Seoul);
• Digital Innovation – Hanyang University (Ansan);
• Digital Transformation Technology – Soongsil University (Ansan);
• Capacity Building for Response to Climate Change – Incheon National University (Incheon);
• Trade and Industrial Policy for Innovation – KDI School of Public Policy and Management (Sejong);
• Urban Development – University of Seoul (Seoul);
• Agricultural Economics – Kangwon National University (Chuncheon);
• Agricultural Engineering – Kyungpook National University (Daegu);
• Sustainable Regional Development – KDI School of Public Policy and Management (Sejong);
• Policy Competency Based on ICT Convergence – Handong Global University (Pohang);
• Water Resources Management – Yeungnam University (Gyeongsan);
• Energy Policy – Seoul National University (Seoul);
• Global Health Security – Yonsei University (Seoul);
• Agricultural Production – Kyungpook National University (Daegu);
• Global Education Leadership;
• Tax and Fiscal Policy;
• Public Management and Administrative Reform;
• Gender Equality;
• Smart-City Management and Technology.

KOICAning 2025-yilgi doktorlik darajasi uchun oʻquv dasturlari:

• Global Education Leadership;
• Tax and Fiscal Policy;
• Public Management and Administrative Reform;
• Gender Equality;
• Smart-City Management and Technology.

Magistratura va doktorantura oʻquv dasturlari bilan batafsil ushbu havola orqali tanishish mumkin.

Dasturga qabul qilingan ishtirokchilarning safar, turarjoy, sugʻurta va boshqa xarajatlari qoplab beriladi va ular oylik stipendiya bilan taʼminlanadilar.

Nomzodlarga qoʻyiladigan talablar:

• Belgilangan davlat fuqarosi boʻlish kerak; Oʻzbekiston fuqarolari qatnasha oladi;
• Doktorantura uchun 3 yillik ish tajribasi, magistratura uchun esa 2 yillik ish tajribasi afzal koʻriladi;
• Doktorantura uchun ham, magistratura uchun ham ish joyidan KOICA dasturida qatnashish uchun rasman tavsiya etilishi lozim;
• KOICA Doktorantura dasturiga hujjat topshirayotgan nomzodlar KOICA magistratura dasturini muvaffaqiyatli tamomlagan boʻlishi kerak;
• Ilgari Koreya Respublikasi yoki boshqa davlatlar hukumati tomonidan tashkil etilgan doktorantura dasturlarida qatnashmagan boʻlishi lozim. Lekin bakalavr bosqichini avval Koreyada tamomlagan boʻlsa, magistratura uchun ariza topshirishi mumkin;
• Barcha oʻquv dasturlari faqatgina ingliz tilida olib boriladi. Nomzod akademik taʼlim olish uchun yetarli darajada ingliz tilini bilishi lozim. Dastur uchun sertifikat talab etilmaydi, lekin universitet qabuli uchun soʻralishi mumkin;
• 40 yoshdan oshmagan, jismoniy va aqliy sogʻlom boʻlishi zarur;
• Magistratura bosqichiga topshirish talablari ham doktorantura dasturiniki bilan bir xil, faqat magistratura bosqichini oʻqish uchun kerakli bakalavr darajasiga ega boʻlishi kerak.

Dastur talablari bilan batafsil ushbu havola orqali tanishish mumkin.

Dasturga qabul qilingan ishtirokchilar quyidagi imtiyozlarga ega boʻladi:

• Safar xarajatlari qoplab beriladi;
• Oʻqish kontrakt toʻlovidan ozod etiladi;
• Oylik 1,200,000 KRW ($872) stipendiya bilan taʼminlanadi;
• Turarjoy xarajatlari qoplanadi;
• Joylashib olish uchun bir martalik magistrantlar uchun 600,000 KRW ($436); dоktоrantlar uchun 1,200,000 ($872) mablagʻ ajratiladi;
• Tibbiy sugʻurta xarajatlari toʻliq qoplanadi;
• Dastur yuzasidan qilingan safarlar, koreys tili va boshqa kurslarga qatnashish kabi xarajatlar moliyalashtiriladi;
• Dasturni tugatganlik uchun bir martalik mablagʻ beriladi: magistratura uchun 300,000 KRW; doktorantura uchun 600,000 KRW.

Dastur manfaatli jihatlari haqida batafsil ushbu havola orqali maʼlumot olish mumkin.

Dasturga ariza topshirish uchun koica.sp@gmail.com emailiga kerakli hujjatlarni yuborish kerak.

Kerakli hujjatlar:

• Toʻldirilgan ariza xati;
• Davlat xizmati ish joyidan tavsiyanoma;
• Pasport nusxasi;
• Tanlangan Koreya universitetida magistratura yoki doktorantura bosqichida oʻqish uchun ariza xati va kirish talablari boʻyicha kerakli hujjatlar.

Eslatma: Har bir magistrlik va doktorlik oʻquv dasturi uchun alohida hujjatlar talab etiladi. Batafsil ushbu havola orqali maʼlumot olish mumkin. Barcha hujjatlar ingliz tilida boʻlishi lozim.

Saralash jarayoni. Hujjat topshirish yakunlangandan nomzodlar soʻng quyidagi bosqichda saralanadi:

• 1-bosqich – KOICA ning Oʻzbekistondagi vakolatxonasida suhbat;
• 2-bosqich — Universitet hujjatlarni koʻrib chiqish;
• 3-bosqich – Universitetlar tomonidan suhbat va yozma imtihonning oʻtkazilishi va natijalarni eʼlon qilish;
• 4-bosqich - Tibbiy koʻrik oʻtkazish.

Dastur haqida batafsil rasmiy sayt yoki rasmiy telegram kanal orqali maʼlumot olish mumkin.

Qoʻshimcha murojaatlar uchun:
Tel. raqami: +99890 045 4228;
Elektron pochta manzili: koica.sp@gmail.com