Koreyada 6 oydan 12 oygacha til kursida oʻqish uchun toʻliq qoplanuvchi grant dasturi

The KF Fellowship for Korean Language Training (KLT) dasturi Koreyashunoslik va koreys tili sohasida oʻqiyotgan, tadqiqot olib borayotgan talabalar va mutaxassislar uchun Koreya universitetlarida intensiv tarzda 6 oydan 12 oycha toʻliq qoplanuvchi grant asosida oʻqish imkoniyatini taqdim etadi. Dastur barcha oʻqish xarajatlarini, sugʻurta va oylik  stipendiyani qoplab beradi. Nomzodlardan koreys tilini tushunish va gapira olish qobiliyatlari boʻlishi talab etiladi. Dasturga har yili 40 ta nomzod qabul qilinadi.

• Koreyashunoslik va va koreys tili sohasida oʻqiyotgan, tadqiqot olib borayotgan bakalavr, magistratura, doktorantura, talabalari va mutaxassislari qabul qilinadi;
   
• Nomzodlar Koreys tilini tushunishi va gapira olishlari talab etiladi;
   
• Bakalavr bosqichida kamida 3-kursni tamomlayotgan boʻlishlari;
   
• Agar nomzod koreys tili yoʻnalishi mavjud boʻlmagan universitetdan hujjat topshirayotgan boʻlsa, kamida 3 yil mobaynida qatnashgan koreys tili kurslari haqida maʼlumot berishi kerak;
   
• Shuningdek, oʻz universitetida koreys tili yoʻnalishi yoki kurslari umuman oʻqitilmasligi haqida dars jadvalini tadqim etish orqali koʻrsatishi soʻraladi. Batafsil bu yerda tanishib chiqishingiz mumkin.

• Tanlangan universitetda koreys til kursida oʻqish uchun barcha xarajatlari toʻliq qoplanadi;
   
• Yashash xarajatlari va sugʻurta qoplab beriladi;
   
• Kamida 3 yillik tajribaga ega bakalavr va magistratura talablari uchun har oy KRW 1,000,000 beriladi;
   
• Kamida 3 yillik tajribaga ega PhD tadqiqotchilari uchun esa KRW 1,200,000 beriladi;
   
• Sayohat uchun faqat 1 martalik KRW 300,000 beriladi.

1. Link orqali registratsiyadan oʻtib kerakli hujjatlarni topshirasiz.

2. Arizalari qabul qilingan nomzodlar 2021-yil noyabr oyida suhbatga taklif etiladi. Suhbatda, asosan, nomzodning koreys tilini bilish darajasi tekshiriladi.

3. Suhbat natijalari 2021-yil dekabr oyida har bir nomzodning elektron pochta manziliga alohida-alohida yuboriladi.
Eslatma: Suhbat natijasi eʼlon qilinish kuni oʻzgarishi mumkin.

4. Dastur 6 oydan 12 oygacha davom etadi.

• Har bir dastur qatnashchisi kamida 6 oy davomida oʻqishi kerak
   
• Nomzodlar 6 oy mobaynida darslarga 90% holatda faol qatnashib natijalari 80% dan oshsa, dasturda yana qoʻshimcha 2-3 oy oʻqishlari mumkin

5. Nomzodlarning talaba yoki mutaxassis ekanligiga qarab soʻraladigan hujjatlar roʻyxati oʻzgarishi mumkin. Batafsil bu yerda tanishing;

6. Barcha soʻralgan hujjatlar pdf shaklda yuborilishi kerak.

Bog'lanish uchun: 

Tel: (+82)064-804-1000 

Fax: 064-804-1274 

Mail: webmaster@kf.or.kr