Koreyada bakalavr, magistratura va doktorantura bosqichini toʻliq moliyalashtirilgan holda oʻqish imkoniyati beruvchi Global Korea Scholarship dasturining Embassy Track boʻyicha qabuli
-
01/01/2022 Qabul boshlanishi
-
Toʻliq Moliyalash turi
-
Koreya Davlat
-
07/03/2022 15:00 Oxirgi muddat
Umumiy maʻlumotlar
Janubiy Koreya hukumati tomonidan xalqaro talabalar uchun deyarli barcha sohalar boʻyicha bakalavr, magistratura va doktorantura bosqichini toʻliq moliyalashtirilgan holda oʻqish imkoniyatini beruvchi Global Korea Scholarship dasturining Embassy Track orqali qabuli boshlandi.
Embassy Track orqali hujjat topshirgan nomzodlar 3 ta universitet tanlash imkoniyatiga ega boʻlishadi. Buning uchun nomzodlar Koreyaning Oʻzbekistondagi taʼlim markaziga 7-mart 15:00 ga qadar hujjatlarini topshirishlari soʻraladi.
Dasturga qabul qilingan talabalar Koreyadagi eng nufuzli oliygohlarda hech qanday toʻlovlarsiz eng soʻnggi taʼlim berish usullari orqali oʻqish imkoniyatiga ega boʻlishadi.
Dasturga topshirayotganlar koreys tilini bilishmasa, 1 yillik til kursida o‘qib TOPIC 5 olishlari so‘raladi. Til kursi to‘lovlari ham GKS tomonidan to‘liq moliyalashtiriladi.
Qabul kvotalari:
- Bakalavr uchun — 220 ta;
- Magistratura va doktorantura uchun — 1,080 ta xalqaro talablar qabul qilinadi.
Ariza topshirish uchun minimum talablar:
- Akademik koʻrsatkichi 80% dan yuqori,
- Shu yil oxirigacha oʻqishini tamomlashi soʻraladi.
Dastur va uning toʻliq imkoniyatlari haqida bu yerda batafsil bilib olish mumkin.
Maqbullik shartlari
- Nomzodlar va ularning ota-onasi Koreya fuqarosi boʻlmasligi kerak;
- Bakalavr bosqichi uchun 25 yoshdan kichik, magistratura uchun esa 40 yoshdan kichik boʻlishlari soʻraladi;
- Nomzodlarning oxirgi oʻqigan taʼlim muassasasida olgan baholar koʻrsatkichi 80% dan yuqori boʻlishi;
- Nomzodlar chet elda uzoq vaqt yashash uchun ruhan va jismonan sogʻlom boʻlishi kerak;
- Ilgari Koreyada bakalavr, magistratura va doktorantura bosqichini oʻqigan talabalar bu safar ariza topshira olmaydilar;
- Faqat, bitta holatdagina yaʼni oldingi yoki hozirgi oʻqishi davomida 90% dan yuqori bahoga oʻqigan va TOPIC 5 yoki undan yuqori darajaga erishgan nomzodlar qayta ariza yuborishlari mumkin.
Dastur talablari haqida bu yerda batafsil tanishib chiqish mumkin.
Foydali tomonlari
- Dastur har bir semestrda kontrakt uchun 5 million KRW miqdorigacha, yashash uchun — 900,000 -1,000,000 KRW, joylashib olish — 200,000 KRW xarajatlarini toʻliq qoplab beradi;
- Shuningdek, aviachipta, tibbiy sugʻurta — oyiga 20,000 KRW, koreys tili kursi uchun — har uch oyda 800,000 KRW miqdorida mablagʻ ajratiladi;
- Koreys til kursni muvaffaqiyatli tamomlaganlar uchun — 100,000 KRW miqdorida mukofot beriladi;
- Tadqiqotchilarni qoʻllab quvvatlash uchun — har semestr 210,000 — 240,000 KRW beriladi;
- Dissertatsiyalarni chop etish uchun — 500,000 — 800,000 KRW beriladi;
- Grant dasturini tugatgan nomzodlarga bir martalik 100,000 KRW miqdorida mukofot puli beriladi.
Global Korea Scholarship dasturining imtiyozlari haqida bu yerda batafsil tanishish mumkin.
Qoʻshimcha maʻlumotlar
Embassy Track bo'yicha qo'shimcha ma'lumotlarni quyidagi aloqa manzillaridan batafsil bilib olish mumkin:
- Telefon: +998 71 2918182
- Elektron manzil: khurshidaaman95@gmail.com