AQSh yoki Kanadada istalgan o'quv darajasida o'qishni boshlayotgan yoki davom ettirayotgan qiz-ayollar uchun qiymati $15,000 gacha bo'lgan grant dasturi

MMEG US & Canada Award – AQSH va Kanadadagi akkreditatsiyalangan universitetlarda o'qishni boshlayotgan yoki davom ettirayotgan ayollar uchun ajratilgan grant dasturi bo'lib, 25 yoshdan oshgan rivojlanayotgan mamlakatlar fuqarolari bo'lgan ayollarga yuqoridagi davlatlarda o'qishini moliyalash uchun $15,000 gacha grant ajratadi. 

Dastur maqsadi - o'z mamlakatlarida ayollar va bolalar hayotini yaxshilash maqsadida ta'lim olayotgan rivojlanayotgan mamlakatlardan kelgan ayollarga yordam berishdir. MMEG bunday ayollarga moddiy yordam ko'rsatadigan kam sonli tashkilotlardan biri hisoblanadi.

• Kamida 25 yoshga to’lgan bo’lish;
• AQSH yoki Kanadada hozirda universitetda to’liq (kunduzgi) ta’lim shaklida tahsil olayotgan bakalavr, magistr, PhD bosqichlari talabasi bo’lish;
• Amaldagi milliy pasportda tegishli talabalik vizaga ega bo’lish
• Kelayotgan o'quv yilida ta’limni to'liq (kunduzgi) ta’lim shaklida davom ettirishni rejalashtirgan bo’lish;
• AQSH va Kanada fuqarosi hamda ushbu davlatlarda doimiy yashovchi Green Card egasi yoki immigrant bo’lmaslik.

• G’oliblar $15.000 gacha mablag’ bilan ta’minlanadilar;

Eslatma: Grant summasi miqdori o’zgarishi mumkin! Grant may-iyun oylarida topshiriladi.

• Arizalar ushbu havola yordamida topshiriladi.

Ariza topshirishda kerak bo’luvchi hujjatlar (elektron pdf, jpeg,png ko’rinishida tayyorlash lozim, pdf shakli afzalroq):

• Pasport (milliy pasport sahifasi, fotosurati va tug'ilgan sanasi);
• Universitetdan hozirda rasmiy ro'yxatdan o'tganlikni tasdiqlovchi hujjat (qabul qilinganlik haqidagi xat qabul qilinmaydi);
• Universitetdagi so'nggi rasmiy baholar tabeli;
• Viza sahifasi yoki amaldagi pasport bilan o'qish ruxsatnomasi sahifasi (chet elda o'qiyotgan nomzodlar uchun);
• Tiniq fotosurat hamda pasportning ikkinchi sahifasi (ikki fuqarolik bo'lsa);
• Motivatsion xat (qisqacha hayotingiz, o’qish, tajribalaringiz hamda kelajakdagi rejalaringizning rivojlanayotgan mamlakatlardagi ayollar va bolalar bilan qanday bog'liqligi tavsifi haqida);
• O'quv yili uchun moliyaviy holatingizni tasdiqlovchi hujjat hamda ehtiyojlarni qondirish uchun rejalashtirilgan strategiyalar;
• Tezisingizning qisqacha mazmuni (agar mavjud bo'lsa), uning maqsadi, metodologiyasi va topilmalari va martaba maqsadlari bilan bog'liqligi;
• Ikkita tavsiyanoma;

Ariza topshirish yo’riqnomasi bilan batafsil quyidagi havola orqali tanishib chiqishingiz mumkin.

• Yarim finalga o’tgan nomzodlardan 2-3-oyichida onlayn intervyu olinadi;
• Tanlov natijalari MMEG vebsaytida Aprel oyining boshlarida e’lon qilinadi;
• Qo’shimcha ma’lumot uchun: https://www.mmeg.org/frequently-asked-questions/
• Murojaat uchun: us-canada@mmeg.org