Latviyada Yevropa huquqi va iqtisodiyoti boʻyicha 6 haftalik intensiv tayyorlov dasturi. Barcha xarajatlar qoplanadi!
-
17/03/2022 Qabul boshlanishi
-
Toʻliq Moliyalash turi
-
Latviya Davlat
-
21/03/2022 02:59 Oxirgi muddat
Umumiy maʻlumotlar
Latviyada joylashgan Riga School of Law tomonidan 6 haftalik European Law and Economics 2022 intensiv dasturiga qabul davom etmoqda.
Dasturda Yevropa Ittifoqi huquqi va iqtisodi sohasiga qiziquvchi bakalavr, magistratura bosqichida oʻqigan yoki ilmiy ish olib borayotgan nomzodlar ishtirok etishlari mumkin.
Dastur 9-maydan 16-iyungacha davom etadi va ishtirokchilar Yevropa Ittifoqining huquqiy, iqtisodiy va siyosiy faoliyati boʻyicha keng qamrovli treninglarda ishtirok etish imkoniyatiga ega boʻlishadi. Shuningdek, Dastur Yevropa Parlamenti, Yevropa Komissiyasi, Yevropa tashqi harakatlar xizmati va boshqa Yevropa Ittifoqi institutlarida yuzma-yuz uchrashuvlar uchun Bryusselga oʻquv tashrifini oʻz ichiga oladi.
Dastur bilan bogʻliq barcha xarajatlar Amerika Qoʻshma Shtatlari va Latviya Respublikasi Tashqi ishlar vazirligi tomonidan moliyalashtiriladi.
Roʻyxatdan oʻtishning soʻngi kuni Toshkent vaqti bilan 2022-yil 21-mart soat 02:59 da yakunlanadi.
Maqbullik shartlari
- Qozogʻiston, Qirgʻiziston, Tojikiston, Turkmaniston, Oʻzbekiston fuqarolari ariza yuborishlari mumkin;
- Davlat sektorida, nodavlat tashkilotda yoki ilmiy sohada kamida 2 yillik professional ish tajribasi;
- Ingliz tilidan eng kamida IELTS 5.5+, TOEFL IBT 69+ yoki TOEFL 525+ (paper-based);
- Universitet diplomlarining nusxalari va ularning rasman tasdiqlangan ingliz tilidagi tarjimasi soʻraladi;
- Dasturga ariza berish sabablarini koʻrsatadigan 3 minutlik qisqa video;
- Hozirda qanday ishda ishlayotganligi haqida ariza shaklini ichida toʻldirishlari kerak;
- Covid-19 emlanganlik haqida sertifikati. Yevropa Ittifoqi va JSST tomonidan tasdiqlangan va qabul qilinadigan vaksina turlari: Pfizer-BioNTech, Moderna, AstraZeneca, Johnson & Johnson, Novavax, Sinopharm, Sinovac, Bharat Biotech.
Dastur talablari haqida ushbu havola orqali batafsil tanishib chiqish mumkin.
Foydali tomonlari
- Borib-kelish aviachiptasi, turar joy, oʻqish, Shengen vizasini rasmiylashtirish xarajatlari dastur tomonidan toʻliq moliyalashtiriladi.
Dastur imtiyozlari haqida ushbu havola orqali batafsil tanishib chiqish mumkin.
Qoʻshimcha maʻlumotlar
- Riga School of Law haqida batafsil ushbu havola orqali tanishib chiqish mumkin:
- Qoʻshimcha savollar yuzasidan office@rgsl.edu.lv email manziliga murojaat qilish mumkin.