Lazerlar, plazma va tezlatkichlar fizikasi boʻyicha Yevropaning 4 ta universitetida oʻqish uchun grant — LASCALA Program

Lazerlar, plazma va tezlatkichlar fizikasi boʻyicha Yevropaning 4 ta universitetida oʻqish uchun grant dasturi — LASCALA (Large Scale Accelerators and Lasers) taqdim etiladi.

LASCALA dasturi 2 yillik xalqaro magistratura dasturi boʻlib, Yevropada joylashgan 4 ta yetakchi universitetlar hamkorligida tashkil qilinadi. Ushbu hamkorlik ekspertiza doirasini, oʻqituvchilar tarkibini hamda texnologik platformalarga kirish imkoniyatlarini kengaytiradi.

Dasturning asosiy maqsadi dunyoning turli mamlakatlaridan kelgan talabalarni katta ahamiyatga ega sohalarda yetuk tadqiqotchi, muhandis va menejerlar etib tayyorlashdan iborat.

Magistratura boʻyicha quyidagi hamkorlikda universitetlarda taʼlim beriladi:

• Université Paris-Saclay (Fransiya);
• Sapienza Università di Roma (Italiya);
• Universidad de Salamanca (Ispaniya);
• Lund University (Shvetsiya).

Joriy yilgi grant 2026–2028 oʻquv yillari uchun taqdim etiladi va oʻquv yili 2026-yilning sentyabr oyining boshida boshlanadi.

Maʼlumot uchun: LASCALA dasturi tezlatkichlar fizikasi, yuqori quvvatli lazer texnologiyalari, yuqori intensivlikdagi lazer–plazma oʻzaro taʼsirlari, shuningdek gravitatsion toʻlqin detektorlari fizikasi boʻyicha ilgʻor eksperimental va nazariy yondashuvlarni chuqur oʻrgatadi.

Dastur davomida yangi energiya manbalari, tibbiy texnologiyalar va xavfsizlik uchun diagnostika usullarining koʻp tarmoqli qoʻllanilishiga alohida eʼtibor qaratiladi.

Dastur haqida batafsil ushbu havola orqali maʼlumot olish mumkin.

• Fizika (asosiy yoki amaliy fizika), muhandislik va unga yaqin yoʻnalishlar (optika, yadro texnologiyalari, fotonika va boshqalar) boʻyicha bakalavr darajasiga ega boʻlish yoki olish jarayonida boʻlish kerak (yaʼni 180 ECTS kredit tizimiga mos ravishda);
• Ingliz tilini dasturda qatnashish darajasida bilish lozim:
  • TOEFL (qogʻozga asoslangan) — 550 yoki undan yuqori;
  • TOEFL (kompyuterga asoslangan) — 213 yoki undan yuqori;
  • TOEFL (internetga asoslangan) — 82 yoki undan yuqori;
  • IELTS — 6,0 yoki undan yuqori;
  • Kembrij sertifikatlari: Cambridge English First (FCE), Cambridge English Advanced (CAE) and Cambridge English Proficiency (CPE).

Baholash mezonlari:

• Akademik (va tegishli hollarda professional) yuklama
  (oʻquv rejasi mosligi, baholar va boshqalarni oʻz ichiga oladi) — 50%;
• Motivatsiya va professional loyiha — 20%;
• Tavsiyanoma — 15%;
• Ingliz tilini bilish darajasi — 10%;
• Uyushmalar, tarmoqlar yoki shaxsiy yetakchilik va faollikni koʻrsatuvchi boshqa darsdan tashqari faoliyatlarda ishtirok etish — 5%.

Muhim: PhD talabalari va PhD darajasiga ega nomzodlar dasturda qatnashishi mumkin emas.

• Oʻqish toʻlovlari uchun yiliga hamkor davlat talabalari uchun 8,000 yevro, dastur davlatlaridan kelgan talabalar uchun 4,500 yevro qoplanadi va u quyidagilarni oʻz ichiga oladi:
  • har bir universitetda roʻyxatdan oʻtish;
  • xalqaro sugʻurta;
  • yozgi va qishki maktablar;
  • zarur boʻlganda til kurslari;
  • infratuzilmalardan foydalanish.
• Yevropaning 4 tagacha universitetida oʻqish;
• Ikki yoki bir nechta diplomga ega boʻlish imkoniyati;
• 6 oylik ilmiy-tadqiqot amaliyoti olib boriladi;
• Yirik ilmiy loyihalarni boshqarish boʻyicha yozgi maktab va katta miqyosli muassasalarda qishki maktablar tashkil qilinadi.

Muhim: Nomzodlar safar va viza xarajatlarini ham hisobga olishlari lozim.

Dasturda qatnashishni istaganlar ushbu havola orqali ariza topshirishlari mumkin.

Arizalar topshirishda mezonlar:

• Barcha hujjatlar ingliz tilida boʻlishi kerak;
• Faqat tasdiqlangan (sertifikatga ega) tarjimalar qabul qilinadi. Ingliz tiliga tarjima qilingan barcha hujjatlar hujjat asl nusxasi bilan birga topshirilishi shart;
• Fransuz, shved, italyan va ispan tillaridagi transkriptlar hamda diplomlar qabul qilinishi mumkin;
• Hujjatlarni pochta yoki elektron pochta orqali yuborish mumkin emas;
• Toʻliq boʻlmagan arizalar rad etiladi.

Talab qilinadigan hujjatlar:

• CV (maksimal 2 bet);
• Cover letter (biriktirilgan xat);
• Baholar va ularning tavsifi;
• Bakalavriat yoki magistratura diplomi/sertifikat;
• Til bilish sertifikati;
• Yashashni tasdiqlovchi hujjat;
• Tavsiyanoma;
• Tavsiyanoma beruvchining aloqa maʼlumotlari.

Eslatma: Oʻqitish tili ingliz tili boʻlgan muassasalarni bitirgan nomzodlardan til bilish sertifikati soʻralmaydi.

• Grant dasturiga ariza topshirish uchun oxirgi muddat: 15-fevral, 2026-yil (03:59);
• Oʻz-oʻzini moliyalashtirishga ariza topshirish uchun oxirgi muddat: 1-may, 2026-yil (02:59);
• 2026-yil 15-fevraldan 30-aprelgacha topshirilgan barcha arizalar oʻz-oʻzini moliyalashtirishga topshirilgan arizalar sifatida koʻrib chiqiladi;
• Natijalar 2026-yil mart oyining oʻrtalarida eʼlon qilinadi.

Quyidagi ijtimoiy tarmoqlar orqali qoʻshimcha maʼlumot olish mumkin:

• Facebook;
• Instagram;
• Linkedin.