Leksikografiya bo'yicha magistraturani Yevropada o'qish uchun to'liq moliyalashtiriluvchi Erasmus Mundus EMLex stipendiyasi

Leksikografiya bo'yicha magistraturani Yevropada o'qish uchun to'liq moliyalashtiriluvchi Erasmus Mundus EMLex stipendiyasi

  • 01/12/2023 Qabul boshlanishi
  • Toʻliq Moliyalash turi
  • Yevropa Davlat
  • 01.03.2024 Oxirgi muddat
GrantGO

Muhim tafsilotlar

  • Kimlar uchun
    Bakalavr talabasi , Oliy ma'lumotli (bakalavr)
  • Dastur tili
    Ingliz tili, Nemis tili
  • Yosh chegarasi
    Chegaralanmagan
  • IELTS talabi
    minimum 4.5

Doʻstlar bilan ulashing

Umumiy maʻlumotlar

Erasmus Mundus European Master in Lexicography (EMLex) magistratura dasturi xalqaro oʻquv kursi hisoblanadi:

  • leksikograflarning xalqaro va fanlararo tayyorgarligiga yordam beradi;
  • leksikografik nazariyalarni yuqori xalqaro darajada oʻrgatadi;
  • lugʻat yaratishning amaliy qoʻllanilishi bilan alohida aloqani oʻz ichiga oladi.

EMLex 2024-25-yil kuzgi qabul uchun 19 ta stipendiya taqdim etadi. Stipendiatlar tanlagan universitetiga (home university) qarab 2024-yil sentyabr yoki oktyabr oyida oʻqishni boshlaydi. Grantlarning 80% hamkor davlat talabalariga beriladi; 20% dastur davlati talabalariga beriladi.

Ikki yillik magistratura dasturi mobaynida, stipendiatlar birinchi va toʻrtinchi semestrni tanlagan asosiy universitetida (home university)da oʻqiydilar. Ikkinchi semestrda boshqa hamkor universitetda oʻqish imkoniga ega boʻladi. Shuningdek, agar ruxsat berilsa uchinchi semestrda ham yana boshqa hamkor universitetlardan birida oʻqishi mumkin.

Erasmus Mundus stipendiyasi hamkor davlatlar va dastur davlatlarida istiqomat qiluvchi stipendiatlarga turlicha miqdorda taqdim etiladi.

Qabul qilingan barcha talabalar Student Agreement shartnomasini imzolashi kerak boʻladi.

European Master in Lexicography (EMLex) dasturi, hamkor universitetlar haqida batafsil maʼlumot bilan ushbu havola orqali tanishib chiqish mumkin.

Maqbullik shartlari

Erasmus Mundus Joint Master Degrees EMLex dasturi talablari:

  • Barcha davlat fuqarolari hujjat topshirishi mumkin;
  • Nomzodlar ushbu yoʻnalishlardan birida OTM bakalavr bosqichini tamomlagan boʻlishi yoki dastur boshlangunicha tamomlashi kerak:
    • Hisoblash/amaliy tilshunoslik (Computational/Applied Linguistics);
    • Xorijiy tillar;
    • Tarjima;
    • Aloqa/ommaviy axborot vositalari(OAV);
    • Kitobshunoslik / Kutubxona va axborot fanlari yoki boshqa tegishli fanlar (qabul komissiyasi roziligi va tasdigʻi bilan).
  • Dastur nemis va/yoki ingliz tillarida olib borilgani sababli, nomzodlardan yozma va ogʻzaki til bilish koʻnikmalari yetarli boʻlishi talab etiladi:
    • Ingliz tili ( kamida B1, B2). IELTS 4.5-6.5 (British Council);
    • Nemis tili (kamida B1,B2).

Muhim: ariza toʻldirish vaqtida nomzodlar yozma nemis yoki ingliz tilini bilish darajasi kamida B2 darajasida ekanligini koʻrsata olishi lozim.

Dastur talablari, til bilish talablari va tanlov mezoni bilan batafsil rasmiy saytda 4-bandda (Erasmus Mundus: prerequisites and application) tanishib chiqish mumkin.

Foydali tomonlari

Stipendiya dasturi taqdim etadigan imtiyozlar stipendiat qaysi davlatda istiqomat qilishiga qarab oʻzgaradi:

  • Hamkor davlatlar: Yevropa Ittifoqiga aʼzo boʻlmagan davlatlar (jumladan, Oʻzbekiston).
  • Dastur davlatlari: Yevropa Ittifoqi davlatlari, Turkiya, Makedoniya, Norvegiya, Serbiya, Lixtenshteyn va Islandiya.

Stipendiya dasturi quyidagi imtiyozlarni taqdim etadi:

  • Dastur mobaynida yashash xarajatlari uchun oyiga €1400 mablagʻ ajratiladi (koʻpi bilan 24 oygacha);
  • Sayohat va joylashish xarajatlari:
    • Joylashuvi muvofiqlashtiruvchi muassasadan (FAU Erlangen-Nyurnberg) 4000 km dan kam masofada joylashgan hamkor davlatda istiqomat qiluvchi stipendiatlar sayohat xarajatlari uchun yiliga €2000 + joylashish xarajatlari uchun €1000;
    • Joylashuvi muvofiqlashtiruvchi muassasadan (FAU Erlangen-Nyurnberg) 4000 km yoki undan koʻproq masofada joylashgan hamkor davlatda istiqomat qiluvchi stipendiatlar sayohat xarajatlari uchun yiliga €3000+ joylashish xarajatlari uchun €1000;
  • Stipendiya dasturi, shuningdek, EMJMD-EMLex da ishtirok etish xarajatlarini ham oʻz ichiga oladi ( xususan, oʻquv toʻlovlari, tibbiy sugʻurta, kutubxona xarajatlari, maʼmuriy xarajatlar, madaniy tadbirlar):
    • Hamkor davlatlardan boʻlgan stipendiatlar uchun €4000;
    • Dastur davlatlaridan oʻlgan stipendiatlar uchun €2000.

Stipendiya dasturi taqdim etadigan imtiyozlar bilan rasmiy saytda 3-bandda (Erasmus Mundus Scholarship) batafsil tanishib chiqish mumkin.

Hujjat topshirish

  1. PDF formatdagi ariza shakli kompyuter/telefonda elektron tarzda toʻldiriladi va imzo qoʻyiladi (qoʻlda elektron tarzda emas).
  2. Toʻldirilgan va imzo qoʻyilgan ariza shakli quyidagi talab qilingan hujjatlar bilan birgalikda emlex-erasmusmundus@fau.de elektron pochta manziliga yuboriladi.

Hujjat yuborishda quyidagilarni eʼtiborga olish lozim:

  • Barcha hujjatlar 1ta PDF faylda yuborilishi kerak;
  • Faylni ushbu koʻrinishda nomlash kerak: Emlex application + nomzodning ismi-sharfi;
  • Fayl hajmi 10MBdan oshmasligi kerak;
  • Hujjatlar tartibi quyida koʻrsatilganday boʻlishi kerak.

Talab etiladigan hujjatlar:

  • Toʻldirilgan ariza shakli;
  • 2 betdan oshmagan motivatsion xat (ingliz yoki nemis tilida). Xatda nomzod:
    • nima uchun EMLex magistratura dasturida oʻqishni xohlayotganini tushuntirishi, dasturdan nimalarni kutayotgani va dasturga qanday qilib oʻz hissasini qoʻsha olishini bildirishi kerak. Bundan tashqari, dasturdan soʻng, EMLex magistrlik darajasi bilan nima qilishni rejalashtirayotganini aytib oʻtishi lozim.
    • ilmiy yoki amaliy leksikografiyaga oid tajribasini va nima uchun leksikografiyaga qiziqishini izohlab berishi kerak.
    • tanlagan asosiy universitetini (home uninversity) keltirib oʻtishi lozim (nomzodning xohishi iloji boricha inobatga olinadi, yakuniy qaror nomzodning oʻqish ehtiyojlariga eng mos keladigan tarzda qabul qilinadi).
    • ushbu savolga javob berishi lozim: Agar sizda shunday imkoniyat boʻlsa, qaysi leksikografik loyihani oʻz mamlakatingizda amalga oshirishni xohlar edingiz?
  • Bakalavr bosqichi diplomi nusxasi;
  • Universitetda olgan baholari (transkript);
  • Til bilish sertifikatlari;
  • Shaxsni tasdiqlovchi hujjat nusxasi (pasport/ID karta).

Kerakli hujjatlar va hujjat topshirish jarayoni bilan batafsil rasmiy saytda 4-bandda (Erasmus Mundus: prerequisites and application) tanishib chiqish mumkin.

Qoʻshimcha maʻlumotlar

EmLex magistratura dasturida ishtirok etuvchi hamkor universitetlar, oʻquv dasturi haqida batafsil ushbu havola orqali tanishib chiqish mumkin.

Hujjatlarni yuborish uchun elektron pochta manzili: emlex-erasmusmundus@fau.de

Yevropa
Leksikografiya bo'yicha magistraturani Yevropada o'qish uchun to'liq moliyalashtiriluvchi Erasmus Mundus EMLex stipendiyasi

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar