Madaniy va ijodiy sohalarda ishlaydiganlar uchun to‘liq moliyalashtirilgan holda Turkiyada malaka oshirish — Global Cultural Relations dasturi
-
04/02/2022 Qabul boshlanishi
-
Toʻliq Moliyalash turi
-
Turkiya Davlat
-
01.03.2022 Oxirgi muddat
Umumiy maʻlumotlar
Madaniy va ijodiy sohalarda ishlaydigan yoshlar uchun Global Cultural Relations dasturi e’lon qilinadi.
Dasturga qabul qilinganlar interfaol o‘quv dasturi orqali xalqaro madaniy aloqalar bo‘yicha ko‘nikmalarini kengaytirish, butun dunyo bo‘ylab madaniy aloqalar platformasining 180 GCRP bitiruvchilar hamjamiyati bilan aloqada bo‘lish imkoniyatiga ega bo‘ladilar.
Dasturga 40 nafar ishtirokchi qabul qilinib, ularning yo‘l va turar-joy xarajatlari qoplanadi.
Maqbullik shartlari
Dastur uchun nomzodlar quyidagi talablarga javob berishlari kerak:
- 25-39 yosh orasida bo‘lishi. Nomzod ko‘rsatilgan yoshdan farq qilsa ham ariza topshirishi mumkin, ammo 25-29 yoshli nomzodlar ustun ko‘riladi;
- Xalqaro hamkorlik sohasida 3 yillik ish tajribasiga ega bo‘lishi (bu sohada ishlagan ammo 3 yil tajribaga ega bo‘lmagan nomzodlar ham topshira olishi mumkin, garchi ushbu mezonga javob bergan nomzodlarga ustunlik berilsa ham);
- Davlat yoki xususiy fuqarolik jamiyati tashkilotlarida ishlashi yoki frilanser bo‘lishi;
- Ingliz tilini yaxshi bilishi;
- Madaniyat va ijodiy sohalarda ishlayotgan mutaxassis va tadbirkor bo‘lishi;
- 2022-yilning 10-13-may kunlari dasturda to‘liq qatnasha olishi kerak;
- Yevropa Ittifoqi institutlarida yoki konsorsium hamkorlarida (Gyote Instituti, IETM, Yevropa Madaniyat Jamg'armasi va Siena Universiteti) ishlaydigan nomzodlar Global Madaniy Aloqalar Dasturida qatnasha olmaydilar.
Dasturning maqbullik shartlari bilan ushbu havola orqali batafsil tanishib chiqish mumkin.
Foydali tomonlari
Dasturga qabul qilinganlar quyidagi imkoniyatlarga javob berishlari kerak:
- Borib-kelish xarajatlari;
- Viza xarajatlari xarajatlari;
- Turar-joy hamda dastur bilan bog‘liq boshqa xarajatlar qoplanadi.
Dastur imkoniyatlari bilan quyidagi havola orqali batafsil tanishish mumkin.
Qoʻshimcha maʻlumotlar
Qo‘shimcha ma’lumotlar:
- Email: cultural.relations.platform@goethe.de;
- Tez-tez beriladigan savollar;
- Muvaffaqiyatli ishtirokchilar dasturga qabul qilinganligi to‘g‘risida mart oyining oxirida xabardor qilinadi;
- Ishtirokchilarning Istanbulga yetib kelishlari:09.05.2022;
- Dastur davomiyligi: 10.05.2022-13.05.2022.