Magistr talabalari uchun AQSHda $1,400 haftalik ish haqi to‘lanadigan 10-12 hafta davom etuvchi Climate Corps hamdo‘stlik dasturi

Tadqiqot Pul Mukofoti & Grant

Telegram kanalimizni kuzatib boring

Obuna bo’lish

Mundarija

Tavsif

AQSh davlati analitik tajriba va loyihalarni boshqarish tajribasiga ega boʻlgan yosh mutaxassislar uchun moʻljallangan Climate Corps hamdoʻstlik dasturini eʼlon qiladi. Ishtirokchilar miqdoriy tahlillarni koʻrsatib berish, loyihalarni boshqarish va tashkiliy oʻzgarishlarni osonlashtirish qobiliyatlari asosida tanlab olinadi.

Dastur analitik va loyihalarni boshqarish tajribasiga ega boʻlgan, energiya va iqlim bilan bogʻliq muammolarga yechim topish bilan oʻz hissasini qoʻsha oladigan yuqori malakali talabalarni qoʻllab-quvvatlaydi. Dasturga qabul qilingan talabalar haftasiga $1,400 stipendiya hamda 1 haftalik trening ish uchun haqi bilan taʼminlanadilar. Dastur 10-12 hafta davom etadi.

Dasturga qabul jarayoni 2025-yil 22-dekabrgacha davom etadi.

Dastur haqida ushbu havola orqali batafsil maʼlumot olish mumkin.

Kimlar uchun mo'ljallangan

Ariza topshirish paytida nomzod biznes, muhandislik, barqaror rivojlanish, atrof-muhitni boshqarish, davlat siyosati, data science, writing yoki boshqa sohalarda magistr talabasi boʻlishi;
Loyihalarni boshqarish va yetakchilik tajribasiga ega boʻlish;
Kuchli ogʻzaki va yozma muloqot qobiliyati, shu jumladan, taqdimot qila olish qobiliyatlariga ega boʻlish;
Ekologik muammolarni hal qilishga ishtiyoqli boʻlish;
AQShda 2026-yil yozida ishlash huquqiga ega boʻlishi (qoʻshimcha maʼlumot olish uchun dasturning ishlashga ruxsat berish qoidalari bilan tanishib chiqish mumkin).

Mavjud loyihalarga qarab, quyidagi qoʻshimcha koʻnikmalarga ega boʻlgan nomzodlarga ustunlik beriladi:

Kuchli moliyaviy va miqdoriy koʻnikmalar, shu jumladan, loyihani baholash;
Energiya samaradorligi, avtomobillarni elektrlashtirish, oziq-ovqat chiqindilari yoki barqaror loyihalar ustida ishlash tajribasi;
Maʼlumotlarning miqdoriy va sifatli tahlilini bilish;
Issiqxona chiqindi gazlarini hisobga olish va hisobot berish tizimlarini yaxshi bilish.

Dastur haqida ushbu havola orqali batafsil maʼlumot olish mumkin.

Imtiyozlar va qulayliklar

10-12 hafta davomida kamida $1,400 haftalik maosh;
Ishtirokchilar treningda qatnashgani uchun 1 haftalik ish haqi.

Topshirish jarayoni

Dasturga hujjatlar onlayn shaklda quyidagi tartibda topshiriladi:

Dastur va ariza topshirish jarayoni bilan ushbu havola orqali 30 daqiqa boʻlib oʻtadigan virtual uchrashuvda tanishib chiqish mumkin;
Paramount Global, Iron Mountain va Clean Energy New Hampshire 2025-yilgi bitiruvchilar panelining uchrashuvi va tajribalari haqidagi videoni ushbu havola orqali tomosha qiling;
Ariza berish jarayoni va muvaffaqiyatli ariza topshirish boʻyicha maslahat olish uchun elektron pochta bilan roʻyxatdan oʻtish lozim;
ushbu havola orqali ariza topshiring;
Tanlab olingan ishtirokchilarning malakasini baholash uchun intervyu oʻtkaziladi.
Intervyudan soʻng EDF ishtirok etadigan tashkilot va loyihalar roʻyxati taqdim qiladi, bunda nomzod oʻzi qiziqqan tashkilotni koʻrsatib berishi kerak. Dasturga qabul qilingandan soʻng, nomzod yakuniy tasdiqlash uchun mezbon tashkilot bilan bogʻlanishi lozim.