Magistratura bosqichini iqtisod yoʻnalishida Yevropada oʻqish imkoniyatini beruvchi Erasmus Mundus Economic Policies for the Global grant dasturi

Yevropa Ittifoqi tomonidan qoʻllab-quvvatlanadigan Erasmus Mundus dasturi Economic Policies for the Global transition (EPOG+) magistrlik dasturi eʼlon qilinadi. Dastur siyosatning oʻzaro bogʻliqligini kengroq tushunish bilan birga iqtisodiy siyosatni ishlab chiqish, amalga oshirish va baholash, muayyan sohalarda zamonaviy bilim va koʻnikmalarga ega boʻlgan mutaxassislar hamda yuqori malakali tadqiqotchilarni jalb qiladi. Dastur qabul qilingan talabalarga oyiga €1,400 stipendiya berish bilan bir qatorda kontrakt toʻlovi hamda boshqa xarajatlarni qoplaydi.

Dasturda ixtisosliklari boʻyicha quyidagi yoʻnalishlari mavjud:

• Major A (Knowledge, innovation and the digital transition)
• Major B (Macroeconomics, finance and socioeconomic transition)
• Major C (Development, sustainable development and the ecological transition)

Dastur 2 yil davom etadigan 4 semestrdan iborat boʻlib, bunda talabalar oʻzlari tanlagan ixtisoslik boʻyicha hamda Parij shahridagi oliygohlarda oʻqishadi. Bu haqida quyidagi havola orqali tanishib chiqish mumkin. Shuningdek, qabul qilingan talabalar quyidagi universitetlardan 3 tasida tahsil olishadi:

• Université de Technologie de Compiègne
• Sorbonne Université
• Université de Paris
• Università degli studi di Torino
• Università degli studi Roma Tre
• Hochschule für Wirtschaft und Recht Berlin
• Wirtschaftsuniversität Wien
• University of the Witwatersrand

Dastur davomida nimalar oʻtilishi haqida ushbu havola orqali tanishib chiqish mumkin.

Grant haqidagi maʼlumotlar bilan GrantGO tomonidan tayyorlangan quyidagi video/ovozli chat orqali ham tanishish mumkin:

• Nomzodlar bakalavr bosqichini iqtisod boʻyicha tamomlagan boʻlishi yoki boshqa yoʻnalishda tamomlagan talabalar kamida 24 ECTS kredit soat iqtisod va 6 ECTS kredit soat statistika yoki ekonometrika dars soatini oʻtgan boʻlishlari kerak. Bu haqida ushbu havola orqali batafsil maʼlumot olish mumkin;
• Ingliz tilini bilish boʻyicha TOEFL CBT 237, IBT 87, PBT 580; yoki IELTS 6,5; CEFR B2 sertifikatlariga ega boʻlish;
• Fransuz, italyan va nemis tillarini bilish majburiy sanalmaydi, ammo baholash vaqtida inobatga olinadi;

Qabul qilish shartlari dastur ixtisosliklariga qarab biroz farq qiladi:

Major A (Knowledge, innovation and the digital transition)

• Nomzod asosiy/murakkab iqtisod kursidan 24 ECTS soat hamda shu 24 ECTS soatning bir qismini tashkil qilgan menejment kursini olgan boʻlishi;

Major B (Macroeconomics, finance and socioeconomic transition)

• Nomzod mikroiqtisod, makroiqtisod, shuningdek, Minor B1 (Xalqaro makroiqtisodiyot va boshqaruv) uchun xalqaro iqtisodiyotni kursidan 24 ECTS soat kurs olgan boʻlishi;

Major C (Development sustainable development and the ecological transition)

• Minor C1 uchun asosiy/murakkab iqtisod kursidan 24 ECTS soat kurs olgan olishi;
• Minor C2 uchun mikroiqtisod, makroiqtisod hamda xalqaro iqtisod kursidan 24 ECTS soat kurs olgan boʻlishi.

Ushbu havola orqali dastur bilan batafsil tanishib chiqish mumkin.

Quyidagi imtiyozlar taqdim etiladi:

• Kontrakt pulidan ozod qilinadi;
• Safar xarajatlari uchun €3,000 gacha  pul miqdori;
• Birinchi yilda joylashib olishi uchun €1,000;
• Oyiga €1,400 stipendiya;
• Tibbiy sug‘urta bilan ta'minlanadi.

• Hujjatlar onlayn shaklda topshiriladi.
  Hujjat topshirishda quyidagilar soʻraladi:
  
  
  • CV(ushbu formatda lekin majburiy emas);
  • Diplomning asl nusxasining skanerlangan nusxasi kamida 180 ECTS (bakalavr/magistr/PhD) ga toʻgʻri keladigan oliy taʼlimni muvaffaqiyatli tamomlaganligini isbotlovchi diplomning skanerlangan nusxasi;
  • Oʻqishni 2026-yilning 31-iyulgacha yakunlaydigan nomzodlar 2026-yilning 31-avgustgacha diplomlarini topshirib ham ariza topshira olishlari mumkin.
  • Barcha oliy taʼlimda olingan baholarning nusxasi (diplom va baholar ingliz tilida boʻlmasa tarjima qilingan nusxasi bilan birga asl nusxasini yuklash soʻraladi)
  • Ingliz tilini bilish boʻyicha TOEFL CBT 237, IBT 87, PBT 580; yoki IELTS 6,5; CEFR B2 sertifikati;
  • Maqsad bayonoti (Statemen of purpose, 500 ta soʻzdan oshmagan boʻlishi kerak);
  • 2 tavsiyanoma;
  • Pasport nusxasi;
  • Yashash hududini tasdiqlovchi hujjat (Proof of place of residence);
  • Nomzodning shaxsiy mablagʻlari haqida maʼlumotnoma( bu hujjat majburiy emas).

• Tez-tez soʻraladigan savollarga javoblar;
• Intervyu boʻlish sanasi: 2026-yilning mart оyi bоshlari;
• Yakuniy natijalar 2026-yilning mart oyi oxirida maʼlum qilinadi.